جۇڭگو كوممۋنيستىك پارتياسى نەلىكتەن وزىنە سەنىمدى

  • كەلۋ قاينارى: ىلە گازەتى
  • 03:47:45 03/10/2018

ءۇشىنشىسى، جاڭا داۋىردە جۇڭگو كوممۋنيستىك پارتياسى حالىقتى ىنتىماقتاستىرا باستاپ، ۇلى كۇرەس جاساپ، ۇلى قۇرىلىس جۇرگىزىپ، ۇلى ىستەردى ىلگەرىلەتىپ، ۇلى ارماندى ىسكە اسىرىپ، پارتيا مەن مەملەكەت ىستەرىنىڭ جان-جاقتى، جاڭالىق اشۋ سيپاتتى قول جەتكىزگەن جەتىستىكتەرىن جەبەدى، تەرەڭ قاتپارلى، ءتۇبىرلى تاريحي وزگەرىستەر تۋىلىپ، جۇڭحۋا ۇلتى بايۋدان قۇدىرەتتەنۋگە قاراي ۇلى سەكىرىس جاسادى. بۇل ۇش ۇلى سەكىرىس مىناداي ناقتى سيفىرلاردان بەينەلەنەدى. مىسالى، رەفورما جۇرگىزىپ، قاقپا اشقاننان بەرى جۇڭگو ەكونوميكاسىنىڭ جالپى مولشەرى دۇنيەدەگى 11 - ورىننان 2 - ورىنعا جوعارىلاپ، دۇنيە ەكونوميكاسىنان ۇستايتىن ۇلەسى %1.8 تەن %15 شاماسىندا جوعارىلادى؛ جالپى 700 ميلليون ادام كەدەيلىكتەن ارىلىپ، جالپى جەر ءجۇزىنىڭ كەدەيلىكتەن ارىلتۋ ىسىنە قوسقان ۇلەسى %70 تەن استى؛ مەجەلى ورتاشا عۇمىر 1978- جىلعى 68.2 جاستان 2017-جىلعا كەلگەندە 76.7 جاسقا جوعارىلادى. بۇل كىسىنى قايران قالدىراتىن جۇڭگوداعى عاجايىپ ىستەر. مىنە وسىنىڭ بارىنە جۇڭگو كوممۋنيستىك پارتياسىنىڭ باسشىلىعىندا قول جەتتى.

    اسىرەسە، پارتيا 18- قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى توتەنشە زور ساياسي باتىلدىقپەن جانە كۇشتى جاۋاپكەرلىكپەن ءبىر قىدىرۋ جاڭا تانىم، جاڭا يدەيا، جاڭا ستراتەگيانى ورتاعا قويدى؛ ءبىر قىدىرۋ ءىرى باعىت -ساياساتتاردى شىعاردى؛ ءبىر قىدىرۋ ءىرى شارالاردى بەلگىلەدى؛ ءبىر قىدىرۋ ءىرى قىزمەتتەردى ىلگەرىلەتتى؛ ۇزاق ۋاقىتتان بەرى شەشۋ ويلاستىرىلسا دا شەشىلمەگەن قيىن ماسەلەلەردى شەشتى؛ بۇرىن ىستەۋ ويلاستىرىلسا دا ىستەلمەگەن ءىرى ىستەردى ىستەدى؛ جۇڭحۋا ۇلتىنا ۇلى كوركەيۋ سىندى جارقىن بولاشاق باعىشتادى. باتىستاعى كەيبىر الاساپىران جاعدايداعى ەلدەردەن كورنەكتى پارقى ـ جۇڭگو جۇڭگوشا سوتسياليزمدى جاڭا داۋىرگە قادام تاستاتتى، ءبىز جۇڭحۋا ۇلتىنىڭ ۇلى كوركەيۋىن جۇزەگە اسىرۋعا تاريحتاعى ءار قانداي كەزدەگىدەن جاقىندادىق، ونى ىسكە اسىرۋعا تاريحتاعى ءار قانداي كەزدەگىدەن سەنىمدىمىز جانە قۋاتىمىز جەتەدى. وسىمەن قوسا، پارتيا 18- قۇرىلتايىنان بەرى پارتيامىز «ءتورت ءىرى سىنعا»، «ءتورت ءتۇرلى حاۋىپ -قاتەرگە» جانە پارتيا ىشىندە ورىن تەپكەن كورنەكتى ماسەلەلەرگە ءدوپ كەلگەندە، پارتيانى جاپپاي قاتاڭ باسقارۋدان اۋىتقىمادى، پارتيانىڭ ساياسي تۇرمىس اتموسفەراسىن جاڭالادى، پارتيا ىشىندەگى ساياسي ەكولوگيا كورنەكتى جاقساردى، پارتيانىڭ جاسامپازدىق قۋاتى، ۇيتقىلىق قۋاتى، كۇرەسكەرلىك قۋاتى كورنەكتى ارتتى، پارتيانىڭ ىنتىماق-بىرلىگى بارىنشا بەكەمدەلدى، پارتيا مەن بۇقارانىڭ بايلانىسى كورنەكتى جاقساردى، پارتيا توڭكەرىستىك شىڭدالۋ بارىسىندا ءتىپتى دە قۇدىرەتتەندى، تىڭ دا تەبىندى ومىرشەڭدىك قۋاتىن ايگىلەدى. «تەمىردى سوعۋ ءۇشىن قۇرىشتاي قۋات كەرەك». پارتيانى جاپپاي قاتاڭ باسقارۋ جولىندا جۇڭگو كوممۋنيستىك پارتياسى شىنىندا قۇرىشتاي قۋات تانىتىپ، وزىنە تولىق سەنىمدى ەكەندىگىن ءبىلدىردى.

جاۋاپتى رەداكتور: جازيرا بولاتباي قىزى