سيىسىمدى، جالپىعا بىردەي بولۋدان جازباي، بىرگە دامۋدى ىلگەرىلەتەيىك

  • كەلۋ قاينارى: شينجياڭ گازەتى تورابى
  • 11:29:53 09/11/2018

 

 − ءتوراعا شي جينپيڭنىڭ تۇڭعىش كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا سويلەگەن ارقاۋ ءسوزى تۋرالى

 حالىق گازەتىنىڭ شولۋشىسى

 

    ەكونوميكانىڭ جاھاندانۋى ىشكەرىلەي دامىعان بۇگىنگى كۇندە، ازۋلىلاردىڭ السىزدەردى تارپا باس سالۋى، بىرەۋ ولمەي بىرەۋگە كۇن بولماۋى جۇرگەن سايىن تارىلاتىن تۇيىق جول، سيىسىمدى، جالپىعا بىردەي، ءوزارا تيىمدىلىك جاساپ، تەڭ يگىلىككە كەنەلۋ جۇرگەن سايىن كەڭەيەتىن ادامدىق دۇرىس جول.

    ءتوراعا شي جينپيڭنىڭ تۇڭعىش كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا سويلەگەن ارقاۋ ءسوزى ەكونوميكا جاھاندانۋىنىڭ تاريحي ءۇردىسىن عىلمي مەڭگەرىپ، سيىسىمدى، جالپىعا بىردەي بولۋدان جازباۋ، ورتاق دامۋدى ىلگەرىلەتۋ دارىپتەمەسىن ايقىن العا قويىپ، ءار ەلدىڭ ەسىك اشىپ سەلبەسۋىن بەلسەنە ىلگەرىلەتۋىنە، اناعۇرلىم تاماشا دۇنيە ءجۇزىن بىرگە كوركەيتۋىنە دۇرىس بەتالىس جانە جول كورسەتىپ، كورمەگە قاتىناسقان سيلى قوناقتاردىڭ وسكەلەڭ قۇپتاۋىنا يە بولىپ، حالىقارالىق قوعامنىڭ جاپپاي نازارىن اۋداردى.

    «جالعىز گۇلدىڭ اشقانى كوكتەمنەن دەرەك بەرمەيدى، بارشا گۇل شەشەك اتسا كوكتەمنىڭ لەبى ەسەدى». باقىتتى تۇرمىسقا تالپىنۋ ءار ەل حالقىنىڭ ورتاق ارمانى. بۇگىنگى دۇنيەدە زاتتىق، تەحنيكالىق دەڭگەي بۇرىنعىلار ويلاپ جەتە المايتىن دارەجەدە دامىدى، الايدا دامۋدىڭ بىركەلكى، تولىق بولماۋ ماسەلەسى ءالى دە جاپپاي ءومىر سۇرۋدە، دۇنيە جۇزىندە ءالى دە كوپتەگەن مەملەكەتتىڭ حالقى قيىنشىلىق قىسپاعىندا تۇرمىس كەشىرىپ كەلەدى. سونىمەن بىرگە، دۇنيە ءجۇزى كۇن سايىن بولىنبەستەي ابدەن بىتە قايناسقان تاعدىرلاس ورتاق تۇلعاعا اينالۋدا. ەگەر سەن جەڭىلەسىڭ، مەن جەڭەمىن، بىرەۋ ولمەي بىرەۋگە كۇن بولمايدى دەگەن كونە لوگيكانى اتقارساق، ءبىرىن - ءبىرى الداۋ، كورشىسىنە زوبالاڭ تۋدىرۋ سىندى كونە ءادىستى قولدانساق، ناتيجەدە وزگەلەردىڭ ەسىگىن تابيعي بەكىتۋمەن بىرگە، ءوز جولىڭدى دا بوگەپ، ءوز دامۋ نەگىزىڭدى بۇلدىرەسىڭ، تۇتاس ادامزاتتىڭ بولاشاعىن زياندايسىڭ. ءتوراعا شي جينپيڭ باسا دارىپتەگەنىندەي: «ادامزات قوعامى ۇزبەي العا باسۋ ءۇشىن، ءار ەل توماعا تۇيىق كۇيىندە قالۋدىڭ ورنىنا ەسىك اشۋعا تاباندى بولۋى، قارسىلاسۋدىڭ ورنىنا سەلبەسۋى، جەكە يەمدەنۋدىڭ ورنىنا بىرگە يگىلىكتەنۋى كەرەك». سيىسىمدى، جالپىعا بىردەي بولۋدان جازباي، دۇنيە جۇزىندەگى ءار ەلدىڭ دامۋىن، گۇلدەنۋىن بىرگە ىلگەرىلەتىپ، كوپ ەل حالقى ءالى دە ءدوپ كەلگەن كەدەي، مەشەۋ جاعدايدى بىرگە جويىپ، دۇنيە جۇزىندەگى بالالار ءۇشىن ىشەر اس، كيەر كيىمنەن تارىقپايتىن تۇرمىستى بىرگە جاراتقاندا عانا، دامۋ جەتىستىكتەرى ارقىلى دۇنيە جۇزىندەگى ءار ەلگە تيىمدىلىك جاساپ، بارلىق ادامدى مولشىلىق پەن ساۋلىقتان يگىلىكتەندىرۋگە بولادى.

جاۋاپتى رەداكتور: گۇلدەن ماقسات قىزى