جۇرت نازارىن اۋدارعان يمپورت كورمەسى ەسىكتى ايقارا اشىپ، ءوزارا پايدا جەتكىزىپ، تەڭ يگىلىككە كەنەلەيىك

  • كەلۋ قاينارى: ىلە گازەتى
  • 04:07:44 09/11/2018

  

  شاڭحايدا دۇنيەدەگى تۇڭعىش رەتكى يمپورتتى باس تاقىرىپ ەتكەن مەملەكەتتىك دەڭگەيدەگى كورمەنىڭ مەرەيى ءتىپتى دە ۇستەم بولدى. كاسىپورىندار ەرەكشە سەزگىر كەلەدى. قاي جەردە بازار بولسا، قاي جەر كەڭ اشىلعان بولسا، كاسىپورىن دا سول جەردەن تابىلادى. دۇنيەدەگى ەكىنشى ءىرى ەكونوميكالىق تۇلعا رەتىندە، ءبىر ميلليارد 300 ميلليون جان سانى، 9 ميلليون 600 مىڭ شارشى كيلومەتردەن استام تەرريتورياسى، دۇنيەدەگى ەڭ كولەمدى ورتاشا كىرىستەگىلەر توبى بار جۇڭگونىڭ بازاردى ءتىپتى دە كەڭ كولەمدى اشاتىن ۇلى ماقساتى بار. ەندەشە نەلىكتەن وسىنشالىق كوپ ەل مەن رايونداردىڭ كاسىپورىندارى شىعىسقا كوز تىگىپ، جۇڭگوعا كەلىپ وتىر.

    172 مەملەكەت، رايون جانە حالىقارالىق ۇيىم كورمەگە قاتىناسىپ، 3 مىڭ 600 دەن استام كاسىپورىن كورمەدەن ورىن الدى، شەكارا ءىشى – سىرتىنان كەلىپ كورمەگە قويىلعان بۇيىمداردى ساتىپ الاتىندار 400 مىڭنان اسىپ، 300 مىڭ شارشى مەترلىك كورمە زالى ادام تەڭىزىنە اينالدى... تۇڭعىش كەزەكتى جۇڭگو حالىقارالىق يمپورت كورمەسى ارقىلى: ەسىك اشۋ وسى زامانعى جۇڭگونىڭ ايقىن بەلگىسى بولىپ قالماستان، ءار ەل حالقىنىڭ دا ورتاق ارمانى دەگەن وسى ءبىر اقيقات ايتپاساق تا تۇسىنىكتى بولدى.

    كورمەنىڭ اشىلۋ سالتىندا مەملەكەت ءتوراعاسى شي جينپيڭ جۇڭگونىڭ ەسىكتى ءتىپتى دە كەڭ اشۋداعى تىڭ شارالارىن العا قويدى، ياعني ەسىك اشۋدىڭ تۇلعالىق قيمىل جوباسىن سىزۋمەن بىرگە، ناقتى جول كارتاسىن دا سىزىپ بەرىپ، دۇنيەگە جۇڭگونىڭ ەسىك اشۋىنىڭ تىڭ بەتالىسىن جاريا ەتتى. وسى ءبىر حالىقارالىق سەلبەستىك دامۋىنىڭ ۇلكەن ساحناسىندا ءار ەلدەن كەلگەن دوستاردى، ءسوزسىز، كەڭ كولەمدى تانىستىرىپ، رازى ەتىپ قايتارادى. يمپورت كورمەسىنىڭ مەرەيىنىڭ اسقاقتاپ، قارىم – قاتىناستىڭ، ساۋدانىڭ قىزۋ ورلەۋگە كوتەرىلۋى - ەسىك اشا دامۋدىڭ تاريحي ءىرى ءىس ەكەنىن، دۇنيە ەكونوميكاسىنىڭ ورنىقتى، اقاۋسىز دامۋىنىڭ قاجەتى ەكەنىن، وسىناۋ جۇمىر جەر بەتىندەگى حالىقتىڭ ورتاق تىلەگى ەكەنىن ايگىلەدى.

    شينحۋا اگەنتتىگىنىڭ 11 – ايدىڭ 7 – كۇنگى حابارى

جاۋاپتى رەداكتور: جازيرا بولاتباي قىزى