پارتيا ىشىندەگى زاڭ – ەرەجە، ءتۇزىم جۇيەسى قۇرىلىسىن جان – جاقتى ىلگەرىلەتەيىك

  • كەلۋ قاينارى: ىلە گازەتى
  • 04:41:34 31/10/2018

    پارتيانىڭ باسشىلىعى جونىندەگى زاڭ – ەرەجەلەر بىرتىندەپ كەمەلدەندىرىلدى. پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ ءۇشىن، پارتيامىز 900 دەن استام قاتىستى زاڭ – ەرەجە جاساپ، پارتيانىڭ باسشىلىق ەتۋ ارەكەتتەرىنىڭ ءتۇزىم ارناسىندا ىلگەرىلەۋىن قامتاماسىز ەتتى. اسىرەسە، پارتيانىڭ 18 – قۇرىلتايىنان بەرى بىرلىكساپ قىزمەتى ەرەجەسى سياقتى ءبىر توپ پارتيا ىشىندەگى زاڭ – ەرەجە شىعارىلىپ، ءارقايسى سالاداعى پارتيانىڭ باسشىلىق ەتۋ ءتۇزىمى قۇرىلىسى ونان ارى كۇشەيتىلدى. پارتيا ورتالىق كوميتەتىنىڭ ورنالاستىرۋى بويىنشا پارتيا ەكونوميكا، رەفورما، زاڭمەن باسقارۋ، اۋىل – قىستاق، ساياسي – زاڭ، مەملەكەت اماندىعى، سىرتقى ىستەر، ارميا جانە پارتيانىڭ ۇگىت، ۇيىمداستىرۋ، بۇقارالىق ۇيىمدار، دارىندىلار قىزمەتى سياقتىلارعا باسشىلىق ەتۋ جاقتاردا تاعى دا ءبىر توپ زاڭ – ەرەجەنى جاساپ شىعارىپ، پارتيانىڭ ءارقايسى جاقتارداعى قىزمەتكە بولعان باسشىلىعىن كۇشەيتىپ جانە جاقسارتىپ، پارتيانىڭ جالپى جاعدايدى ءبىر تۇتاس مەڭگەرىپ، ءارقايسى جاقتى سايكەستىرۋدەگى باسشىلىق، ۇيتقىلىق رولىن ساۋلەلەندىرۋىن اناعۇرلىم كۇشتى تۇزىمدىك كەپىلمەن قامدايدى.

    پارتيانىڭ وزىندىك قۇرىلىسى جونىندەگى زاڭ – ەرەجە كۇن ساناپ كەمەلدەندىرىلدى. پارتيامىز وزىندىك قۇرىلىسقا باستان – اياق وسكەلەڭ دارەجەدە ءمان بەرىپ، پارتيا قۇرىلىسى ءتۇزىمى رەفورماسىن ۇزدىكسىز تەرەڭدەتىپ، پارتيانىڭ وزىندىك قۇرىلىسىن كۇشەيتۋ جونىندە قىرۋار زاڭ – ەرەجە شىعارىپ، پارتيانىڭ وزىقتىعى مەن پاكتىگىن كۇش سالا ساقتادى.

    بۇل جاعىندا قازىر اتقارىلىپ وتىرعان ءونىمدى زاڭ – ەرەجە شامامەن ءبىر مىڭ 400 بولىپ، پارتيانىڭ ساياسي قۇرىلىسى، يدەيالىق قۇرىلىسى، ۇيىمدىق قۇرىلىسى، ستيل قۇرىلىسى، ءتارتىپ قۇرىلىسى سياقتى جاقتارىن قامتىدى. پارتيانىڭ 18 – قۇرىلتايىنان بەرى پارتيا ورتالىق كوميتەتى پارتيانى ءتۇزىم ارقىلى باسقارۋعا، ەرەجە بويىنشا باسقارۋعا اناعۇرلىم ءمان بەرىپ، زاڭ – ەرەجە، ءتۇزىم قۇرىلىسىن پارتيا قۇرىلىسىنىڭ ءون بويىنا ءسىڭدىرىپ، پارتيا ىشىندەگى زاڭ – ەرەجەلەردىڭ جەتەكشىلىك جانە قامتاماسىز ەتۋ رولىن تولىق ساۋلەلەندىرىپ، پارتيانى قاتاڭ وڭاۋدىڭ ىشكەرىلەي دامۋىن جەبەپ، پارتيانىڭ جاسامپازدىق قۋاتىن، ۇيىسۋ قۋاتىن، جاۋىنگەرلىك قۋاتىن كورنەكتى ارتتىردى.

    پارتيانىڭ باقىلاۋ، قامتاماسىز ەتۋى جونىندەگى زاڭ – ەرەجەلەر ۇزدىكسىز كۇشەيتىلدى. 40 جىل قۇلشىنىس جاساۋ ارقىلى پارتيانىڭ باقىلاۋ، قامتاماسىز ەتۋ جاعىنداعى زاڭ – ەرەجە، تۇزىمدەر قۇرىلىسىنىڭ تابىسى كورنەكتى بولىپ، جيىنى ءبىر مىڭ 460 تان ارتىق قاتىستى زاڭ – ەرەجە جاسالدى. ونىڭ ۇستىنە ەرەجە دارەجەلى زاڭ – ەرەجە 14 كە جەتتى. پارتيانىڭ 18 – قۇرىلتايىنان بەرى پارتيامىز پارتيا ىشىندەگى باقىلاۋ ەرەجەسى، قىزمەت شارلاۋ ەرەجەسى، پارتيانىڭ ءتارتىپ جازاسى ەرەجەسى سياقتى ءتۇزىمنىڭ قۇدىرەتىن ايگىلەيتىن پارتيا ىشىندەگى «قاتاڭ ەرەجەلەرگە» وزگەرىس ەنگىزىپ، پارتيانىڭ ءتارتىبىن، اسىرەسە، ساياسي ءتارتىبىن جانە ساياسي قاعيداسىن قاتايتىپ، تاماشا ساياسي ەكولوگيانىڭ قالىپتاسۋىن پارمەندى تۇردە جەبەدى.

جاۋاپتى رەداكتور: گۇلدەن ماقسات قىزى