ۇلتتار ىنتىماعىنىڭ جارشىسى يە يۇيحۋا

  • كەلۋ قاينارى: ىلە گازەتى
  • 04:47:45 10/10/2018

    ەرىكتى تىلشىلەر دۋمان يڭۋا ۇلى، سالتانات شاھارقان قىزى، جازيرا قاجىكەن قىزى، ليۋ پىڭ حابارلايدى. ءدوربىلجىن اۋدانىندا يە يۇيحۋانى تانيتىنداردىڭ ءبارى ونىڭ 4 قازاق «شەشەسى»، ءبىر ۇيعۇر «شەشەسى» جانە 3 جۇمىسشى «اپەكە – ءسىڭلىسى» بار ەكەنىن بىلەدى.

    بيىل 50 جاستاعى يە يۇيحۋا كۇرتى اۋىلدىق جوسپارلى تۋىت كەڭسەسىنىڭ پەنسياعا شىققان كادرى، ونىڭ مۇنداي ەل اۋزىندا قالعان جان تەبىرەنتەرلىك اڭگىمەسىن باسىنان باستاۋىمىز قاجەت بولىپ وتىر.

    قىزمەت بارىسىندا قازاق «شەشە» تاپتى

    كۇرتى اۋىلى مال شارۋاشىلىق 3 – اترەتىنىڭ مالشىسى ايتجامالدىڭ كۇيەۋى ناۋقاستان ەرتە قايتىس بولىپ، كۇيەۋىن ەمدەتۋ ءۇشىن كوپ قارىز ارقالاپ قالعان. ايتجامالدىڭ ءوزى دە جوعارى قان قىسىم اۋرۋى مەن رەۆماتيزم اۋرۋىنا شالدىققان، ءبىر وتباسىنداعى 5 جان ەلدىڭ مالىن كوتەرمەگە الىپ باعۋمەن كۇنەلتىپ، توتەنشە جاپالى تۇرمىس كەشىرىپ كەلگەن. 2009 – جىلى 9 – ايدا اۋىل بويىنشا جالعىز ءوزى عانا زەينەتكەرلىك قامسىزداندىرۋى قورىن تاپسىرماعانىن بىلگەن ايتجامال ەش شارا تابا الماي اۋىلدىق ۇكىمەت كەڭسەسىنىڭ الدىندا ەگىلىپ جىلاپ وتىرادى.

    تۇستە قىزمەتتەن تۇسكەن يە يۇيحۋا جاپادان – جالعىز ەگىلىپ جىلاپ وتىرعان ايتجامالدى كورىپ،ودان قالايشا بۇل جەردە وتىرعانىن سۇرايدى ءارى جاقىن ماڭداعى اسحاناعا ەرتىپ اپارىپ تاماقتاندىرادى. كەتەرىندە ايتجامالدىڭ جۇلىعى شىققان اياق كيىمىن كورگەن يە يۇيحۋا دۇكەننەن ءبىر پار جاڭا اياق كيىم ساتىپ اپەرەدى جانە ءوزىنىڭ تەلەفون ءنومىرىن وعان جازىپ بەرەدى.

    سودان باستاپ ايتجامال يە يۇيحۋاعا نەشە مارتە تەلەفون بەرىپ، زەينەتكەرلىك قامسىزداندىرۋى قورىن تاپسىرۋىنا كومەك قولىن سوزۋىن وتىنەدى. يە يۇيحۋا ايتجامالدىڭ جاعدايىن اۋىلدىق ۇكىمەتكە اڭىس ەتەدى. اۋىلدىق ۇكىمەت جاعدايدان حابار تاپقان سوڭ، ايتجامالدىڭ زەينەتكەرلىك قامسىزداندىرۋى قورىن تاپسىرۋ ماسەلەسىن شەشىم ەتەدى.

    بۇعان ءدان ريزا بولعان ايتجامال ءبىر قارىن سارى مايىن كوتەرىپ، ەكى كۇن جول باسىپ، جايلاۋدان يە يۇيحۋاعا ارناۋلى راقىمەت ايتا كەلەدى.

    يە يۇيحۋا ونىڭ تارتۋىن الۋدان باس تارتادى. كوز جاسىن كولدەتكەن ايتجامال قاريا: «بالام – اۋ، سەن جاقسى ادام ەكەنسىڭ، ازعانتاي كوڭىلىمدى قابىل الشى» دەيدى. جىعىلا جابىسقان قارت انانىڭ كوڭىلىن قيا الماعان يە يۇيحۋا اقىرى قابىل الادى. ايتسە دە ول بىلدىرتپەي ايتجامالدىڭ قالتاسىنا 200 يۋان اقشا سالىپ قويادى. اتتانارىندا الدىن الا دايىنداپ قويعان جاڭا پوپايكا مەن ءبىر پار اياق كيىمدى ايتجامالعا ۇسىنادى.

جاۋاپتى رەداكتور: جازيرا بولاتباي قىزى