جاڭا يدەيا ماركسيزمنىڭ سونى ءورىسىن اشتى

  • كەلۋ قاينارى: ىلە گازەتى
  • 10:48:41 27/08/2018

 ادامزاتتىڭ تاعدىرلاس ورتاق تۇلعاسىن قۇرۋ يدەياسى ادامزات قوعامى قايدا بارادى دەگەن ماسەلەگە جاۋاپ بەرۋدى تياناق ەتىپ، بەيبىتشىلىك، دامۋ، سەلبەستىك، ورتاق يگىلىكتەنۋ كوزقاراسىمەن ۇندەسەدى، «ءبىر جول، ءبىر بەلدەۋ» قۇرىلىسىمەن ۇشتاسقان. ول ءارى بولاشاق دامۋدىڭ بەتالىسى، ءارى كوز الداعى ىستەردى تىڭعىلىقتى ىلگەرىلەتۋدىڭ ناقتى تۇتقاسى، پارتيامىز ادامزات تاعدىرىنىڭ ورتاق تۇلعاسىن قۇرۋ يدەياسىن دايەكتى تياناقتاندىرۋدى توڭىرەكتەي وتىرىپ ءبىرقىدىرۋ ەلەۋلى شارالاردى، قىزمەت ورنالاستىرۋلارىن قىزمەت تالابىن العا قويدى.

    ادامزاتتىڭ تاعدىرلاس ورتاق تۇلعاسىن قۇرۋدى شىعار ءتۇيىن ەتىپ، شي جينپيڭ جولداس بۇكىل جەر شارىن وڭاۋ جۇيەسىن جاڭالاۋدى ىلگەرىلەتۋ جونىندە كوپتەگەن ماڭىزدى پايىمداۋلار جاسادى. ايتالىق، سوڭعى جىلدارى ەكونوميكانى عالامداندىرۋدا تولقۋ تۋىلىپ، ساۋدا قورعانىمپازدىعى بەلگىلى دارەجەدە باس كوتەرىپ، عالامداندىرۋعا قارسى اعىم پايدا بولدى، وسىنداي شەشۋشى ساتتە شي جينپيڭ جولداس كوپ رەت ماڭىزدى ءسوز جاريالاپ، جۇڭگونىڭ ەكونوميكانى عالامداندىرۋ جونىندەگى تانىمىن جۇيەلى پايىمداپ،حالىقارالىق قوعامنىڭ ەكونوميكانى عالامداندىرۋعا نازار اۋدارعانىنا اڭىس ءبىلدىرىپ، جۇڭگو كوممۋنيستىك پارتياسى مەن جۇڭگو حالقىنىڭ دۇنيەنىڭ دامۋى مەن ادامزاتتىڭ تاعدىرى جونىندەگى تارتىمدى ويىن بەينەلەپ، ەكونوميكانى عالامداندىرۋدىڭ اقاۋسىز دامۋىنا جۇڭگو جوباسىن ۇسىنىپ، جۇڭگو پاراساتىن سيلادى. شي جينپيڭ جولداس بىلاي دەپ اتاپ كورسەتتى: «جۇڭگو جاۋاپكەرلىك ارقالاعان ءىرى ەلدىك رولىن ۇزدىكسىز ساۋلەلەندىرىپ، جەر شارىن وڭاۋ جۇيەسى رەفورماسى مەن قۇرىلىسىنا بەلسەنە اتسالىسىپ، جۇڭگونىڭ پاراساتى مەن كۇشىن ۇزدىكسىز قوسادى. شاڭحاي سەلبەستىك ۇيىمىنا مۇشە ەلدەر باسشىلارىنىڭ القالار كەڭەسىنىڭ 18 – رەتكى ماجىلىسىندە، ول تاعى بۇگىنگى تاڭداعى دۇنيەنىڭ جالپى اۋقىمى مەن ءداۋىر اعىمىنا تەرەڭ تالداۋ جاساپ، ءبىر – بىرىنە سەنۋ، ءبىر – بىرىنە تيىمدىلىك جەتكىزۋ، تەرەزەسى تەڭ بولۋ، كەڭەسۋ، مادەنيەتتىڭ الۋان تۇرلىلىگىنە قۇرمەت ەتۋ، ورتاق دامۋعا قۇلشىنۋ سىندى <شاڭحاي رۋحىندا> تاباندى بولۋدى باسا دارىپتەپ، بۇگىنگى داۋىردە بويسۇنۋعا ءتيىستى دامۋ كوزقاراسىن، حاۋىپسىزدىك كوزقاراسىن، سەلبەستىك كوزقاراسىن، مادەنيەت كوزقاراسىن، عالامدى جونگە سالۋ كوزقاراسىن ايقىن العا قويدى».

    ادامزاتتىڭ تاعدىرلاس ورتاق تۇلعاسىن قۇرۋ يدەياسى دۇنيە جۇزىندەگى ەل – ەل حالىقتارىنىڭ تىلەگىن تەرەڭ اڭىس ەتىپ، حالىقارالىق قوعامنىڭ جوعارى باعاسىنا جانە قىزۋ قولداۋىنا يە بولىپ، ب م ۇ جينالىسىنىڭ، ب م ۇ حاۋىپسىزدىك القالار كەڭەسىنىڭ، ب م ۇ كىسىلىك ۇقىق القالار كەڭەسىنىڭ، ب م ۇ قوعامدىق دامۋ كوميتەتىنىڭ قۇجاتتارىنا كوپ رەت ەنگىزىلىپ، جۇڭگونىڭ كوزقاراسى حالىقارالىق ورتاق تانىم دەڭگەيىنە كوتەرىلۋدە. ادامزاتتىڭ تاعدىرلاس ورتاق تۇلعاسىن قۇرۋ يدەياسى باتىستىڭ نەگىزگى اعىمى سانالاتىن حالىقارالىق قاتىناس نازارياسىنان وزىپ، اسا ماڭىزدى نازاريالىق مانگە جانە امالياتتىق قۇنعا يە بولىپ، ادامزاتتىڭ بەيبىتشىلىك پەن دامۋ سىندى وسكەلەڭ ءىسىن پارمەندى تۇردە جەبەپ، بۇگىنگى تاڭداعى جۇڭگونىڭ ماركسيزمىنىڭ، 21 – عاسىردىڭ ماركسيزمىنىڭ عىلميلىق جانە اقيقاتتىق سيپاتىن اناعۇرلىم ايگىلەيتىندىگى داۋسىز.

    «حالىق گازەتىنىڭ» 2018 – جىلى 7 – ايدىڭ 12 – كۇنگى سانىنان اۋدارعان

    ابدوللا قاسىمبەك ۇلى

جاۋاپتى رەداكتور: گۇلدەن ماقسات قىزى