لي پىڭشين جوعارى مەكتەپتەردە تەكسەرۋ - زەرتتەۋ جۇرگىزگەندە مىنانى باسا دارىپتەدى : جوعارى مەكتەپتەردى سوتسياليزمنىڭ قۇرىلىسشىلارى مەن ءىزباسارلارىن تاربيەلەيتىن پارمەندى شەپ ەتىپ قۇرۋ كەرەك

  • كەلۋ قاينارى: ىلە گازەتى
  • 10:34:58 11/10/2018

    

    «شينجياڭ گازەتىنىڭ» تىلشىلەرى لي ياڭ، چىن جياڭۋەي، گازەتىمىزدىڭ ءتىلشىسى لي شين – ان حابارلايدى. 10 – ايدىڭ 5 – كۇنىنەن 8 – كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، وقۋ – اعارتۋ قىزمەت كوميتەتىنىڭ شۋجيى لي پىڭشين اۆتونوميالى رايونىمىزداعى ءبىر ءبولىم جوعارى مەكتەپتەرگە بارىپ تەكسەرۋ – زەرتتەۋ جۇرگىزدى. ول مىنانى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، وقۋ - اعارتۋ جونىندەگى مەملەكەتتىك ءماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، باس نىسانانى مىقتاپ ارقاۋ ەتىپ، ءبىلىم بەرۋدىڭ دۇرىس ساياسي بەتالىسىنا تاباندى بولىپ، ونەگە ورناتۋ، ادام تاربيەلەۋ ءتۇبىرلى مىندەتىن تياناقتاندىرىپ، جوعارى دەڭگەيلى وقىتۋشىلار قوسىنى مەن ادام تاربيەلەۋ جۇيەسى قۇرىلىسىن ءتۇيىن ەتىپ، جوعارى مەكتەپتەردىڭ ورنىقتىلىق جانە وقىتۋ، باسقارۋ قىزمەتتەرىن ءبىرتۇتاس ىلگەرىلەتىپ، پارتيا تۋىن جوعارى مەكتەپتەر شەبىندە قاي - قاشان دا اسقاقتاتا جەلبىرەتۋ كەرەك.

    شينجياڭ داشۋەسىنە، شينجياڭ پەداگوگيكا داشۋەسىنە تەكسەرۋ – زەرتتەۋ جۇرگىزگەننەن كەيىن، 10 – ايدىڭ 8 – كۇنى تۇستەن بۇرىن وبلىستىق پارتكومنىڭ شۋجيى جاۋ تيانجيەنىڭ سەرىك بولۋىندا لي پىڭشين مەن اۆتونوميالى رايوننىڭ ورىنباسار ءتوراعاسى، اۆتونوميالى رايوندىق پارتكوم وقۋ – اعارتۋ قىزمەت كوميتەتىنىڭ ورىنباسار شۋجيى رىن حۋا، تەكسەرۋ – زەرتتەۋ گرۋپپاسىنىڭ مۇشەلەرى ىلە پەداگوگيكا شۋەيۋانىنا بارىپ، كىتاپحانالاردى، وقىتۋ عيماراتتارىن، عىلمي زەرتتەۋ ورتالىقتارىن ارالاپ، دەمالىس كەزىندە كەزەكشى بولعان وقىتۋشىلارعا امانداسىپ، جوعارى مەكتەپ پارتكومدارىنىڭ باسشىلىق القاسىنىڭ مۇشەلەرىمەن، وقىتۋشىلار ۋاكىلدەرىمەن اڭگىمەلەسىپ جانە وي ءبولىسىپ، جوعارى مەكتەپتەردىڭ پارتيا قۇرىلىسى، باسقارۋ، ورنىقتىلىق جانە وقىتۋ، عىلمي زەرتتەۋ سياقتى جاعدايلارىن ەگجەي - تەگجەيلى ۇعىستى.

    لي پىڭشين مىنالاردى اتاپ كورسەتتى: كەزەكتە شينجياڭنىڭ يدەولوگيا سالاسىنداعى بولشەكتەۋشىلىككە قارسى تۇرۋ كۇرەسىنىڭ جاعدايى ءالى دە اۋىر، جوعارى مەكتەپتەر «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، نازاردى باس نىساناعا بۇلجىماستان شوعىرلاندىرىپ، پارتيانىڭ وقۋ - اعارتۋ قىزمەتىنە جاپپاي باسشىلىعىن كۇشەيتىپ، پارتكوم باسشىلىعىندا مەكتەپ باستىعى جاۋاپتى بولۋ ءتۇزىمىن جاپپاي تياناقتاندىرىپ، يدەولوگيا سالاسىنداعى بولشەكتەۋشىلىككە قارسى تۇرۋ كۇرەسىن تۋ ايقىن تۇردە ورىستەتىپ، جوعارى مەكتەپتەردى قاي – قاشان دا پارتيانىڭ باسشىلىعىنا تاباندى بولاتىن پارمەندى شەپ، ماركسيزم يدەياسىن تاراتاتىن پارمەندى شەپ، سوتسياليزمنىڭ قۇرىلىسشىلارى مەن ءىزباسارلارىن تاربيەلەيتىن پارمەندى شەپ ەتىپ قۇرۋ كەرەك.

    لي پىڭشين مىنالاردى باسا دارىپتەدى: ءبىلىم بەرۋدىڭ دۇرىس بەتالىسىنا بۇلجىماستان تاباندى بولىپ، «تورتكە قىزمەت ەتۋ» جاڭا ءداۋىر تاريحي بورىشىن ادالدىقپەن امالياتتا ايگىلەپ، ادام تاربيەلەۋدى نەگىز ەتۋگە، ساپا ارقىلى مەكتەپتى ەڭسەلەندىرۋگە تاباندى بولىپ، احلاق، اقىل – وي، دەنە، ەستەتيكا، ەڭبەك جاقتارىنان جان – جاقتى تاربيەلەيتىن وقۋ – اعارتۋ جۇيەسىن قۇلشىنا ورناتىپ، ادام تاربيەلەۋدىڭ اناعۇرلىم جوعارى ساپالى جۇيەسىن قالىپتاستىرۋ كەرەك.

جاۋاپتى رەداكتور: گۇلدەن ماقسات قىزى