جۇڭگو كوممۋنيستىك پارتياسى نەلىكتەن وزىنە سەنىمدى

  • كەلۋ قاينارى: ىلە گازەتى
  • 03:47:45 03/10/2018

    دۇنيە ءجۇزى ولشەمىمەن قاراساق، پارتيامىزدىڭ وزىندىك سەنىمى ونىڭ ادامزاتتىڭ العا باسۋ ىستەرىن ىلگەرىلەتۋ ءۇشىن كۇرەسەتىن ساياسي پارتيا بولعاندىعىنان كەلگەن

    شي جينپيڭ جولداس پارتيا 19- قۇرىلتايىنىڭ بايانداماسىندا بىلاي دەپ اتاپ كورسەتتى: «جۇڭگو كوممۋنيستىك پارتياسى جۇڭگو حالقى ءۇشىن باقىت جاراتاتىن ءارى ادامزاتتىڭ العا باسۋ ىستەرى جولىندا كۇرەسەتىن ساياسي پارتيا. جۇڭگو كوممۋنيستىك پارتياسى ادامزات ءۇشىن تىڭ، ءتىپتى دە زور ۇلەس قوسۋدى باستان-اياق ءوزىنىڭ بورىشى ساناپ كەلەدى». ادامزاتتىڭ العا باسۋ ىستەرى جولىندا كۇرەسۋ ـ پارتيامىزدىڭ ءوزى قۇرىلعان كۇننەن باستاپ بويىنا سىڭىرگەن دارقاندىعى جانە وسكەلەڭ مۇراتى رەتىندە ونىڭ بۇكىل دۇنيە ءجۇزى جونىندەگى ىنتا-ىقىلاسى مەن ارقالاعان بورىشىن ايگىلەدى. ادامزاتتىڭ العا باسۋ ىستەرى جولىندا كۇرەسەتىن ءبىر ساياسي پارتيانىڭ دامۋ بولاشاعى، ارينە، شەكسىز بولادى.

