رەفورما جاساپ، ەسىك اشۋدىڭ 40 جىلدىعىن قۇتتىقتاۋ كولەمدى كورمەسى بەيجيڭدە اشىلدى

  • كەلۋ قاينارى: شينجياڭ گازەتى تورابى
  • 10:15:42 15/11/2018

    ۋاڭ حۋنيڭ اشىلۋ سالتىنا قاتىناستى جانە ءسوز سويلەدى

 

    شينحۋا اگەنتتىگىنىڭ 11 - ايدىڭ 13 - كۇنى بەيجيڭنەن بەرگەن حابارى. «ۇلى وزگەرىس − رەفورما جاساپ، ەسىك اشۋدىڭ 40 جىلدىعىن قۇتتىقتاۋ كولەمدى كورمەسىنىڭ» اشىلۋ سالتى 11 - ايدىڭ 13 - كۇنى تۇستەن بۇرىن مەملەكەتتىك مۇراجايىندا وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، پارتيا ورتالىق كوميتەتى شۋجيچۋىنىڭ شۋجيى ۋاڭ حۋنيڭ ءسوز سويلەدى جانە كورمەنىڭ اشىلعاندىعىن جاريالادى.

    تۇستەن بۇرىن ساعات 10دا اشىلۋ سالتى باستالدى. بۇكىل زالداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.

    ۋاڭ حۋنيڭ سوزىندە مىنالاردى ءبىلدىردى: رەفورما جاساپ، ەسىك اشقان 40 جىلدان بەرى، جۇڭگو حالقى قوس قولى ارقىلى مەملەكەت جانە ۇلت دامۋىنىڭ شۇعىلالى تاريحي داستانىن جازدى. پارتيانىڭ بەينەسىندە، مەملەكەتتىڭ بەينەسىندە، حالىقتىڭ بەينەسىندە، ارميانىڭ بەينەسىندە، جۇڭحۋا ۇلتىنىڭ بەينەسىندە بۇرىن كورىلمەگەن زور وزگەرىستەر جارىققا شىقتى. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى رەفورمانى جاپپاي تەرەڭدەتۋدى بار كۇشپەن ىلگەرىلەتىپ، پارتيا مەن مەملەكەت ىستەرىندە تاريحي سيپاتتى جەتىستىكتەرگە قول جەتكىزىپ، تاريحي سيپاتتى وزگەرىس جارىققا شىعىپ، رەفورما جاساپ، ەسىك اشۋدىڭ جاڭا تاريحي پاراعى اشىلدى.

    ۋاڭ حۋنيڭ مىنانى ءبىلدىردى: كولەمدى كورمەنى اشۋ 40 جىلدان بەرى جۇڭگو حالقىنىڭ جۇڭگو كوممۋنيستىك پارتياسىنىڭ باسشىلىعىندا جۇڭگوشا سوتسياليزم جولىن اشقان ۇلى جەتىستىگىن، تاريحي جاسامپازدىق سيپاتتى اماليات بارىسىندا كوتەرىلگەن الىپ رۋحاني كۇشىن، ادامزاتتىڭ بەيبىتشىلىگى مەن دامۋى سىندى وسكەلەڭ ىستەرگە قوسقان زور ۇلەسىن ايگىلەۋ. جاڭا داۋىرگە وتكەندە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى رەفورما جاساپ، ەسىك اشۋدىڭ تۋىن بيىك ۇستاپ، اناعۇرلىم بەرىك سەنىممەن، اناعۇرلىم پارمەندى شارالار ارقىلى رەفورما جاساۋدى، ەسىك اشۋدى تىنباي تەرەڭدەتۋ كەرەك.

    حۋاڭ كۇنميڭ اشىلۋ سالتىن باسقاردى. سۇن چۇنلان، ساي چي، حاۋ ميڭجين، چىن شياۋگۋاڭ، حى ليفىڭ اشىلۋ سالتىنا قاتىناستى.

    ورتالىقتاعى پارتيا، ۇكىمەت، ارميانىڭ قاتىستى ورگاندارىنداعى جانە بەيجيڭ قالاسىنداعى جاۋاپتى جولداستار، بەيجيڭدە تۇراتىن اسكەري بولىمدەردىڭ كوماندير - جاۋىنگەرلەرى جانە استانانىڭ ءارقايسى سالالارىنداعى بۇقارا ۋاكىلدەرى قاتارلىلاردان 1000داي ادام اشىلۋ سالتىنا قاتىناستى.

    كورمە ماڭىزدى تالعام، ايبىندى داستان، تاريحي زور وزگەرىس، ءىرى ەل كەلبەتى، بولاشاققا بەت الۋ سىندى باستى تاقىرىپتىق كورمە اۋماعىن جوبالاپ، تاريحي سۋرەتتەر، جازۋ، بەينەجازبا، ناقتى زات كورىنىسى، قۇم تاباق مودەلى، ىقپالداستىق قاتارلى ءتۇرلى ءتاسىل مەن فاكتورلاردان پايدالانىپ، 40 جىلدان بەرگى، اسىرەسە، پارتيانىڭ 18 - قۇرىلتايىنان بەرى حالىق بۇقاراسىنىڭ وندىرىسىندە، تۇرمىسىندا تۋىلعان ۇلى وزگەرىستەردى، جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى تولىق بەينەلەگەن.

جاۋاپتى رەداكتور: جازيرا بولاتباي قىزى