ماقتا مانەرلەۋ كاسىپورىندارى قاۋىرت جۇمىسقا كىرىستى

  • كەلۋ قاينارى: ىلە گازەتى
  • 08:38:00 07/11/2018

    ساۋان اۋداندىق يۋان -ي ماقتا كاسىبى شەكتى جاۋاپكەرلىك سەرىكتەستىگىنىڭ باس ديرەكتورى جۋ گوحاي بىلاي دەدى: «قازىرگە دەيىن 4 مىڭ توننادان ارتىق تازا ماقتا مانەرلەدىك، بيىلعى ماقتا ساتىپ الۋ باعاسى ٴبىرشاما ورنىقتى بولدى، قازىر دە ماقتانىڭ ٴار كيلوگرامىن 6 يۋاننان ساتىپ الامىز، مانەرلەنىپ بولعان تازا ماقتانى تۇگەل ىشكى ولكەلەرگە ساتامىز، بيىلعى ماقتانىڭ ساپاسى بۇرىنعى جىلدارداعىدان جاقسى، ماقتا ساپاسى جاعىنداعى قىزمەتتەر دە بۇرىنعىدان جاقسى مەڭگەرىلدى».

    سىداۋحىزى قالاشىعىنداعى شين شىڭشياڭ ماقتا كاسىبى شەكتى جاۋاپكەرلىك سەرىكتەستىگىنىڭ ٴوندىرىس سەحى قاربالاستىققا ٴتۇسىپ، تايلاپ بولعان تازا ماقتالاردى ماشيناعا تيەپ تاسىمالداۋعا دايىندىق كورۋدە.

    اۋداندىق شين شىڭشياڭ ماقتا كاسىبى شەكتى جاۋاپكەرلىك سەرىكتەستىگىنىڭ ديرەكتورى جوۋ شىڭ -ۋ: « 10 -ايدىڭ 31 - كۇنىنە دەيىن سەرىكتەستىگىمىز جيىنى 15 مىڭ 600 توننا ٴشيتتى ماقتا ساتىپ الدى، قازىرگە دەيىن 6 مىڭ 600 توننادان ارتىق ٴشيتتى ماقتا، 2 مىڭ 220 توننادان ارتىق تازا ماقتا مانەرلەندى، ٴار كۇنى مانەرلەنىپ بولعان تازا ماقتالار كۇيتۇندەگى تەكسەرۋ قويماسىنا تاسىمالدانادى، سەرىكتەستىكتەگى قويمادا ساقتالمايدى، بيىل ٴشيتتى ماقتانىڭ ناق اقشا سوماسى جيىنى 92 ميلليون يۋان بولىپ، قازىرگە دەيىن 80 ميلليون يۋان بەرىلدى، قالعان 12 ميلليون يۋاننان استام قارجىنى ٴبىر اپتا ىشىندە تولىق بەرىپ بولامىز. بيىل اۋدانىمىز جيىنى ٴبىر ميلليون 800 مىڭ مۋ جەرگە ماقتا ەگىپ، تۇتاس اۋدانىمىزداعى 35 ماقتا مانەرلەۋ كاسىپورىندارى ءشيتتى ماقتانى ساتىپ الىپ مانەرلەدى. ماقتا ساتىپ الۋ قىزمەتىن جاقسى ىستەۋمەن بىرگە، ماقتا مانەرلەۋ كاسىپورىندارى دا بەلسەنە قارجى توپتاپ، ماقتا ەككەن شارۋالاردىڭ ساتقان ماقتاسىنىڭ اقشاسىن دەركەزىندە بەردى» دەدى.

    اۋداندىق دامۋ -رەفورما كوميتەتىنىڭ ورىنباسار مەڭگەرۋشىسى شۇي گۋاڭفىڭ ءسوز كەزەگىندە تىلشىگە: «كەزەكتە تۇتاس اۋدانىمىزداعى 35 ماقتا مانەرلەۋ كاسىپورىندارى جيىنى 530 مىڭ توننا ءشيتتى ماقتا ساتىپ الدى، ٴشيتتى ماقتانى ساتىپ الۋ سوماسى 3 ميلليارد يۋان بولىپ، كەزەكتە ٴشيتتى ماقتانىڭ 280 ميلليون يۋانى بەرىلىپ بولدى، قالعان 20 ميلليون يۋان قارجىنى بەرۋگە دايىندىق كورۋدەمىز، مەجەمەن ٴبىر اپتا ىشىندە ورىندالىپ بولادى، كەزەكتە ٴارقايسى ماقتا مانەرلەۋ كاسىپورىندارى مانەرلەگەن تازا ماقتالاردىڭ ٴبىر ٴبولىمى ىشكى ولكەلەردەگى ماقتا توقىماشلىق ـ مانەرلەۋ زاۆودتارىنا ساتىلىپ، ەندى ٴبىر ٴبولىمى مەملەكەتتىڭ جالپى تەكسەرۋ قويماسىنا قويىلىپ، بازارعا سالىنادى، اۋدانىمىزداعى 35 ماقتا مانەرلەۋ كاسىپورىندارىنىڭ تازا ماقتانى ساتىپ الۋ، ساتۋ جۇمىسى تارتىپپەن جۇرىلۋدە.

       ساۋلە كەنجەبەك قىزى

جاۋاپتى رەداكتور: گۇلدەن ماقسات قىزى