    جۇڭگو كوممۋنيستىك پارتياسى جونىنەن ايتقاندا جۇڭگو حالقىنىڭ باقىتى، جۇڭحۋا ۇلتىنىڭ كوركەيۋى جانە بۇكىل ادامزاتتىڭ بەيبىتشىلىگى مەن دامۋىءبىر-بىرىمەن تىعىز بايلانىستى. 97 جىلدان بەرى جۇڭگو كوممۋنيستىك پارتياسى باستان -اياق دۇنيە ءجۇزىنىڭ بەيبىتشىلىگى مەن تىنىشتىعى ءۇشىن، دۇنيە ءجۇزىنىڭ بىرگە دامۋى ءۇشىن، دۇنيە وركەنيەتىنىڭ اۋىس -كۇيىسكە ءتۇسىپ، ءوزارا ءنار الۋى ءۇشىن ۇلەس قوستى. شي جينپيڭ جولداس جۇڭگو كوممۋنيستىك پارتياسى مەن دۇنيەءجۇزى ەلدەرى ساياسي پارتيالارىنىڭ جوعارى دارەجەلى مانساپتىلارىمەن پىكىرلەسۋ ماجىلىسىندەگى ارقاۋ سوزىندە:«بولاشاقتى بەتكە العان جۇڭگو كوممۋنيستىك پارتياسى دۇنيە جۇزىندەگى ءارقايسى ەلدىڭ ساياسي پارتياسىمەن قارىم -قاتىناستى كۇشەيتۋدى قالايدى، پارتيانى، مەملەكەتتى باسقارۋ جاعىنداعى تاجىريبەلەردەن بىرگە يگىلىكتەنەدى، مادەنيەتتى قارىم -قاتىناس جاسايدى، پىكىرلەسەدى، ءوزارا ستراتەگيالىق سەنىمدى نىعايتادى، دۇنيە جۇزىندەگى ءارقايسى ەلدىڭ حالقىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى، قول ۇستاسا وتىرىپ دۇنيەنى ءتىپتى دە كوركەيتەدى!»دەپ اتاپ كورسەتتى. ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ شي جينپيڭ جولداستىڭ ادامزاتتىڭ دامۋى مەن دۇنيە جۇزىنىڭ بولاشاعىن كوزدەي وتىرىپ العا قويعان ماڭىزدى ستراتەگيالىق يدەياسى. وندا پىكىرلەسۋ، كەڭەسۋ جاعىندا تاباندى بولىپ، دۇنيە جۇزىندە باياندى بەيبىتشىلىك ورناتۋ؛ بىرگە كوركەيىپ، ورتاق يگىلىكتەنىپ، جالپىلاي حاۋىپسىز دۇنيە قۇرۋ؛ سەلبەسۋدە، ورتاق يگىلىكتەنۋدە تاباندى بولىپ، دۇنيەنى بىرگە كوركەيتىپ-گۇلدەندىرۋ؛ قارىم-قاتىناس ورناتىپ، ءوزارا ءنار الىپ، اشىق، سيىسىمدى دۇنيە قۇرۋ؛ جاسىل ءتۇستى، تومەن كومىرتەكتى ۇستانىمىندا تاباندى بولىپ، تازا، كوركەم دۇنيە قۇرۋ دارىپتەلگەن. ادامزاتتىڭ تاعدىرلاس ورتاق تۇلعاسىن قۇرۋ حالىقارالىق قوعامنىڭ جوعارى باعاسىنا يە بولىپ، توتەنشە تەرەڭ ىقپال قوزعادى. شي جينپيڭ جولداستى ۇيتقى ەتكەن پارتيا ورتالىق كوميتەتى تەك ادامزاتتىڭ تاعدىرلاس ورتاق تۇلعاسى يدەياسىن ورتاعا قويىپ قانا قالماستان، ونىڭ ۇستىنە ءونىمدى شارالار قولدانىپ، ادامزاتتىڭ تاعدىرلاس ورتاق تۇلعاسىن تاباندىلىقپەن ىلگەرىلەتتى. مىسالى جۇڭگو «ءبىر بەلدەۋ، ءبىر جول» قۇرىلىسىن بار كۇشپەن ىلگەرىلەتتى، «ءبىر بەلدەۋ، ءبىر جول» جاعىنداعى حالىقارالىق سەلبەستىكتى بەلسەنە جەبەدى، ساياساتتىڭ ىركىلىسسىز، قۇرىلىستاردىڭ ۇلاسپالى، ساۋدانىڭ بوگەتسىز، قارجىنىڭ ايلانىمدى، حالىقتىڭ تىلەكتەس بولۋىن ىسكە اسىردى. اماليات «ءبىر بەلدەۋ، ءبىر جول» قۇرىلىسىنىڭ وعان قاتىناسقان ەلدەردىڭ حالقىنا بايلىق جاراتىپ، قاتىستى ەلدەردىڭ كەڭ كولەمدە سايكەسۋىنە يە بولىپ، ادامزاتتىڭ تاعدىرلاس ورتاق تۇلعاسىن قۇرۋ ءۇشىن بەرىك نەگىز قالاعانىن دالەلدەدى. مۇنان تىس، ۇزاق ۋاقىتتان بەرى جۇڭگو كوپتەگەن دامۋ ۇستىندەگى ەلدەرگە كومەك بەرىپ، قىرۋار تەحنيكا، ادام كۇشى، قارجى جاعىنان قولداپ، ولارعا حالىق تۇرمىسىن جاقسارتاتىن كوپتەگەن نىساندار جۇرگىزىپ، دامۋ ۇستىندەگى ەلدەردىڭ جوعارى باعاسىنا يە بولدى. مىنە وسىنىڭ ءبارى دە جۇڭگو كوممۋنيستىك پارتياسىنىڭ ادامزاتتىڭ العا باسۋ ىستەرى جولىندا كۇرەسكەن اسەرلى ىستەرىنىڭ بەينەسى.

    (اۆتور شي- ان قاتىناس داشۋەسى ماركسيزم شۋەيۋانىنىڭ پروفەسسورى، شانشي ولكەسى جوڭگوشا سوتسياليزم نازارياسى جۇيەسىن زەرتتەۋ ورنىنىڭ زەرتتەۋشىسى)

    «حالىق گازەتىنىڭ» 2018-جىلى 7-ايدىڭ 2 - كۇنگى سانىنان اۋدارعان ساۋلەت توقتىبايەۆ

جاۋاپتى رەداكتور: جازيرا بولاتباي قىزى