اۆتونوميالى رايوندىق حالىق قۇرىلتايى تۇراقتى كوميتەتىنىڭ تەكسەرۋ – زەرتتەۋ گرۋپپاسى ىلەگە كەلىپ تەكسەرۋ – زەرتتەۋ جۇرگىزدى

  • كەلۋ قاينارى: ىلە گازەتى
  • 06:06:14 12/10/2018

 

    ەكى مەكەمەنىڭ رولىن ساۋلەلەندىرىپ، بۇقارانىڭ ۇقىق – مۇددەسىن قورعاۋ كەرەك

 

    ءتىلشىمىز كاميلا حالمۇرات حابارلايدى. 10 – ايدىڭ 9 – كۇنى اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، ىشكى ىستەر ءادىليا كوميتەتىنىڭ مەڭگەرۋشىسى باداي باستاعان اۆتونوميالى رايوندىق حالىق قۇرىلتايى تۇراقتى كوميتەتىنىڭ تەكسەرۋ – زەرتتەۋ گرۋپپاسى ىلەگە كەلىپ، ىلە وبلىسىنا توتە قاراستى سوت مەكەمەسىنىڭ دەلو اتقارۋى قيىن بولۋ ماسەلەسىن نەگىزىنەن شەشۋ قىزمەت جاعدايىنا جانە وبلىستىق حالىق پروكۋراتۋراسىنىڭ ازاماتتىق ارىز – شاعىمى مەن اتقارۋ قيمىلىن زاڭدىق جاقتان باقىلاۋدى كۇشەيتۋ قىزمەت جاعدايىنا تەكسەرۋ – زەرتتەۋ جۇرگىزدى.

    سول كۇنى تۇستەن بۇرىن وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى تۇڭ رۇيچيڭ اڭگىمە ءماجىلىسىن باسقارىپ اشتى. تەكسەرۋ – زەرتتەۋ گرۋپپاسىنداعىلار سوت مەكەمەسى مەن پروكۋراتۋرانىڭ قاتىستى قىزمەت دوكلادىن تىڭدادى، اڭگىمە ماجىلىسىنە قاتىناسقان ءىشىنارا ادۆوكات ۋاكىلدەرى، سونداي – اق اۆتونوميالى رايوندىق، اۆتونوميالى وبلىستىق حالىق قۇرىلتايىنىڭ ۋاكىلدەرى دەلو اتقارۋ ساپاسى مەن ونىمدىلىگىن جوعارىلاتۋ، ينفورماتسيالاندىرۋ قۇرىلىسى مەن ازاماتتىق ىستەر جونىندەگى كەسىم جاساۋ ناتيجەسىن باقىلاۋ سياقتى ماسەلەلەر توڭىرەگىندە تەكسەرۋ – زەرتتەۋ گرۋپپاسىمەن پىكىر اۋىستىردى.

    ءتىلشىنىڭ ۇعىسۋىنشا، سوڭعى 3 جىلدا اتقارۋى قيىن دەلولاردى نەگىزىنەن شەشۋ قىزمەتى ورىستەتىلگەننەن بەرى بۇكىل وبلىستاعى ءار دارەجەلى سوت مەكەمەلەرى «حالىق بۇقاراسىنىڭ ءاربىر ءادىليا دەلوسىنا ءادىل دە دۇرىس ۇكىم جاسالعاندىعىن سەزىنۋىنە مۇمكىندىك جاساۋ» نىساناسىن توڭىرەكتەي وتىرىپ، بىرلەسىپ اتقارۋ مەحانيزمىن قۇرۋدى تەتىك، اتقارۋ قيمىلىن ارناعا ءتۇسىرۋدى ءتۇيىن، اتقارۋ قىزمەتىن ينفورماتسيالاندىرۋ قۇرىلىسىن تۇتقا ەتىپ، اتقارۋ قىزمەتىن جاپپاي كۇشەيتىپ، اتقارۋى قيىن ماسەلەلەردى شەشۋ جاعىندا ۇزدىكسىز تىڭ ىلگەرىلەۋشىلىك پەن ناتيجەگە قول جەتكىزۋ كەرەك. وبلىسقا توتە قاراستى سوت مەكەمەسى پارتيانىڭ باسشىلىعىن تىعىز ارقاۋ ەتىپ، «اتقارىلۋى قيىن دەلولاردى» وڭاۋ جالپى جاعدايىن قالىپتاستىرۋ مەن كەمەلدەندىرۋدى ىلگەرىلەتىپ، بىرلەسىپ اتقارۋ مەحانيزمى مەن سەنىمنەن ايرىلعانداردى جازالاپ ساقتاندىرۋ مەحانيزمىن كۇشەيتىپ، وبلىسقا توتە قاراستى ورىنداردا بىرلەسىپ ارەكەتكە كەلەتىن 42 ورىننان قۇرالعان بىرلەسىپ اتقارۋ باسشىلىق گرۋپپاسىن قۇرىپ، قولايلى، جوعارى ءونىمدى بىرلەسىپ اتقارۋ مەحانيزمىن ورناتتى، كەمەلدەندىردى؛ دەلو اتقارۋ قيمىلىن ولشەمدەندىرۋگە كۇش سالىپ، دەلو اتقارۋ ساپاسى مەن ونىمدىلىگىن تىڭعىلىقتى، ءونىمدى جوعارىلاتتى؛ اتقارۋدى ينفورماتسيالاندىرۋ قۇرىلىسىن ىلگەرىلەتىپ، دەلو اتقارۋ قيىن بولۋ ماسەلەلەرىن شەشۋ ءۇشىن عىلىم ـ تەحنيكالىق تىرەكپەن قامتاماسىزداندىردى؛ دەلو اتقارۋ قىزمەتىن قامتاماسىزداندىرۋدى شىنايى كۇشەيتتى. باقىلاۋ ـ جەتەكشىلىك ەتۋ، تەكسەرۋدى، دەلو اتقارۋ قوسىنى قۇرىلىسىن كۇشەيتۋ ارقىلى دەلو اتقارۋى قيىن بولۋ ماسەلەسىن شەشۋ قىزمەتىن ءتارتىپتى ورىستەتۋگە كەپىلدىك ەتتى؛ اتقارۋ جونىندەگى ۇگىت تەبىنىن كۇشەيتىپ، دەلو اتقارۋى قيىن بولعان ماسەلەلەردى شەشۋدىڭ تاماشا اۋانىن قالىپتاستىردى.

جاۋاپتى رەداكتور: گۇلدەن ماقسات قىزى