جۇك اۆتوموبيلى شوفەرلارى قاتەرگە نە ءۇشىن تاۋەكەل ەتەدى

  • كەلۋ قاينارى: شينجياڭ زاڭ جانە تۇرمىس گازەتى
  • 10:45:54 12/11/2018

 

    جولدا ولشەمنەن ارتىق جۇك تيەگەن، ەرەكشە تەز قارقىنمەن كەتىپ بارا جاتقان جۇك اۆتوموبيلدەرى كىسىنىڭ زارەسىن الادى. قاتىستى تاراۋلار بۇل ماسەلەنى كوپ رەت تارتىپكە سالعان بولسا دا، ءونىمى ويداعىداي بولماي وتىر. ەندەشە، جۇك اۆتوموبيلى شوفەرلارىنىڭ اۆتوموبيلدى ۇشقان قۇستاي جۇرگىزۋىنە ءسىرا نە سەبەپ بولىپ وتىر؟ مۇنداعى ماڭىزدى ءبىر سەبەپ جۇك اۆتوموبيلىنىڭ تاسىمال تيجارات قۇنى وتە جوعارى، ولار ولشەمنەن ارتىق جۇك باسىپ، شەكتەن تىس قارقىنمەن تەز جۇرگىزبەسە ويلاعانداي پايداعا قول جەتكىزە المايدى.

    جۇك اۆتوموبيلى جولعا شىعۋدان ىلگەرى، ءسوزسىز، بىرەر ورىنعا تىركەۋگە الدىرۋى كەرەك

    حۋبەي ولكەسىندەگى جۇك اۆتوموبيلى شوفەرى چىن مىرزا 2016 – جىلى جارتىلاي تىركەمەلى جۇك اۆتوموبيلىن ساتىپ الادى. ول تاسىمال تيجارات ۇقىعىنا يە بولۋ ءۇشىن جۇك اۆتوموبيلىن ۋحان قالاسىنداعى شينجيەيۋان زات اينالىمى شەكتى جاۋاپكەرلىك سەرىكتىگىنە جالعاننان تىركەۋگە الدىرادى ءارى جەكەلىك اۆتوموبيلىن «قاتىناس تاسىمال تيجارات رۇحسات كۋالىگى» بار كاسپورىن اتىندا تىزىمگە الدىرىپ، باسقارۋ اقىسى سياقتى قاتىستى اقىسىن تاپسىرىپ، جۇك اۆتوموبيلىمەن سول كاسپورىننىڭ اتىندا تاسىمال تيجاراتى جۇمىستارىمەن شۇعىلدانادى.

    تاراپتار تۇزگەن توقتامدا چىن مىرزانىڭ ءتۇرلى اقىلاردى الدىمەن تاپسىراتىندىعى ءارى ءتۇرلى شەكتەمەلەر ايقىن بەلگىلەنەدى. تىركەۋگە العان سەرىكتىكتىڭ وتەۋگە ءتيىستى بورىشى مەن جاۋاپكەرلىگى نەگىزىنەن ايتىلمايدى. بۇدان تىس، شينجيەيۋان زات اينالىمى شەكتى جاۋاپكەرلىك سەرىكتىگى تاعى چىن مىرزاعا «ۋادەناماعا» قول قويعىزىپ، اۆتوموبيلدى جۇرگىزۋ بارىسىندا تۋىلعان ءارقانداي قاتىناس شىرعالاڭىنا چىن مىرزا ءوزى %100 جاۋاپتى بولۋدى تالاپ ەتەدى.

    ۋحان قالالىق تاسجول تاسىمال باسقارماسىنىڭ ورىنباسار باستىعى لي لومين بىلاي دەيدى:

    - 20 – عاسىردىڭ 80 – جىلدارى جول جۇك تاسىمال بازارى اشىلعاننان كەيىن، قاتىناس تاراۋلارى بازار باسقارۋ جانە حاۋىپسىزدىكتى باقىلاپ – باسقارۋدى قامتاماسىز ەتۋ ءۇشىن جول تاسىمالى رۇحسات كۋالىگىن جانە قاتىناس تاسىمالى كاسىپتىك تولىمدىلىق كۋالىگىن الۋدى جولعا قويدى. ءبىراق بۇل كۋالىكتەردى ءبىتىرۋ ءۇشىن بەلگىلى تولىمدىلىق شارتىن ازىرلەۋ جانە حاۋىپسىز تاسىمال تيجاراتىن جۇرگىزۋ تالاپ ەتىلەتىندىكتەن، كوبىندە ورتا، شاعىن تيىپتەگى كاسپورىندار تىركەۋگە الۋدى قالايدى ءارى سول ارقىلى ارادان كوپ پايداعا قول جەتكىزەدى.

    ەلىمىزدىڭ تاسجول جۇك تاسىمالى كاسىبىنە قويعان ولشەمى تومەن، تەحنيكا تالابى دا تومەن، وسى سەبەپتى جاقىنعى جىلداردان بەرى كوپتەگەن جۇك اۆتوموبيلى تاسىمال تيجاراتىمەن شۇعىلدانۋشىلار بۇل سالاعا كىرىپ، كاسىپتىك باقىلاپ – باسقارۋ جاعىنا زور قىسىم ءتۇسىردى. قاتىستى تاراۋلار وسىنداي جاعدايلاردى تارتىپكە سالۋ ءۇشىن زاڭ – ەرەجەلەردى شىعارىپ، جۇك اۆتوموبيلى تاسىمال تيجاراتىمەن شۇعىلدانۋشىلاردان جول تاسىمال رۇحسات كۋالىگىن ءبىتىرۋدى تالاپ ەتتى. اۋەلى تەك جۇك تاسىمالىمەن شۇعىلداناتىن تولىمدىلىققا يە بولعان سوبيەكتىلەر عانا بۇل تيجاراتپەن شۇعىلدانا الاتىن بولدى.

جاۋاپتى رەداكتور: گۇلدەن ماقسات قىزى