جۇڭگو كوممۋنيستىك پارتياسى نەلىكتەن وزىنە سەنىمدى

  • كەلۋ قاينارى: ىلە گازەتى
  • 03:47:45 03/10/2018

    97 جىلدان بەرى پارتيامىز ماركسيزمدە باستان -اياق تاباندى بولۋمەن بىرگە، داۋىرمەن تەڭ العا باسىپ، ماركسيزمدى ۇزدىكسىز بايىتتى جانە دامىتتى. ماركسيزم جۇڭگوعا كىرگەننەن كەيىن، جۇڭگو كوممۋنيستەرى ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا تاباندى بولىپ، ماركسيزمدى جۇڭگوشالاندىرۋدى، داۋىرمەن ۇشتاستىرۋدى ۇزدىكسىز ىلگەرىلەتىپ، بۇرىندى-سوڭدى ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن قالىپتاستىرىپ، ماركسيزمدى ءداۋىر مەن امالياتتىڭ دامۋىنا ساي ۇزدىكسىز ىلگەرىلەتىپ، ماركسيزمدى جۇڭگوشالاندىرۋ، داۋىرمەن ۇشتاستىرۋ بارىسىندا ونىڭ قۇدىرەتتى ومىرشەڭ كۇشىن ايگىلەدى. پارتيا 18- قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى نازاريا مەن امالياتتى ۇشتاستىرۋ تۇرعىسىنان جاڭا داۋىردە قانداي جۇڭگوشا سوتسياليزمدە تاباندى بولۋ جانە ونى دامىتۋ كەرەك، جۇڭگوشا سوتسياليزمدە قايتكەندە تاباندى بولۋعا جانە ونى دامىتۋعا بولادى؟ دەگەن داۋىرلىك تاقىرىپقا جۇيەلى جاۋاپ بەرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى سىندى ماركسيزمدى جۇڭگوشالاندىرۋدىڭ ەڭ جاڭا ناتيجەسىن جاراتتى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى بۇكىل پارتيا مەن بۇكىل ەل حالقىنىڭ جۇڭحۋا ۇلتىنىڭ ۇلى كوركەيۋىن جۇزەگە اسىرۋ جولىنداعى كۇرەسىنىڭ ارەكەت قىبلاناماسى، زامانىمىزداعى جۇڭگونىڭ ماركسيزمى، 21- عاسىردىڭ ماركسيزمى، پارتيامىزدىڭ جاڭا داۋىردەگى كوكىرەك تولى سەنىمىنىڭ نازاريالىق نەگىزى.

    اماليات ولشەمىمەن قاراساق، پارتيانىڭ وزىندىك سەنىمى ونىڭ جۇڭحۋا ۇلتىنىڭ ۇلى كوركەيۋى ءۇشىن قوسقان زور ۇلەسىنەن كەلگەن.

    امالياتتىڭ يلاندىرۋ قۋاتى ەڭ كۇشتى. جۇڭگو كوممۋنيستىك پارتياسىنىڭ وزىندىك سەنىمى ونىڭ 97 جىلدان بەرى جۇڭگو حالقىنا جەتەكشىلىك ەتە وتىرىپ توڭكەرىستە، قۇرىلىستا جانە رەفورمادا قول جەتكىزگەن، دۇنيە نازارىن اۋدارعان ۇلى جەتىستىگىنەن، 97 جىلدان بەرى جۇڭحۋا ۇلتىنىڭ ۇلى كوركەيۋى جولىنداعى زور ۇلەسىنەن كەلگەن. بۇگىنگى كۇندە پارتيانىڭ، مەملەكەتتىڭ، حالىقتىڭ، ارميانىڭ، جۇڭحۋا ۇلتىنىڭ بەت -بەينەسىندە بۇرىن بولماعان وزگەرىستەر تۋىلىپ، جۇڭحۋا ۇلتى شىت جاڭا بەينەمەن دۇنيەنىڭ شىعىسىنان اسقاق بوي كورسەتتى، جۇڭگو كوممۋنيستىك پارتياسىنىڭ ماقتانىشى مەن سەنىمىنە تولىق سەبەبى بار.

    97 جىلدان بەرگى جۇڭگو كوممۋنيستىك پارتياسىنىڭ جۇڭگو حالقىن باستاپ قول جەتكىزگەن ۇلى جەڭىسى جۇڭحۋا ۇلتىنىڭ ءۇش رەتكى ۇلى سەكىرۋىنەن شوعىرلى بەينەلەنەدى. ءبىرى، جۇڭگو كوممۋنيستىك پارتياسى قۇرىلعاننان كەيىن حالىقتى ىنتىماقتاستىرا باستاپ، ۇزاق ۋاقىت كۇرەس جۇرگىزۋ بارىسىندا جاڭا دەموكراتيالىق توڭكەرىس پەن سوتسياليستىك توڭكەرىستى ورىندادى، جۇڭحۋا حالىق رەسپۋبليكاسىن قۇردى جانە سوتسياليستىك نەگىزگى ءتۇزىمدى ورناتتى، سوتسياليستىك قۇرىلىس جولىندا ماشاقاتتى ىزدەنىس جاسادى، بۇل ـ جۇڭحۋا ۇلتىن شىعىس ازيا دىمكاسىنان ەڭسە كوتەرتكەنگە دەيىنگى ۇلى سەكىرىس. ەكىنشىسى، رەفورما جۇرگىزىپ، قاقپا اشقاننان بەرى جۇڭگو كوممۋنيستىك پارتياسى حالىقتى ىنتىماقتاستىرا باستاپ، جۇڭگوشا سوتسياليزمنىڭ جاڭا، ۇلى امالياتىن جۇرگىزىپ، جۇڭگونى ارشىندى قاداممەن ءداۋىر ۇردىسىنە ىلەستىرىپ، جۇڭحۋا ۇلتىنىڭ ەڭسە كوتەرۋدەن بايۋعا دەيىنگى ۇلى سەكىرىسىن جۇزەگە اسىردى.

جاۋاپتى رەداكتور: جازيرا بولاتباي قىزى