زاڭسىز تاسىلدەرمەن قارىزىن قۋزاستىرىپ، قىلمىس ارقالادى

  • كەلۋ قاينارى: شينجياڭ زاڭ جانە تۇرمىس گازەتى
  • 10:29:42 12/11/2018

    

    قارىز يەسى قارىزىن قۋزاستىرامىن دەپ ادام توپتاپ، قارىز الۋشىنى زاڭسىز قاماپ، وعان زورەكەرلىك جۇرگىزگەن. جۋىردا، قۇمىل ايماقتىق ورتا دارەجەلى حالىق سوتى مەكەمەسى بۇل دەلونى زاڭ بويىنشا قاراپ شىقتى، ايىپكەر گاۋ ××، ۋاڭ×× تەردىڭ ارەكەتى زاڭسىز قاماۋ قىلمىسىن قالىپتاستىرعاندىقتان قولدا جۇمىس ىستەتۋ جازاسىنا ۇكىم ەتىلدى.

    2016 - جىلى 11 - ايدىڭ 14 - كۇنى، لۋ ×× گاۋ ×× تەن 10 مىڭ يۋان اقشا قارىز الادى، دۋ×× پەن ۋاڭ×× وعان كەپىل بولادى. لۋ×× قارىز العان اقشانى قۇمار ويناپ تاۋىسادى. 11 - ايدىڭ 19 - كۇنى، گاۋ×× تەلەفوندا قارىزىن قۋزاستىرعاندا، لۋ×× ودان قارىز العانىن مويىندامايدى. ەرتەسى ساعات 13 مولشەرىندە، گاۋ ×× تەر قارىز قۋزاستىرۋ سىلتاۋىمەن لۋ ×× تى سۇڭ×× تىڭ تۇراعىنا اپارىپ، ونىڭ كىسىلىك ەركىندىگىن شەكتەپ، ۇرىپ - سوعىپ، ونى وتباسىنداعىلارىمەن حابارلاسىپ قارىزىن قايتارۋعا قىسايدى. ساعات 19 مولشەرىندە گاۋ××، ۋاڭ×× تەر لۋ ×× الىپ ونىڭ اپەكەسىنە بارىپ قارىز قايتارۋىن تالاپ ەتىپ، ەشتەڭە وندىرە الماي، سۇڭ×× تىڭ تۇراعىنا قايتىپ بارادى. لۋ×× تىڭ وتباسىنداعىلار دەلو مالىمدەپ، ساقشىلار ول تورتەۋىن قولعا ءتۇسىرىپ، لۋ×× تى قۇتقارىپ الادى.

    1 - سوت زاڭ بويىنشا سوتتا قاراپ شىعىپ، ايىپكەر گاۋ ××، ۋاڭ××، سۇڭ×× جانە دۋ×× تەردىڭ قارىز قۋزاستىرۋ ءۇشىن باسقالاردى زاڭسىز قاماپ قويعان ارەكەتىنەن باسقالاردى زاڭسىز قاماۋ قىلمىسى قالىپتاسادى، قىلمىستىق ىستەر جاۋاپكەرلىگى قۋزاستىرىلۋى كەرەك دەپ قاراپ، «جۇڭحۋا حالىق رەسپۋبليكاسىنىڭ قىلمىستىق ىستەر زاڭىنىڭ» بەلگىلەمەسىنە ساي، جەكە - جەكە ايىپكەر گاۋ ××، ۋاڭ××، سۇڭ×× كە 5 اي قولدا جۇمىس ىستەتۋ جازاسىن، دۋ×× كە 4 اي قولدا جۇمىس ىستەتۋ جازاسىن بەرۋگە ۇكىم ەتەدى. ايىپكەرلەر ۇكىمگە ريزا بولماي، قۇمىل ايماقتىق ورتا دارەجەلى حالىق سوتى مەكەمەسىنە نارازىلىق ارىز بەرەدى. ورتا دارەجەلى حالىق سوتى مەكەمەسى نارازىلىق ارىز تالابى دەلوعا سايكەسپەيدى، زاڭدىق نەگىزى جوق دەپ قاراپ، اۋەلگى ۇكىمدى كۇشكە يە ەتەدى.

    اۋدارعان ورال قاسەيىن ۇلى

جاۋاپتى رەداكتور: گۇلدەن ماقسات قىزى