پارتيا ىشىندەگى زاڭ – ەرەجە، ءتۇزىم جۇيەسى قۇرىلىسىن جان – جاقتى ىلگەرىلەتەيىك

  • كەلۋ قاينارى: ىلە گازەتى
  • 04:41:34 31/10/2018

    پارتيانىڭ 18 – قۇرىلتايىنان بەرى پارتيا قۇرىلىسىنىڭ جاڭا ۇلى ينجەنەرياسىن توڭىرەكتەپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە پارتيا ىشىندەگى زاڭ – ەرەجە، ءتۇزىم قۇرىلىسى جاڭا داۋىرگە تىعىز ىلەسىپ، جاڭا داۋىرگە تامىر تارتىپ، جاڭا داۋىرگە قىزمەت وتەپ، پارتيانىڭ بيلىك جۇرگىزۋ قۋاتى مەن باسشىلىق ەتۋ ورەسىن جوعارىلاتۋدى پارمەندى زاڭ – ەرەجە، تۇزىممەن قامدادى. پارتيانىڭ 19 – قۇرىلتايىندا ماقۇلدانعان پارتيا ۋستاۆىنىڭ وزگەرىس ەنگىزىلگەن جوباسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن پارتيانىڭ جەتەكشى يدەياسى ەتىپ تۇراقتاندىرىپ، پارتيا پارتيانى باسقارۋدا، پارتيانى جاپپاي قاتاڭ وڭاۋدا تاباندى بولۋدى ايقىن العا قويىپ، پارتيا ۋستاۆىنا تىڭ داۋىرلىك مازمۇن قوستى.

    «وتكەن شاقتى» كوزدە ۇستاپ، زاڭ – ەرەجەلەردى اداقتاۋ قىزمەتىن جاقسى ىستەۋ. جاڭا جۇڭگو قۇرىلعاننان، اسىرەسە، رەفورما جۇرگىزىلىپ، ەسىك اشىلعاننان بەرى پارتيامىز جاساپ جاريالاعان قىرۋار پارتيا ىشىندەگى زاڭ – ەرەجەلەر مەن ولشەمدى قۇجاتتار پارتيا ۇيىمىنىڭ قىزمەتىن، قيمىلىن جانە پارتيا مۇشەسىنىڭ ارەكەتىن جۇيەگە ءتۇسىرىپ، پارتيانىڭ جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن كۇشەيتۋدە ماڭىزدى رول اتقاردى، ءبىراق دۇنيە جاعدايىنىڭ، ەل جاعدايىنىڭ، پارتيا جاعدايىنىڭ تەرەڭ وزگەرىسىنە ىلەسە، پارتيا ىشىندەگى زاڭ – ەرەجە، تۇزىمدەردە ءىشىنارا ۇيلەسپەۋ، سايكەسپەۋ، ۇشتاسپاۋ، بىركەلكى بولماۋ ماسەلەسى جارىققا شىقتى، اسىرەسە، كەيبىر پارتيا ىشىندەگى زاڭ – ەرەجە جانە ولشەمدى قۇجاتتار امالياتتىق دامۋدىڭ جانە جاعداي مەن مىندەتتىڭ قاجەتىن قاناعاتتاندىرا المادى، كەيبىرىندە پارتيا ۋستاۆىمەن جانە پارتيانىڭ نازارياسىمەن، لۋشيانىمەن، باعىت -ساياساتىمەن بىركەلكى بولماۋ، نەگىزگى زاڭمەن جانە زاڭدارمەن بىركەلكى بولماۋ ءجايتى ورىن تەپتى؛ كەيبىرى ءبىرىن ءبىرى قايتالاپ، قاقتىعىستى. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيا كولەمىندە پارتيانىڭ تاريحىندا تۇڭعىش رەت پارتيا ىشىندەگى زاڭ – ەرەجە، تۇزىمدەردى شوعىرلى اداقتاۋ قىزمەتىن ۇيىمداستىرىپ، ورىستەتىپ، 2013 – جىلى، 2014 – جىلى ەكى دۇركىن اداقتاۋ ۇيعارىمىن شىعاردى. ءارقايسى رايوندار مەن ءارقايسى تاراۋلاردا شوعىرلى اداقتاۋ جۇرگىزۋ ارقىلى زاڭ – ەرەجە تۇزىمدەردى «ىقشامداۋدى» جانە «اقاۋسىزداندىرۋدى» جۇزەگە اسىردى. شوعىرلى اداقتاۋ جۇمىسىن ۋاق – ۋاق ورىستەتۋدەن تىس پارتيا ورتالىق كوميتەتى تاعى ارناۋلى اداقتاۋ جانە دەركەزىندە اداقتاۋ جۇمىسىنا ءمان بەرگەندىكتەن، پارتيا ىشىندەگى زاڭ – ەرەجە جۇيەسى ۇزدىكسىز كەمەلدەندىرىلىپ، پارتيا ىشىندەگى زاڭ – ەرەجە، ءتۇزىم قۇرىلىسى ۇزدىكسىز ىلگەرىلەتىلدى.

    «ورىندالعان شاق» كوزدە ۇستالىپ، ەستەلىككە الۋ قىزمەتى جاقسى ىستەلدى. پارتيانىڭ 18 – قۇرىلتايىنان كەيىن پارتيا ورتالىق كوميتەتى جاساپ جاريالاعان پارتيا ىشىندەگى زاڭ – ەرەجەلەر مەن ولشەمدى قۇجاتتاردى ەستەلىككە الۋ بەلگىلەمەسى بويىنشا، قۇجاتتى، ءسوزسىز، ەستەلىككە الۋ، ەستەلىككە الىنعاندى، ءسوزسىز، تەكسەرۋ، قاتەلىك بولسا، ءسوزسىز، تۇزەتۋ پرينسيبىنە ساي ەستەلىككە الىپ تەكسەرۋ قىزمەتى جاپپاي ورىستەتىلدى. پارتيا ىشىندە جوعارى مەن تومەن تۇتاستىرىلعان، سول مەن وڭ بىرلەسكەن، ولشەمدى، ءتارتىپتى ەستەلىككە الىپ تەكسەرۋ قىزمەتى جۇيەسى ورناتىلىپ، پارتكوم، حالىق قۇرىلتايى تۇراقتى كوميتەتى، ۇكىمەت، ارميا جۇيەسىنىڭ ەستەلىككە الۋ قىزمەتىن ۇشتاستىرىپ، بىرلەسىپ ارەكەت جاساۋ مەحانيزمى قۇرىلدى.

جاۋاپتى رەداكتور: گۇلدەن ماقسات قىزى