وبلىسقا توتە قاراستى ورىندارعا جاڭادان قابىلدانعان 322 ۇكىمەت قىزمەتكەرى قىزمەتكە شىعۋ الدىنداعى كۋرسقا قاتىناستى

  • كەلۋ قاينارى: ىلە گازەتى
  • 03:55:00 11/10/2018

  

    ءتىلشىمىز مىڭ شيا حابارلايدى. 10 -ايدىڭ 9 -كۇنى وبلىستىق پارتكوم ۇيىمداستىرۋ ءبولىمى، وبلىستىق ادام كۇشى بايلىعى جانە قوعامدىق قامسىزداندىرۋ مەكەمەسى، وبلىستىق ۇكىمەت قىزمەتكەرى مەكەمەسى، وبلىستىق اكىمشىلىك شۋەيۋانى بىرلەسىپ ۇيىمداستىرعان 2017 -جىلى وبلىسقا توتە قاراستى ورىندارعا جاڭادان قابىلدانعان ۇكىمەت قىزمەتكەرلەرىنىڭ قىزمەتكە شىعۋ الدىنداعى كۋرسى رەسمي باستالدى. وبلىسقا توتە قاراستى پارتيا، ۇكىمەت ورىندارىنا جاڭادان قابىلدانعان 322 ۇكىمەت قىزمەتكەرى كۋرسقا قاتىناستى.

    ۇعىسۋىمىزشا، بۇل رەتكى كۋرسقا قاتىناسقاندار ەمتيحان بەرۋگە تىزىمدەلۋ، تولىمدىلىعىن ساراپتاۋ، جابىق، اشىق ەمتيحاندارعا قاتىناسۋ، دەنساۋلىق تەكسەرتۋ جانە باعالاۋدان ءوتۋ سياقتى قاتاڭ ءتارتىپ، ساتى بويىنشا تاڭدالىپ قابىلدانعاندار ەكەن، مۇنىڭ باسىم كوپ ساندىسى وڭتۇستىك شينجياڭدا ءبىر جىل وقىتۋعا كومەكتەسۋ مىندەتىن وتەپ، جاپالى ورتا مەن نەگىزگى ساتى امالياتىندا شىنىققان، سىناققا ءتۇسىپ شىڭدالعان دارىندىلار ەكەن.

    بۇل رەتكى 10 كۇندىك كۋرستىڭ مازمۇنى باي، تاقىرىبى ايقىن، ءتۇيىنى كورنەكتى، مۇندا باستىسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ نازاريالىق جۇيەسى، ستراتەگيالىق ورنالاستىرۋ جانە رەال ماسەلەلەر، زاڭدىق نەگىز بەن ءتارتىپ تانىمى، اكىمشىلىك باسقارۋ نەگىزى سياقتى مازمۇندار قامتىلعان.

    جيىندا مىنالار تالاپ ەتىلدى: بارلىق كۋرسانتتار قۇلشىنىسپەن قولعا كەلتىرگەن قىزمەت ورنىن قاستەرلەپ، بورىشتىلىق سەزىم مەن جاۋاپكەرشىلىك سەزىمدى شىنايى جوعارىلاتىپ، قاجىرلىلىقپەن ۇيرەنىپ، جاعدايدى جەتە تانىپ، جاۋاپكەرشىلىكتى كۇشەيتىپ، ۇيرەنۋ ستيلىن دۇرىستاپ، قاتاڭ تالاپ قويىپ، باتىلدىقپەن جاۋاپكەرلىك ارقالاپ، قىزمەت ورنىندا شىڭدالىپ، قۇلشىنا قىزمەت ىستەپ، باتىلدىقپەن جاڭالىق جاراتىپ، قالتقىسىز ۇلەس قوسۋى كەرەك.

جاۋاپتى رەداكتور: گۇلدەن ماقسات قىزى