شارۋالار مەملەكەت بويىنشا ءبىر تۇتاس قولدانىلاتىن ءتىل ـ جازۋدى بەرىلە ۇيرەندى

  • كەلۋ قاينارى: ىلە گازەتى
  • 04:03:07 04/12/2018

    مەملەكەت بويىنشا ءبىر تۇتاس قولدانىلاتىن ءتىل ـ جازۋدى ۇيرەتۋ ساباقحاناسى قاراپايىم، قولايلى، جوعارى ءونىمدى بولۋ ەرەكشەلىگىمەن مالشىلار وتباسىنا جەتكىزىلدى. مالشىلار مەملەكەت بويىنشا ءبىر تۇتاس قولدانىلاتىن ءتىل ـ جازۋدى بەلسەنە ۇيرەنىپ، وزدەرىنىڭ ورەسىن جوعارىلاتۋعا كۇش سالدى.

    جۋىردا شاۋەشەك قالاسى قاراقاباق اۋىلى فەرما قىستاعىنىڭ سارولەڭ مالشىلاردى قونىستاندىرۋ تۇيىنىندەگى ايدىن مۇقتارقان ۇلىنىڭ وتباسىندا 30 عا جۋىق مالشى قورالانىپ وتىرىپ، ەكى مۇعالىمنىڭ جەتەكشىلىگىندە، مەملەكەت بويىنشا ءبىر تۇتاس قولدانىلاتىن ءتىل ـ جازۋدى ءبىر جاعىنان، داۋىستاپ وقىپ، ءبىر جاعىنان، مۇقيات جازىپ ۇيرەندى.

    مۇعالىم جانار اسەت قىزى ءبىر جاعىنان، وقىتۋ تاقتاسىنداعى دىبىستىق ارىپتەردى كورسەتىپ، ءبىر جاعىنان، سامعار جاردەمقان ۇلىنىڭ دىبىستاپ وقۋىن تىڭدادى. كوپشىلىكتىڭ بارلىعى دۋ قول شاپالاق سوعىپ، ونى ماقتاپ جاتتى. «كوپشىلىك كوڭىل بولىڭدەر، مەن قازىر سۇراۋ سۇرايمىن، ءبىرىنشى گرۋپپادا وتىرعاندار مەن كورسەتكەن ارىپتەردى داۋىستاپ وقىڭىزدار، ەكىنشى گرۋپپاداعىلار سىزدەر دايىندالىپ وتىرىڭىزدار» ، -دەيدى.

    تاعى ءبىر مۇعالىم نۇرجان توقاش قىزى كوپشىلىكتىڭ بۇگىنگى ۇيرەنۋ ناتيجەلەرىن تەكسەرىپ جاتتى. ءۇي ىشىنەن داۋىستاپ وقىعان دىبىس ءالسىن–ءالى ەستىلىپ تۇردى. ساباقحانادان ساباق مازمۇنىن دەن قويا ءوتىپ جاتقان مۇعالىمدى، زەيىن–زەردەلەرىن سالىپ ەستەلىك الىپ جاتقان شارۋالاردىڭ بەينەسىن كەزىكتىرۋگە بولادى. شارۋالاردىڭ ساباقحانادا «كوممۋنيستىك پارتيا بولماسا، جاڭا جۇڭگو بولماق ەمەس» دەيتىن ءبىر شۋماق ولەڭ جولدارىن داۋىستاپ وقىعان ەكپىندى ءۇنى ولاردىڭ پارتياعا دەگەن العىستىق سەزىمدەرى مەن مەملەكەت بويىنشا ءبىر تۇتاس قولدانىلاتىن ءتىل ـ جازۋدى ۇيرەنۋ سەنىمدەرىن ارتتىرا تۇسكەندەي.

    بيىل –10ايدىڭ سوڭىنان باستاپ، ايماقتىق بىرلىكساپ ءبولىمى، ايماقتىق ۇلت–ءدىن ىستەرى كوميتەتى، ايماقتىق ساۋدا–ونەركاسىپشىلەر بىرلەستىگىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاققا تۇسكەن قىزمەت اترەتىندەگىلەر، قىستاق كوميتەتىندەگىلەر جانە تومەنگە تۇسكەن كادرلار بىرلىكتە، مال شارۋاشىلىق رايونىنىڭ ءىس جۇزىندىك ەرەكشەلىگىنە قاراي بۇقارا وتباسىنىڭ بىتىراڭقى قونىستانۋ، مەملەكەت بويىنشا ءبىر تۇتاس قولدانىلاتىن ءتىل ـ جازۋ ورەسىنىڭ تومەن بولۋ، قاتىناس قولايسىز بولۋ ماسەلەلەرىنە نەگىزدەلىپ شالعايداعى بىتىراڭقى وتباسىلارىن 4 ۇيرەنۋ گرۋپپاسىنا ۇيىمداستىرىپ، قىستاقتاعى بارلىق مالشىعا قارىنداش، ۇيرەنۋ داپتەرى، وشىرگىش سياقتى ۇيرەنۋ ماتەريالدارىن تاراتتى. وتىرىقتانۋ تۇيىنىندەگى مالشىلارعا بارىپ، مەملەكەت بويىنشا ءبىر تۇتاس قولدانىلاتىن ءتىل ـ جازۋ ساباقحاناسىن اشتى. قازىر وتىرىقتانۋ تۇيىنىندەگى مالشىلار بولسىن، الدە كوشپەندى مالشىلار بولسىن بارلىعى وتباسىلارىندا وتىرىپ–اق مەملەكەت بويىنشا ءبىر تۇتاس قولدانىلاتىن ءتىل ـ جازۋدى ۇيرەنە الاتىن بولدى.

جاۋاپتى رەداكتور: گۇلدەن ماقسات قىزى