قارىز قۇجاتىنا قول قويۋدا قىراعى بولۋ كەرەك

  • كەلۋ قاينارى: شينجياڭ زاڭ جانە تۇرمىس گازەتى
  • 03:27:02 25/09/2018

   

    مىناداي ءۇش ءتۇرلى سالاۋاتتاعى زاڭدىق جاۋاپكەرلىك ۇقسامايدى

 

    حالىق سوتى مەكەمەسىنىڭ ۇكىمىن قولىنا الىپ تۇرىپ گۋ ×× قاتتى جابىرلەنگەن كوڭىل كۇيدە، «ءبىر دوسىما جاقسى كوڭىلمەن جانە ءبىر دوسىمنان اقشا قارىز الىپ بەرسەم، قارىز الۋشى قارىزدى قايتارۋ مەرزىمى تولعاندا جاسىرىنباق ويناپ، بىتكەن قارىز بەن ءوسىمى مەنىڭ باسىما ارتىلىپ قالدى» دەيدى. وسى تەكتەس باستاپتا قىراعى بولماعاندىقتان كوپتەگەن ادامدار كەلسە - كەلمەس كەپىل بولا سالعانىنا وپىق جەيتىن جاعدايلار كوپ كەزدەسەدى.

    گۋ ×× پەن ۋاڭ ×× قىزمەت بايلانىسىمەن تانىسقان دوستار ەدى، گو ×× بولسا گۋ ×× تىڭ ۇزاق جىلدىق جاقىن دوسى بولاتىن. 2017 - جىلى 7 - ايدا، گو ×× دەربەس يگىلىك تىكتەمەكشى بولىپ، قارجىدان قىسىلىپ، گۋ ×× تەن كومەك سۇرايدى. گۋ ×× تىڭ ويىنا ۋاڭ ×× تىڭ قازىرشە ىستەتپەيتىن زاپاس اقشاسىنىڭ بار ەكەنى ورالىپ، ولاردى تانىستىرىپ قويىپ دوسىنىڭ ۋاقىتتىق قيىنشىلىعىن شەشپەكشى بولادى. گۋ ×× تىڭ تانىستىرۋىمەن ۇشەۋى اسحانادا باس قوسادى. وسى بارىستا قارىز الىم - بەرىم قاتىناسى ورناپ، گو ××ۋاڭ ×× كە قارىز قۇجاتىن جازىپ بەرەدى، قارىز قۇجاتىندا گو ×× تىڭ ۋاڭ ×× تەن 70 مىڭ يۋان اقشا قارىز العانى، گۋ ×× كەپىل بولعانى، قارىز قايتارۋ مەرزىمىنىڭ ءبىر اي بولىپ، ۋاعىندا قايتارماسا كۇنىنە قارىز اقشانىڭ %3 ى بويىنشا توقتامدى بۇزۋ جاۋاپكەرلىگىن ارقالايتىندىعى جازىلادى.

    دوستىقتى قادىرلەيتىن گۋ ×× ەكىلەنبەستەن كەپىل بولىپ قارىز قۇجاتىنا اتىن جازىپ بارماعىن باسىپ بەرەدى، ۋاڭ ×× قارىز قۇجاتىن العان سوڭ، 70 مىڭ يۋان اقشانى گو ×× كە بەرەدى. ءبىر ايدان كەيىن گو ×× اقشانى قايتارۋ بىلاي تۇرسىن قاراسىندا كورسەتپەيدى، سونىمەن تالاپكەر ۋاڭ ×× سۋجوۋ قالاسى حۋچيۋ رايوندىق حالىق سوتى مەكەمەسىنە قارىزدى قايتارۋمەن بىرگە مەرزىمىنەن اسىرىپ جىبەرگەن مەزگىلىنە %24 بويىنشا ءوسىم بەرۋىن تالاپ ەتىپ گۋ ×× تىڭ ۇستىنەن ارىزدانادى.

    سوتتا ۋاڭ ××: «قارىزدى گو ×× العان، الايدا، مەن ونىمەن تانىس ەمەسپىن، ول گۋ ×× تىڭ دوسى. قازىر گو ×× تى تابا المادىم، سوندىقتان كەپىل بولعان گۋ ×× تىڭ ۇستىنەن ارىزدانىپ وتىرمىن» دەيدى. جاۋاپكەر گۋ ××: «تالاپكەردىڭ كورسەتكەن قارىز قۇجاتىنىڭ شىن ەكەندىگىن مويىندايمىن، قارىز قۇجاتىنا اتىمدى جازىپ، بارماق باسقانىمدا شىندىق» دەيدى.

    حالىق سوتى مەكەمەسى ازاماتتار اراسىنداعى زاڭدى قارىز الىم - بەرىم قاتىناسى زاڭ جاعىنان قورعالادى. بۇل دەلودا جاۋاپكەر گۋ ×× پەن تالاپكەر كەپىلدىك ءتاسىلىن ۋادەلەسپەگەندىكتەن ىلىكتەس جاۋاپكەرلىك بويىنشا كەپىلدىك جاۋاپكەرلىگىن ارقالاۋى كەرەك. قازىر جاۋاپكەر گۋ ×× قارىز الۋشى گو ×× تىڭ تالاپكەرگە قارىزدى قايتارىپ بەرگەندىگى جونىندە دالەل - ىسپات كورسەتە المايدى، سوندىقتان، جاۋاپكەر قارىز قۇجاتىنداعى 70 مىڭ يۋان قارىزدى قايتارۋى كەرەك.

جاۋاپتى رەداكتور: گۇلدەن ماقسات قىزى