ىلە وبلىسى: كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە، ءسوزسىز، قول جەتكىزەمىز

  • كەلۋ قاينارى: ىلە گازەتى
  • 03:49:42 09/11/2018

  

    حۋاڭ يان (ءوز ءتىلشىمىز)

 

    تاياۋ جىلداردان بەرى ىلە وبلىسى كەدەيلەردى دالمە – ءدال سۇيەمەلدەۋ، دالمە – ءدال كەدەيلىكتەن قۇتىلدىرۋ نەگىزگى ستراتەگياسىندا تاباندى بولىپ، كەدەيلىكتەن قۇتىلدىرۋدان قامال الۋ قىزمەتىندە كورنەكتى ونىمدىلىككە قول جەتكىزدى. بيىل وبلىسقا توتە قاراستى ورىندار «100 كاسىپورىن 100 قىستاققا كومەكتەسۋ»، «بيڭتۋان جەرگىلىكتى ورىنعا كومەكتەسۋ»، «قۋاتتى قالالار ءالسىز اۋدانداردى سۇيەمەلدەۋ» سياقتى قيمىلداردى ىشكەرىلەي ورىستەتۋ ارقىلى «14 ءتۇرلى» ارناۋلى قيمىلدى كۇش سالا اتقارىپ، «7 ءبىر توپ» پەن «ءۇش تەبىندى ارتتىرۋدى» كۇش سالا ىلگەرىلەتىپ، كەدەي رايونداردا كەدەيلىكتەن قۇتىلدىرۋ قارقىنىن تەزدەتۋ، دامۋ ءونىمىن جەدەلدەتۋ، حالىق تۇرمىسىن ساپالىلاندىرۋ سىندى تاماشا جاعداي جاراتتى. ۇعىسۋعا قاراعاندا، وبلىسقا توتە قاراستى ورىنداردا جالپى 10 اۋدان – قالا كەدەيلەردى سۇيەمەلدەۋ – وركەندەتۋ مىندەتىن العان، مۇنداعى مەملەكەت دارەجەلى كەدەيلەردى سۇيەمەلدەۋ، كوركەيتۋ قىزمەتىندەگى ءتۇيىندى اۋدان ەكەۋ (نىلقى اۋدانى مەن چاپچال سىبە اۆتونوميالى اۋدانى)، ارحيۆ تۇرعىزىلىپ، كارتۋچكا ورناتىلعان كەدەي قىستاق 148، كەدەي وتباسى 46 مىڭ 986، كەدەي جان سانى 173 مىڭ 582 بولعان. كەدەي جان سانى كوبىندە تيانشان تاۋى سىلەمدەرىندەگى شالعاي مال شارۋاشىلىق رايوندار مەن شەكارا رايوندارعا بىتىراڭقى ورنالاسقان، مۇنداي وڭىرلەردە جاراتىلىستىق اپات مول، كەدەيلىكتەن قۇتىلدىرۋ قيىنشىلىعى اۋىر بولعان. ىلە وبلىسى قيىنشىلىقتاردى بەتكە الىپ، كەدەيلىكتەن قۇتىلدىرۋدان قامال الۋدى قوعام ورنىقتىلىعى مەن باياندى تىنىشتىقتى جۇزەگە اسىرۋعا تاباندى بولۋداعى، جاپپاي دوڭگەلەك داۋلەتتى قوعام ورناتۋداعى ماڭىزدىنىڭ ماڭىزدىسى رەتىندە قاراپ، كەدەيلىكتەن قۇتىلدىرۋدان قامال الۋدى بارىنشا جەبەدى.

    جىل باسىنان بەرى وبلىستىق پارتكوم مەن ۇكىمەت ءبىرسىپىرا كەلەلى شەشىم – ورنالاستىرۋلار جاساپ، تۇتاس قوعامدا كەدەيلەردى سۇيەمەلدەۋدىڭ زور بىرىككەن كۇشىن قالىپتاستىرىپ، ىلە وبلىسىنىڭ كەدەيلىكتەن قۇتىلدىرۋدان قامال الۋ ءتۇزىم جۇيەسىن ورناتىپ، زور تەبىنمەن كەدەيلىكتەن قۇتىلدىرۋدان قامال الۋ قىزمەتىن جەبەپ، اۋىل – قىستاقتاعى كەدەيلەر جان سانى كورنەكتى ازايىپ، كەدەيلىكتىڭ تۋىلۋ سالىستىرماسى ءۇرتىس تومەندەپ، وڭىرلىك، تۇلعالىق كەدەيلىكتى شەشۋگە نىق قادام تاستاپ، كەدەيلىكتەن قۇتىلدىرۋدان قامال الۋدا شەشۋشى سيپاتتى ىلگەرىلەۋشىلىككە قول جەتكىزدى.

    ىلە وبلىسى الەۋمەتتىك قىزمەت وتەۋ جۇيەسىن ۇزدىكسىز كەمەلدەندىرىپ، اۋىل – قىستاق تاس جولىن تۇتاستىرۋ جاعىنداعى قىزمەت وتەۋ قۋاتىن جوعارىلاتىپ، كەدەيلەردىڭ حاۋىپسىز اۋىز سۋ ماسەلەسىن جاپپاي شەشتى. اۋىل – قىستاق اۋىز سۋ حاۋىپسىزدىگىن بەكەمدەۋ، ساپاسىن جوعارىلاتۋ ينجەنەريا نىسانىنان 5 ىن اتقارىپ، 50 مىڭنان استام ادام حاۋىپسىز اۋىز سۋ تۇتىندى. اۋىل – قىستاقتىڭ توكپەن قامداۋ ماسەلەسىن جەدەل شەشىپ، 219 ميلليون 610 مىڭ يۋان قارجى قوسىلعان توكپەن قامداۋ ينجەنەرياسىنىڭ قۇرىلىس جۇمىسى جاپپاي باستالدى.

جاۋاپتى رەداكتور: گۇلدەن ماقسات قىزى