كۇزگى ماقتا تەرۋ جۇمىسىنا ساقاداي سايلاندى

  • كەلۋ قاينارى: ىلە گازەتى
  • 06:40:33 12/10/2018

 

    2018 – جىلعى ماقتا تەرۋ مەزگىلىنىڭ جاقىنداۋىنا ساي ساۋان اۋدانىنداعى ٴىرى ەگىس ماشينالارى كووپەراتيۆتەرى ماقتانىڭ جاپىراعىن تۇسىرەتىن دارىلەردى شاشۋ مەن ماقتا تەرەتىن ماشينالاردى تەكسەرىپ – رەمونتتاۋ جۇمىسىن الدىن – الا ىستەپ، ماقتا تەرۋ جۇمىسىنا ساقاداي سايلاندى.

    حۇڭجي ەگىس ماشينالارى سەلبەستىك كووپەراتيۆىنىڭ مانەرلەۋ سەحىندا سيفرلى ستانوك ٴتارتىپتى تۇردە ماقتا تەرەتىن ماشينانىڭ تور ساندىعىن رەمونتتاپ، ماقتا تەرۋ جۇمىسىنىڭ ازىرلىگىن ىستەپ جاتتى.

    حۇڭجي ەگىس ماشينالارى سەلبەستىك كووپەراتيۆىنىڭ القالار باستىعى حان بو: «2018 – جىلعى ماقتا تەرۋ جۇمىسى باستالۋ الدىندا تۇر، سەلبەستىك كووپەراتيۆىمىز قازىر ماقتا تەرەتىن ەگىس ماشينالارى جابدىقتارىن رەمونتتاۋ جانە كۇتىمدەۋدەن سىرت، تاعى دا ماقتا تەرەتىن ماشينانىڭ تور ساندىعىن جاساۋ جونىندەگى كوپتەگەن تاپسىرىستاردى تاپسىرىپ الدىق. قازىر ىرگەلەس ٴارقايسى اۋدان، قالالار مەن پولىك الاڭدار ماقتا تەرەتىن ماشينانىڭ تور ساندىعىن ساتىپ الۋعا تاپسىرىس بەردى. قازىر ٴبىز ٴار كۇنى 4 تە 5 ماشينا تور ساندىعىن ءوندىرىپ، كۇزگى جيىن – تەرىنگە قاتىستى دايىندىق جۇمىستاردى ويداعىداي ىستەۋدەمىز» دەدى.

    سىداۋحىزى قالاشىعى ساۋان اۋدانىنداعى ماقتا ەگىمشىلىگىمەن شۇعىلداناتىن ٴىرى قالاشىق. وسى ەكى كۇننەن بەرى كاڭيۋان ەگىس ماشينالارى سەلبەستىك كووپەراتيۆىنىڭ مۇشەلەرى قاربالاس بولدى. اتالعان سەلبەستىك كووپەراتيۆى قالاشىقتىڭ باسىم كوپ ٴبولىم ەگىستىك جەرىندەگى ماقتانى تەرۋ جۇمىسىن ۇستىنە الدى. بيىلعى ماشينامەن ماقتا تەرۋ الدىنداعى ٴتۇرلى دايىندىق جۇمىستاردى ويداعىداي ىستەۋ ٴۇشىن بيىل سەلبەستىك كووپەراتيۆى الدىمەن ماقتانىڭ جاپىراعىن تۇسىرەتىن ٴدارى شاشۋمەن بىرگە، تاعى ۇشقىشسىز ۇشاقتى تا ٴدارى شاشۋ جۇمىسىنا پايدالاندى.

    كاڭۋاڭ ەگىستىك ماشينالارى سەلبەستىك كووپەراتيۆىنىڭ مۇشەسى جاۋ ميڭحاي: «سەلبەستىك كووپەراتيۆىمىز تراكتورلارمەن ٴار كۇنى ء بىر مىڭ 500 مۋ جەرگە ٴدارى شاشادى ٴدارى شاشۋ جىلدامدىعىن جەدەلدەتۋ ٴۇشىن ٴدارى شاشاتىن ۇشقىشسىز ۇشاقتى ىسكە قوستى» دەدى.

    ماقتا جاپىراعىن تۇسىرەتىن ٴدارى شاشۋمەن بىرگە، كووپەراتيۆ مۇشەلەرى مەن ماقتا تەرەتىن ماشينا شوفەرلەرى سەلبەستىك كووپەراتيۆىندەگى 24 ماقتا تەرەتىن ماشينانى كۇتىمدەۋ، تەڭشەۋ جۇمىسىن جۇرگىزىپ، بيىلعى كۇز ماۋسىمىنداعى ماقتا تەرۋ جۇمىسىنىڭ ءساتتى ورىندالۋىنا قۇلشىنىس جاسادى.

    كاڭۋاڭ ەگىس ماشينالارى سەلبەستىك كووپەراتيۆىنىڭ باس القاسى باي جيۋحۇي: «ٴبىز قازىر ماقتا تەرۋ ماشينالارىن جاپپاي رەمونتتاپ، ماشينا تاباقشاسىن، ماشينانىڭ ۇرشىق ٴتىسىن تۇگەلدەي اۋىستىرىپ بولدىق» دەدى.

جاۋاپتى رەداكتور: گۇلدەن ماقسات قىزى