پارھات وتباسىنداعىلاردىڭ نانجيڭدەگى باقىتتى تۇرمىسى

  • كەلۋ قاينارى: ىلە گازەتى
  • 09:42:07 30/11/2018

    پارھات پەن ايەلى اجاربۇبى ابدىقادىردىڭ ەكولوگيالىق باقشاداعى شينجياڭ ءدامدى ـ تاعامدار بازارىندا جۇمىس ىستەپ جاتقانىنا ءبىر جىل بولعان، پارھات دايىنداعان تونار نان، جاۋبۇيرەك، قابىرعا كاۋاپ، قاقتاعان قوي ەتى جانە اجاربۇبىنىڭ پىسىرعان پالاۋ، تورە تاباق تاۋىق ەتى نانجيڭ قالا تۇرعىندارىنىڭ ۇناتىپ تۇتىناتىن تاعامدارىنا اينالعان.

    پارھات: «نانجيڭدىكتەر ءبىزدى جات سانامادى، ولار وتە باۋىرمال، بىزگە جاقسى پوزيتسيا ۇستايدى. وتباسىمىزداعى ءتورت جان وسىندا باقىتتى تۇرمىس كەشىرىپ جاتىرمىز»، - دەدى.

    بيىل 33 جاستاعى پارھات تەكەس اۋدانى تەكەس قالاشىعى ارال الەۋمەتتىك اۋماعىنىڭ تۇرعىنى. نانجيڭگە كەلۋدەن بۇرىن ايەلى ەكەۋى اۋدان ورتالىعىندا ءبىر شاعىن اسحانا اشقان. پارھات باس اسپاز بولىپ، ايەلى اقشا جينايتىن، ول اس ازىرلەۋگە شەبەر بولسا دا، ساۋداسى ادەتتەگىدەي بولىپ، ءتۇرلى شىعىنداردى شىعارىپ تاستاعاندا جىلىنا تەك 10 مىڭ يۋاننان ارتىق قانا كىرىس تاۋىپ كەلگەن.

    ءبىر جىلدىڭ الدىندا جياڭنيڭ رايونىنىڭ تەكەس اۋدانىنا باعىتتامالى كومەك بەرۋ الدىڭعى شەپ قىزمەت گرۋپپاسىنىڭ بەلسەنە سايكەستىرۋىندە، تەكەس اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ءبىر توپ جۇمىسكەرلەردى نانجيڭگە بارىپ جۇمىس ىستەۋگە ۇيىمداستىرادى. سول قاتاردا پارھات پەن ايەلى تىزىمدەلىپ، بەس جاستاعى قىزىن الىپ نانجيڭگە كەلگەن.

    كولەمى 550 مۋلىق شينمياۋ ساياحات، سەيىل ـ سەرۋەن ەكولوگيالىق باقشاسى ساياحاتتاۋ، سەيىل ـ سەرۋەن قۇرۋ، بالىق اۋلاۋ، جاۋبۇيرەك قاقتاۋ، ءدامدى تاعامداردان عۇزىرلانىپ كوڭىل كوتەرۋ، ءتۇرلى باس قوسۋلار وتكىزۋ، بەس جۇلدىز دارەجەلى قوناق ۇيلەرى ءبىر تۇلعالانعان ۋنيۆەرسالدى كوڭىل اشۋ رايونى بولىپ، جىلىنا 400 مىڭ ادام ـ رەت ساياحاتشى قابىلدايدى.

    قوس دەمالىس جانە مەرەكە ـ مەيرام كەزدەرىندە وسىندا كەلىپ ساياحاتتاۋشىلاردىڭ اياعى ۇزىلمەيتىندىكتەن بۇل كۇندەرى پارھات توتەنشە قاربالاس.

    پارھات بىلاي دەدى: « ادام كوپ كەزدە ءار كۇنى تونارعا 500 دە 600 نان جاپسام، جايشىلىقتا 150 دە 200 نان جابامىن. شينجياڭ تاعامدارىنان ءدام تاتقالى كەلەتىن نانجيڭدىكتەر وتە كوپ، ولار ناندى ەڭ ۇناتىپ جەيدى».

    پارھاتتىڭ كومەكشىلەرى دە تەكەستىك. ازىق ـ تۇلىك بازارىندا تەكەس اۋدانىنان كەلگەن 8 از ۇلت جۇمىسشىسى نانجيڭدەگى تۇرمىستارىنا رازى.

    پارھات بىلاي دەدى: «دەمالعان كەزدەرىمىزدە وتباسىمىزبەن بىرگە ماڭايىمىزدى ارالاپ دەمالىپ كەلەمىز، كەيدە سەرىكتىك ءبىزدى اۆتوكولىكپەن اپارىپ قويادى، جازدا كۇن ىسىپ كەتكەن كەزدەردە جياڭنيڭ رايونىنىڭ باسشىلارى بىزدەن ارناۋلى حال سۇراپ كەلىپ، بۇل جەردىڭ اۋا رايىنا ۇيلەسە الدىڭدار ما ؟ تۇرمىستارىڭدا قانداي قيىنشىلىقتار بار؟ دەپ حال سۇراپ تۇرادى. سەرىكتىكتەگى قىزمەتتەستەر تۋعان تۋىستارداي بولىپ كەتتى».

جاۋاپتى رەداكتور: گۇلدەن ماقسات قىزى