وتىرىقتانعان مالشىلار كۇن نۇرى ەلەكترىنىڭ يگىلىگىن كوردى

  • كەلۋ قاينارى: ىلە گازەتى
  • 03:32:24 11/10/2018

    ساۋان اۋدانى نيۋجۋانزى مال فەرماسى سارتوعان قىستاعىنا قاراستى نانچۇي مالشىلاردى وتىرىقتاندىرۋ ءتۇيىنى فەرما ورتالىعىنان 60 كيلومەتر قاشىقتىقتا، بۇل وتىرىقتاندىرۋ تۇيىنىندە جالپى 30 دان استام وتباسى بار. قىستاق تۇرعىندارى نەگىزىنەن مال شارۋاشىلىعىمەن شۇعىلدانادى. 9 -ايدىڭ 20 -كۇنى سارتوعان قىستاعىنا قاراستى نانچۇي مالشىلاردى وتىرىقتاندىرۋ ءتۇيىنىنىڭ جول بويىندا جۇمىسشىلار كۇن نۇرىمەن جاناتىن جول شىراعىن قاربالاس ورناتىپ جاتتى، ساۋان اۋداندىق قالا قۇرىلىسى مەكەمەسىنەن وسى قىستاققا تۇسكەن قىزمەت اترەتىندەگى كادرلار مەن قىستاق تۇرعىندارى جول شىراعىن ورناتىپ جاتقان جۇمىسشىلارعا بەلسەندى تۇردە كومەكتەسىپ، جۇمىستىڭ ەرتەرەك بىتۋىنە اسىقتى.

    قىستاق تۇرعىنى سەكەن ءابىلماجىن ۇلى: «قىستاعىمىزدا بۇرىن جول شىراعى جوق بولاتىن، كەشتەردە دالاعا شىققان كەزدە ۇنەمى قول پروجەكتر الىپ جۇرەتىنبىز، قازىر جاقسى بولدى، 20 مەتر جەردە ءبىر كۇن نۇرىمەن جاناتىن جول شىراعى بار بولىپ، كۇن باتىسىمەن ءوزى جانىپ تۇرادى، ءبىزدىڭ ءجۇرىپ -تۇرۋىمىزعا وتە قولايلى بولدى»، -دەدى.

    قازىرگە دەيىن قىستاقتىڭ نەگىزگى جول بولەگىنە 30 دان استام كۇن نۇرى جول شىراعى ورناتىلىپ، وسى وتىرىقتاندىرۋ ءتۇيىنىنىڭ نەگىزگى جول بولەكتەرى مەن ماڭىزدى قيمىل ورىندارىنىڭ بارلىعىن قامتىدى ءارى ءونىمدى تۇردە قىستاق تۇرعىندارىنىڭ كەشتە ءجۇرىپ -تۇرۋ قيىنشىلىعىن وڭاپ، وتىرىقتاندىرۋ تۇيىنىندە 45 جىلدان بەرى جول شىراعى بولماۋ ماسەلەسىن تۇبەگەيلى شەشتى. قىستاق تۇرعىندارى قۋانىشتى تۇردە قىستاققا تۇسكەن كادرلار ءبىزدىڭ جولىمىزدى عانا ەمەس، ءبىزدىڭ بايۋ جولىمىزدى دا جارقىراتتى، پارتياعا راقىمەت، قىستاققا تۇسكەن كادرلارعا راقىمەت، ءبىزدىڭ ۇلى وتانىمىز كۇننەن كۇنگە دامىپ، قۇدىرەتتەنە بەرۋىن تىلەيمىز!-دەدى.

    ساۋان اۋداندىق قالا قۇرىلىسى مەكەمەسىنەن وسى قىستاققا تۇسكەن كادرلار قىستاقتاعى وتباسىلارىن ارالاپ احۋال ۇعىسۋ بارىسىندا، قىستاقتا جول شىراعى بولماعاندىقتان قىستاقتىڭ نەگىزگى جولدارىنىڭ بارلىعىن قاراڭعىلىق باسىپ، نەگىزگى الەۋمەتتىك ورىنداردا كومەسكى حاۋىپسىزدىك قاتەرى ساقتالۋمەن بىرگە، قىستاق تۇرعىندارىنىڭ كەشكى ءجۇرىس _ تۇرىسىنا دا از بولماعان قولايسىزدىقتار تۋدىرىپ كەلگەن -دى. بۇل ماسەلەنى تۇبەگەيلى وڭاۋ ءۇشىن، قىستاققا تۇسكەن كادرلار بەلسەندى تۇردە قاتىستى ورىندارمەن بايلانىس جاساپ، جول شىراعىن ورناتۋ قۇرىلىسىن بيىلعى جىلعى حالىققا تيىمدىلىك جەتكىزەتىن نىسان قۇرىلىسى رەتىندە قاراپ جانە وعان ءوتىنىش بەرىپ، قىستاقتىڭ نەگىزگى جولدارى مەن الەۋمەتتىك قيمىل ورىندارىنا 30 دان استام شىراق ورناتتى.

    جەڭىسحان اسقار ۇلى

    قاميلا بايان قىزى

جاۋاپتى رەداكتور: جازيرا بولاتباي قىزى