جۇڭگو كوممۋنيستىك پارتياسى نەلىكتەن وزىنە سەنىمدى

  • كەلۋ قاينارى: ىلە گازەتى
  • 03:47:45 03/10/2018

    لي يوڭشىڭ

    

    شي جينپيڭ جولداس بىلاي دەپ اتاپ كورسەتكەن ەدى: « بۇكىل پارتيا جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەۋى كەرەك. بۇگىنگى دۇنيەدە قايسى ساياسي پارتيا، قايسى مەملەكەت، قايسى ۇلت وزىنە سەنىم ارتا الادى دەگەنگە كەلسەك، وندا جۇڭگو كوممۋنيستىك پارتياسى، جۇڭحۋا حالىق رەسپۋبليكاسى، جۇڭحۋا ۇلتى ءوز سەنىمىنە تولىق سەبەپ كورسەتە الادى». قازىر ءبىز «ءتورت سەنىمدى» بەكەمدەپ، جاڭا ءداۋىر جۇڭگوشا سوتسياليزم ىستەرىنىڭ ۇلى جەڭىسىنە قول جەتكىزۋ ءۇشىن، الدىمەن جۇڭگو كوممۋنيستىك پارتياسىنىڭ وزىندىك سەنىمىن بەكەمدەۋىمىز كەرەك. جۇڭگو كوممۋنيستىك پارتياسىنىڭ جۇڭحۋا حالىق رەسپۋبليكاسىن قۇرۋشى، جۇڭحۋا ۇلتىنىڭ ۇلى كوركەيۋ ىستەرىنىڭ باسشىسى رەتىندە وزىنە سەنىمدى بولۋعا تولىق سەبەبى بار.

    نازاريا ولشەمىمەن قاراساق، پارتيانىڭ وزىندىك سەنىمى ماركسيزمنىڭ جەتەكشىلىگىنەن جانە داۋىرمەن تەڭ العا باسقان نازاريالىق جاڭالىقتان كەلگەن

    ءبىزدىڭ پارتيامىز ءوزى قۇرىلعان كۇننەن باستاپ ماركسيزمدى ءوز تۋىنا جازدى، ماركسيزم ءبىزدىڭ پارتيانى، مەملەكەتتى قۇرعانداعى ءتۇبىرلى جەتەكشى يدەيامىز. شي جينپيڭ جولداس ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ ماجىلىسىندە بىلاي دەپ اتاپ كورسەتتى: «ەكى عاسىردان بەرى ادامزات قوعامىندا زور ءارى تەرەڭ وزگەرىستەر تۋىلعانىمەن، ماركستىڭ ەسىمىن دۇنيەنىڭ جەر-جەرىندەگى ادامدار قۇرمەتپەن اۋزىنان تاستاماي كەلەدى، ماركستىڭ ءىلىمى ءالى دە اقيقات نۇرىن توگىپ تۇر! »، «ادامزاتتىڭ يدەيا تاريحىندا ادامزاتقا ماركسيزمدەي كەڭ تاراعان ءارى تەرەڭ ىقپال جاساعان يدەيالىق نازاريا جوق». مۇنان ماركسيزمنىڭ ۇشان تەڭىز عىلمي يدەيا جۇيەسىنىڭ بۇگىنگى كۇندە دە اقيقات پەن ىزگىلىك بيىگىندە نىق تۇرعانىن كورۋگە بولادى. بۇل جۇڭگو كوممۋنيستىك پارتياسىن عىلمي ءارى جۇيەلى سەنىمگە يە ەتتى.

    97 جىلدان بەرى پارتيامىزدىڭ جۇڭگو حالقىن باستاپ، تاياۋ زاماننان بەرى ءتۇرلى ساياسي كۇشتەر ورىنداي الماعان اۋىر مىندەتتەردى ورىنداپ، جەڭىستەن جەڭىسكە جەتە الۋى، ونىڭ باستان اياق ماركسيزم سىندى وسى ءبىر عىلمي نازاريانى ءوزىنىڭ ارەكەت قىبىلاناماسى ەتكەندىگىنەن بولدى. ماركسيزمنىڭ جەتەكشىلىگى بولعاندىقتان دا پارتيامىز بۇرىنعى بارلىق ساياسي كۇشتەر شىرمالعان وزىندىك ەرەكشە مۇددەنىڭ شەكتەمەسىنە ۇشىراماي، ماتەرياليستىك ديالەكتيكانىڭ عىلمي رۋحىمەن، قالتقىسىز دارقان پەيىلمەن جۇڭگو توڭكەرىسىنە، قۇرىلىسىنا، رەفورماسىنا باسشىلىق ەتتى جانە ونى ىلگەرىلەتتى. ماركسيزم جۇڭگو كوممۋنيستىك پارتياسىنىڭ وزىندىك سەنىمى ءۇشىن نازاريا ىرگە تاسىن بەكەمدەپ، پارتيامىزدىڭ بارلىق قيىندىقتى جەڭىپ، جەڭىستەن جەڭىسكە جەتۋىنە جەتەكشىلىك ەتەتىن رۋحاني تىرەگى جانە اقىل - پاراسات قاينارى بولدى. ماركسيزمدى تاباندىلىقپەن جەتەكشى ەتۋ پارتيامىزدىڭ وزىندىك سەنىمىنىڭ باستان -اياق وسكەلەڭ سەنىم بيىگىندە تۇرىپ، اقيقات تۇعىرىن بەكەمدەۋىنە قۇدىرەتتى كۇش باعىشتادى.

جاۋاپتى رەداكتور: جازيرا بولاتباي قىزى