قايىرىمدى جاندار قاسىمىزدا

  • كەلۋ قاينارى: ىلە گازەتى
  • 03:50:38 09/11/2018

 

    جەمەنەي اۋدانى ۇلاستى قالاشىعىنا قاراستى كوكشىم ەگىنشىلىك قىستاعىندا تۇراتىن قالاشىق اۋىل شارۋاشىلىق ماشينالارىن باسقارۋ پۋنكىتىنىڭ قىزمەتكەرى توقتارباي قىدىرموللا ۇلىن وسىنداعى قىستاق تۇرعىندارى «قايىرىمدى جان، ناعىز جاناشىر تۋىسىمىز» دەپ القاسادى.

    توقتارباي مەملەكەت مەرەكەسى بايلانىسىمەن وسى قىستاقتا تۇراتىن مۇگەدەك جاقان وتباسىنان، سونىمەن بىرگە اۋرۋشاڭ توقتاۋقان، شۇي داشۇي قاتارلى 5 وتباسىنان ارنايى حال سۇراپ، ءار وتباسىنا ءوز قالتاسىنان 200 يۋاننان اقشا شىعارىپ، ولاردىڭ ازدا بولسا قيىنشىلىعىن جەڭىلدەتۋگە جاقىننان جاردەم بەرىپ، اۋىلداستاردىڭ القاۋىنا بولەندى.

    «ەر ەڭبەگىمەن قادىرلى» دەگەندەيىن، توقتارباي وسى قىستاقتاعى ءار ۇلت تۇرعىندارىنىڭ اركەز قاسىنان تابىلدى. بيىل كۇزدەگى جيىن – تەرىن كەزىندە ول اۋدان قالاشىعىنان 10 كيلومەتر قاشىقتىقتاعى كوكشىم ەگىس رايونىنا بارىپ، ونداعى قىستاق تۇرعىنى مۇرات قاپات ۇلىنىڭ كۇزگى ءونىم جيناۋ جۇمىسىنا كومەكتەستى.

    مۇرات تىلشىگە بىلاي دەدى: «قىستاعىمىزعا تۇسكەن قىزمەت اترەتىنىڭ مۇشەسى توقتارباي قولقاناتىم جوق، ەڭبەككۇشىم جەتىسپەگەندە ارنايى ماعان كەلىپ قاتارىنان بىرنەشە كۇن كۇزگى جيىن ـ تەرىن جۇمىسىما كومەكتەستى. وسىنداي كادر باۋلىپ جەتىستىرگەن پارتيا مەن ۇكىمەتكە ايرىقشا العىسىمدى بىلدىرەمىن. توقتارباي تاعى وسى قىستاقتاعى تاسقايرات دەگەن ادامنىڭ اتىز باسىندا قالعان سابانىن ءوزىنىڭ جۇك اۆتوكولىگىمەن اقىسىز تاسىپ بەردى».

    قاتىستى ورىننان ۇعىسۋىمىزشا، توقتارباي بوس ۋاقىتى بولا قالعاندا ۇگىت قىزمەتىن ورىستەتىپ، ۇلتتار ارا ىنتىماقتى دارىپتەپ، تىنىش تا تاماشا قوعامدىق ورتا جاراتۋعا قۇلشىنىس جاساپ، كوپشىلىكتىڭ وسىزاماندانعان، گۇلدەنىپ – كوركەيگەن سوتسياليستىك جاڭاشا اۋىل ـ قىستاق قۇرۋىنا ءىس جۇزىندىك ارەكەتىمەن باستاماشى بولىپتى.

    جوق – جىتىككە جاناشىر بولا بىلگەن، ەلەۋلى ەڭبەگىمەن ەل كوزىنە تۇسكەن قىزمەت اترەتىنىڭ مۇشەسى توقتارباي ءوزىنىڭ جوعارىداعىداي ىزگى ىستەرىمەن قىستاق تۇرعىندارىنىڭ القاۋىنا ۇنەمى بولەنىپ، پارتيا – ۇكىمەتتىڭ جۇكتەگەن مىندەتىن ادالدىقپەن وتەپ كەلەدى.

    ەرباقىت قابدەش ۇلى

جاۋاپتى رەداكتور: گۇلدەن ماقسات قىزى