شي جينپيڭ ازيا -تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ 26 -رەتكى بەيرەسمي كەڭەسىنە قاتىناسادى

  • كەلۋ قاينارى: ىلە گازەتى
  • 08:44:49 15/11/2018

    شينحۋا اگەنتتىگىنىڭ 11-ايدىڭ 13-كۇنى بەيجيڭنەن بەرگەن حابارى. سىرتقى ىستەر مينيسترلىگى 11-ايدىڭ 13-كۇنى جۇڭگو مەن شەتەل اقپارات قۇرالدارىنا قۇلاق قاعىس ەتۋ ءماجىلىسىن وتكىزدى. سىرتقى ىستەر مينيسترلىگىنىڭ ورىنباسار مينيسترلەرى جىڭ زىگۋاڭ، كۇڭ شيانيوۋ، مينيستردىڭ كومەكشىسى جاڭ جۇن جانە ساۋدا مينيسترىنىڭ كومەكشىسى لي چىڭگاڭ ءتوراعا شي جينپيڭنىڭ ازيا-تىنىق مۇحيت ەكونوميكالىق سەلبەستىك ۇيىمىنا (APEC) مۇشە ەلدەر باسشىلارىنىڭ 26-رەتكى بەيرەسمي كەڭەسىنە قاتىناسۋىنا، پاپۋا-جاڭا گۆينەياسىندا، برۋنەيدە جانە فيليپپيندە مەملەكەتتىك ساپاردا بولۋىنا ءارى پاپۋا-جاڭا گۆينەياسىندا ديپلوماتيالىق قاتىناس ورناتقان تىنىق مۇحيتتاعى ارال ەلدەردىڭ باسشىلارىمەن كەزدەسۋىنە، كەڭەس وتكىزۋىنە قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.

    ءبىرىنشى، پاپۋا-جاڭا گۆينەياسىندا مەملەكەتتىك ساپاردا بولۋ ءارى پاپۋا-جاڭا گۆينەياسىندا ديپلوماتيالىق قاتىناس ورناتقان تىنىق مۇحيتتاعى ارال ەلدەردىڭ باسشىلارىمەن كەڭەس وتكىزۋى تۋرالى

    جىڭ زىگۋاڭ مىنالاردى ءبىلدىردى: ءتوراعا شي جينپيڭ 11-ايدىڭ 15-، 16-كۇندەرى پاپۋا-جاڭا گۆينەياسىندا مەملەكەتتىك ساپاردا بولادى. ساپار كەزىندە، ءتوراعا شي جينپيڭ پاپۋا-جاڭا گۆينەياسىنىڭ استاناسى پورت-مورسبيدە تىنىق مۇحيتتاعى پاپۋا-جاڭا گۆينەياسى، فيجي، ساموا، ۆانۋاتۋ، ميكرونەزيا فەدراتسياسى، كۋك ارالدارى، تونگا، نيۋيە سياقتى ديپلوماتيالىق قاتىناس ورناتقان 8 ارال ەلدىڭ باسشىلارىمەن كەڭەس وتكىزەدى. بۇل جۇڭگونىڭ مەملەكەت باسشىسىنىڭ پاپۋا-جاڭا گۆينەياسىنداعى تۇڭعىش ساپارى، سونداي-اق ءتوراعا شي جينپيڭنىڭ ديپلوماتيالىق قاتىناس ورناتقان تىنىق مۇحيتتاعى ارال ەلدەردىڭ باسشىلارىمەن ارادا 4 جىل وتكەندە تاعى كەڭەس وتكىزۋى، بۇل جۇڭگونىڭ ارال ەلدەرمەن قارىم -قاتىناسىنىڭ دەڭگەيىن ونان ارى جوعارىلاتىپ، تاراپتاردىڭ كەڭ سالاداعى اۋىس-كۇيىس پەن سەلبەستىكتى كەڭەيتۋىنە تىڭ دا پارمەندى قوزعاۋشى كۇش ۇستەپ، وسى ءوڭىردىڭ بەيبىتشىلىگىنە، ورنىقتىلىعىنا، دامۋىنا تەرەڭ ءارى بەلسەندى ىقپال جاسايدى.

    جىڭ زىڭگۋاڭ مىنالاردى اتاپ كورسەتتى: ءتوراعا شي جينپيڭنىڭ وسى رەتكى وڭتۇستىك تىنىق مۇحيت وڭىرىندەگى ساپارىنىڭ ماڭىزى زور. ءبىرىنشى، جۇڭگونىڭ پاپۋا - جاڭا گۆينەياسىمەن دوستىق سەلبەستىگىن تەرەڭدەتەدى. ءتوراعا شي جينپيڭ ساپار كەزىندە پاپۋا - جاڭا گۆينەياسىنىڭ باسشىلارىمەن ەكى جاقتى قارىم-قاتىناس جانە بىرگە كوڭىل بولگەن حالىقارالىق، وڭىرلىك ماسەلەلەر جونىندە ىشكەرىلەي پىكىر اۋىستىرىپ، كوپتەگەن سەلبەستىك كەلىسىم شارتىنا قول قويىلۋىنا بىرگە كۋا بولادى. ەكىنشى، جۇڭگونىڭ تىنىق مۇحيتتاعى ارال ەلدەرمەن قارىم -قاتىناسىنىڭ دەڭگەيىن كوتەرەدى. ءتوراعا شي جينپيڭ ديپلوماتيالىق قاتىناس ورناتقان باسقا ارال ەلدەردىڭ باسشىلارىمەن جەكە-جەكە ەكى جاقتى كەزدەسۋ وتكىزەدى، ديپلوماتيالىق قاتىناس ورناتقان ارال ەلدەردىڭ باسشىلارىمەن توپتىق كەڭەس وتكىزەدى. سول كەزدە ءتوراعا شي جينپيڭ ماڭىزدى ارقاۋ ءسوز سويلەپ، جۇڭگونىڭ دۇرىس ادىلەت -مۇددە كوزقاراسى مەن شىنايى تاتۋلىق ۇستانىمىنان جازباي، ارال ەلدەرمەن قارىم-قاتىناستى ىشكەرىلەي دامىتۋ جونىندەگى ساياساتتىق قۋاتتامالارىن جان-جاقتى بايىمداپ، جۇڭگونىڭ ارال ەلدەردىڭ دامۋىنا قولداۋ كورسەتىپ، ارال ەلدەرمەن سەلبەستىكتى كەڭەيتۋ جونىندەگى ماڭىزدى شارالارىن جاريالاپ، جاڭا داۋىردەگى ەكى جاقتى قارىم-قاتىناستاردىڭ دامۋ جوباسىن كەسكىندەيدى. ءۇشىنشى، وركەندەپ كەلە جاتقان ەلدەردىڭ اراسىنداعى ىنتىماق پەن سەلبەستىكتى جەبەيدى. تىنىق مۇحيتتاعى ارال ەلدەردىڭ بارلىعى وركەندەپ كەلە جاتقان ەلدەر، ءتوراعا شي جينپيڭنىڭ وسى رەتكى ساپارى جۇڭگونىڭ وركەندەپ كەلە جاتقان ەلدەرمەن دوستىعى مەن سەلبەستىگىن پارمەندى تۇردە ىلگەرىلەتىپ، ادامزاتتىڭ تاعدىرلاس ورتاق تۇلعاسىن بىرگە قۇرۋعا قۇدىرەتتى قوزعاۋشى كۇش ۇستەيدى.

جاۋاپتى رەداكتور: جازيرا بولاتباي قىزى