قۇلجا اۋەجايى قابىلداپ -اتتاندىرعان جولاۋشى سانى تاعى دا ميلليون ادام -رەتتەن استى

  • كەلۋ قاينارى: ىلە گازەتى
  • 03:53:30 11/10/2018

  

    بۇل وتكەن جىلداعىدان 42 كۇن بۇرىن ورىندالدى ءارى ۇقساس مەزگىلدەگىدەن %16.3 ارتتى

 

    ءتىلشىمىز سۋ مين، ەرىكتى ءتىلشى لي ليەجيان حابارلايدى. 10 -ايدىڭ 2 -كۇنى ساعات 13:50 دە نانحاڭ CZ6823 ءنومىرلى ءۇرىمجى مەن قۇلجا اراسىنا قاتىنايتىن كەزەكشى ۇشاقتىڭ قۇلجا اۋەجايىنا قونىسىمەن قۇلجا اۋەجايى قابىلداپ -اتتاندىرعان جولاۋشى سانى بيىلعى ميلليون ادام -رەتتىك ناتيجەنى جاراتتى. ۇعىسۋىمىزشا مەملەكەت مەرەكەسى قارساڭىندا قۇلجا اۋەجايى قابىلداپ -اتتاندىرعان جولاۋشى سانى ميلليون ادام -رەتتەن اسقان، بۇل 2017 - جىلداعىدان 42 كۇن بۇرىن ورىندالعان ءارى ۇقساس مەزگىلدەگىدەن %16.3 ارتقان.

    سول كۇنى قۇلجا اۋەجايىنىڭ ۇشاق تەكشەسىندە قۇتتىقتاۋ قيمىلى وتكىزىلدى، قىزمەتكەرلەر بيىلعى ميلليونىنشى بولعان تالەيلى جولاۋشى مەن ۇشاق گرۋپپاسىنداعىلارعا گۇل ۇسىندى ءارى تالەيلى جولاۋشىعا قۇلجادان ۇرىمجىگە تەگىن قايتاتىن ءبىر پارشا ۇشاق بەلەتى مەن ەستەلىك بۇيىمىن تارتۋ ەتتى.

    بيىل قۇلجا اۋەجايىنان شينجياڭنىڭ ءىشى -سىرتىنا قاتىنايتىن اۋە لەنياسىنان 10 ى جاڭادان قوسىلدى. كەزەكتە نانحاڭ، گۋوحاڭ، دۇڭحاڭ، تيانحاڭ، حۋاشيا، جينپىڭ سياقتى 6 اۆياتسيا سەرىكتىگى قۇلجادا ىسكە قوسىلىپ، جيىنى 23 اۋە لەنياسى اشىلىپ، شينجياڭنىڭ سىرتىنداعى 12 قالاعا، شينجاڭنىڭ ىشىندەگى 11 قالاعا تۇتاسىپ، ءار كۇنگى ۇشۋ-قونۋ كەزەگى 40 رەتكە جەتتى. سونىمەن بىرگە ساياحاتتىڭ قاۋىرت كەزىنە باعىتتاپ حاۋىپسىزدىك، قىزمەت وتەۋ، ۇشۋ كەزەگىنىڭ قالىپتىلىعى سياقتى جاقتاردان كوپتەگەن شارالار اتقارىلىپ، ءتۇرلى قىزمەت وتەۋ قۇرىلعىلارى ۇزبەي كەمەلدەندىرىلىپ، جولاۋشىلارعا قولايلىلىق، جايلىلىق سيلادى.

    قۇلجا (نارات) اۋەجايىنىڭ باس ديرەكتورى جاڭ يۇنجين بىلاي دەپ تانىستىردى: قۇلجا اۋەجايى قابىلداپ -اتتاندىرعان جولاۋشى سانى ميلليوننان اسىپ، ءبىر ميلليون 150 مىڭعا جەتىپ، بيىلعىسى بىلتىرعىدان 42 كۇن بۇرىن ورىندالعان، قۇلجا اۋەجايىنىڭ بيىلعى تۇتاس جىلداعى قابىلداپ -اتتاندىراتىن جولاۋشى سانى ءبىر ميلليون 300 مىڭنان اسادى دەپ مەجەلەنۋدە.

جاۋاپتى رەداكتور: گۇلدەن ماقسات قىزى