تۇرعىنداردىڭ ناقتى قيىنشىلىعى شەشىلدى

  • كەلۋ قاينارى: ىلە گازەتى
  • 06:41:17 12/10/2018

 

    قوبىقسارى موڭعۇل اۆتونوميالى اۋدانىنىڭ قوبىقسارى قالاشىعى تيانفۋ تۇرعىندار رايونىنىڭ 1- ءنومىرلى عيماراتىندا تۇراتىن ساۋلە جامالقان قىزى قۋانعانىنان: «تۇرعىندار رايونىمىزدىڭ لاس سۋ ىعىستىرۋ قۇبىرى جوندەلگەنى راسىندا وتە جاقسى بولدى، ەندىگارى دارەتحاناعا بارۋ ءۇشىن تۇرعىندار رايونىنىڭ سىرتىنا شاپقىلامايتىن بولدىق، قىزمەت اترەتىندەگى كادرلاردىڭ ناقتى قيىنشىلىعىمىزدى شەشكەنىنە ايرىقشا العىس ايتامىن» دەدى.

    جۋىقتا قوبىقسارى اۋداندىق تۇرعىن ءۇي جانە قالا-اۋىل قۇرىلىسى مەكەمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا بايىنجىرعىل الەۋمەتتىك اۋماعىنا تۇسكەن قىزمەت اترەتىنىڭ مۇشەسى ۇلانباير مەن الەۋمەتتىك اۋماقتىڭ قىزمەتكەرلەرى وتباسىلارىن ارالاپ جاعداي ۇعىسۋ بارىسىندا ءار قايسى وتباسىلار تيانفۋ تۇرعىندار رايونى 1-ءنومىرلى عيماراتىنىڭ لاس سۋ ىعىستىرۋ قۇبىرى ۇنەمى توسىلىپ قالاتىندىعىن اڭىس ەتەدى.

    قىزمەت اترەتى جاعدايدى ۇعىسقاننان كەيىن ۋيمين قوجالىق باسقارۋ سەرىكتىگىمەن حابارلاسىپ، سەبەبىنە تەكسەرۋ جۇرگىزەدى. تەكسەرۋ ارقىلى تيانفۋ تۇرعىندار رايونى 1-ءنومىرلى عيماراتىنىڭ لاس سۋ ىعىستىرۋ قۇبىرى ديامەترىنىڭ كىشكەنە، كولبەۋلىگى ولشەمگە تولمايتىندىعىن، ونىڭ ۇستىنە ءبىرىنشى قاباتتا اسحانا كوپ بولعاندىقتان، ماي كوپ ىعىستىرىلىپ، لاس سۋ ىعىستىرۋ قۇبىرىنىڭ توسىلۋىن كەلتىرىپ شىعارىپ، تۇرعىندار رايونىنىڭ باتىسىنداعى 1- ءنومىرلى عيماراتىنىڭ 7 كورپۋسىنداعى 56 تۇرعىننىڭ تۇرمىسىنا اۋرەشىلىك اكەلگەندىگىن بايقايدى.

    5 -كورپۋستىڭ 3-قاباتىندا تۇراتىن 82 جاستاعى بۇلعىن: «بۇرىن لاس سۋ ىعىستىرۋ قۇبىرى ءار رەت توسىلىپ قالعاندا كوپشىلىك اقشا شىعارىپ، رەمونتشى شاقىرىپ جوندەتسەك، ءبىر- ەكى كۇن وتپەي جانە توسىلىپ قالىپ، بۇل ماسەلە ەشقانداي شەشىمىن تاپپاي كەلگەن ەدى. جاسىم ەگدەلەپ قالعاندىقتان ءجۇرىس -تۇرىسىم دا قولايسىز بولىپ، ماعان ۇلكەن اۋرەشىلىك اكەلدى» دەدى.

    كۇن سۋىتىپ قالعاندىقتان، قىزمەت اترەتى كوپتەگەن ءجۇرىس - تۇرىسى قولايسىز قارتتاردىڭ كۇنىنە عيماراتقا بىرنەشە رەت ءتۇسىپ-شىعاتىندىعىن كورىپ، قاتىستى تاراۋلارعا بۇل جاعدايدى اڭىس ەتەدى.

    اۋداندىق تۇرعىن ءۇي جانە قالا-اۋىل قۇرىلىسى مەكەمەسى پارتكومى دەرەۋ جاۋاپتى باسشىلاردى ورنالاستىرىپ، قىزمەت اترەتىمەن بارىنشا سەلبەسىپ، قىسقا ۋاقىت ىشىندە بەلگىلەنگەن جوبا بويىنشا تياناقتاندىرۋدى مىقتى يگەرىپ، ۋيمين قوجالىق باسقارۋ سەرىكتىگىن اتتانىسقا كەلتىرىپ، قۇبىر جولى ديامەترىنىڭ قاجەتىنە ۇيلەسەتىن لاس سۋ ىعىستىرۋ قۇبىرىن الماستىرادى. 10 كۇن جوندەۋ جۇمىستارىن جۇرگىزۋ ارقىلى 56 وتباسىنىڭ لاس سۋ ىعىستىرۋ قۇبىرى رەسمي قالىپىنا كەلتىرىلىپ، تۇرعىنداردىڭ تۇرمىسىنداعى ءىرى ماسەلە شەشىلەدى.

جاۋاپتى رەداكتور: گۇلدەن ماقسات قىزى