جاسى زاڭدا بەلگىلەنگەن زەينەتكە شىعۋ جاسىنان اسىپ كەتكەن ەڭبەكشىلەردىڭ زاڭ بويىنشا ەڭبەكتەنۋ ۇقىعىن جۇرگىزۋىنە بولا ما

  • كەلۋ قاينارى: شينجياڭ زاڭ جانە تۇرمىس گازەتى
  • 04:14:27 29/08/2018

  

    ادام ىستەتۋشى ورىن زاڭدا بەلگىلەنگەن زەينەتكە شىعۋ جاسىنان اسىپ كەتكەن ەڭبەكشىمەن ەڭبەك توقتامىن جاساسقاندا، ەڭبەكشىنىڭ زاڭدى ۇقىق - مۇددەسى زاڭ بويىنشا قامتاماسىزداندىرىلىپ، قىزمەت بارىسىندا ەڭبەكاقىسى تولىق بەرىلىپ، ادام ىستەتۋشى ورىن ەڭبەك توقتامىن كۇشىنەن قالدىرعاندا ەكونوميكالىق تولىقتاما سوماسىن بەرۋى كەرەك.

    دەلو جاعدايى

    2015 - جىلى 3 - ايدىڭ 15 - كۇنى دوۋ ×× (توقتام جاساسقان كەزدە جاسى 60 قا كەلگەن بولسا دا زەينەتكەرلىك قامسىزداندىرۋ مامىلەسىنەن يگىلىكتەنبەگەن) ءمالىم قوجالىق باسقارۋ شەكتى جاۋاپكەرلىك سەرىكتەستىگىمەن (تومەندە قىسقاشا قوجالىق سەرىكتەستىگى دەلىنەدى) ەڭبەك توقتامىن جاساسىپ، سول قوجالىق سەرىكتەستىگى جاۋاپتى بولعان شياڭحۋاڭچيداعى ءمالىم حالىق شيپاحاناسىنا تازالىقشى بولىپ جۇمىس ىستەيدى، توقتامدا ايلىعىنءبىر مىڭ 500 يۋان دەپ كەلىسەدى. 2016 - جىلى 9 - ايدا، قوجالىق سەرىكتەستىگى دوۋ ×× پەن جاساسقان ەڭبەك توقتامىن كۇشىنەن قالدىرىپ، تالاپكەرگە ەكونوميكالىق تولىقتاما سوماسىن بەرمەيدى. جۇمىستاعى كەزىندە دوۋ ×× تىڭ 2016 - جىلى 7-، 8 - ايداعى ەكى ايلىق ەڭبەكاقىسىنان جيىنى ءبىر مىڭ 667 يۋان تارتىپ قالادى. دوۋ ×× حالىق سوتى مەكەمەسىنە قوجالىق سەرىكتەستىگىنىڭ تارتىپ قالعان ءبىر مىڭ 667 يۋان ەڭبەكاقىسىن قايتارىپ بەرۋمەن بىرگە، ەڭبەك توقتامىن زاڭسىز كۇشىنەن قالدىرعاندىعى سەبەپتى ەڭبەكاقىسىن ەكى ەسەلەپ، 6 مىڭ يۋان ەكونوميكالىق تولىقتاما بەرۋىن تالاپ ەتىپ، قوجالىق سەرىكتەستىگىنىڭ ۇستىنەن ارىزدانادى. قوجالىق سەرىكتەستىگى: «دوۋ ×× توقتام جاساسقان كەزدە زاڭدا بەلگىلەنگەن زەينەتكە شىعۋ جاسىنان اسىپ كەتكەندىكتەن تالاپكەر مەن جاۋاپكەر ورتاسىنداعى قاتىناس ادام ىستەتۋ قاتىناسى ەسەپتەلىنەدى، ەڭبەك قاتىناسىنا كىرمەيدى، سوندىقتان، ەڭبەك توقتامى زاڭىن قولدانۋعا بولمايدى» دەپ ءوزىن اقتايدى.

    سوت ۇكىمى

    ىشكى مۇڭعۇل اۆتونوميالى رايوندىق شياڭحۋاڭچي حالىق سوتى مەكەمەسى تەكسەرۋ ارقىلى «تاراپتار ەڭبەك توقتامىن جاساسقان كەزدە دوۋ ×× تىڭ جاسى زاڭدا بەلگىلەنگەن زەينەتكە شىعۋ جاسىنان اسىپ كەتسە دە، قوعامدىق زەينەتكەرلىك قامسىزداندىرۋىنان يگىلىكتەنبەگەن، سونىمەن بىرگە تاراپتار اراسىنداعى ەڭبەك توقتامى زاڭداعى تيىم سالۋ بەلگىلەمەسىنە قايشى كەلمەگەن. مۇنداي جاعدايدا ەڭبەك قۋاتى بارلاردىڭ بارلىعى ەڭبەك قاتىناسىنداعى ەڭبەكشى بولا الادى. سوندىقتان، قوجالىق سەرىكتەستىگىنىڭ تالاپكەرمەن جاساسقان ەڭبەك توقتامىن سىڭار جاقتى كۇشىنەن قالدىرعان كەزدە «ەڭبەك توقتامى زاڭى »مەن «جۇڭحۋا حالىق رەسپۋبليكاسىنىڭ ەڭبەك توقتامى زاڭىن اتقارۋ ەرەجەسىنىڭ» (تومەندە قىسقاشا «ەڭبەك توقتامى زاڭىن اتقارۋ ەرەجەسى» دەلىنەدى) قاتىستى بەلگىلەمەسىنە ساي، تالاپكەرگە ەكى ەسە ەكونوميكالىق تولىقتاما سوماسىن بەرۋى كەرەك.

جاۋاپتى رەداكتور: گۇلدەن ماقسات قىزى