بەرەكەنىڭ قۇلاگەرى، سان ونەردىڭ مۇراگەرى

  • كەلۋ قاينارى: ىلە گازەتى
  • 03:55:25 10/12/2018

    كاريانىڭ لەبىزىن قوستاي جونەلگەن لۋ فىڭشان اعامىز: «اكەم تۋعان جەرگە قايتىپ كەتكەن سوڭ، اكىماش اعا وكىل اكەم بولدى. ءۇي سالساق بالالارىن ەرتىپ كەرپىش تاسىسادى، كۇزگى جيىن – تەرىندە كولىكتەرىن ورتاق پايدالاندىق. از عانا مال تۇلىكتەرىمىزگە جەم – ءشوپ جيناساق تاجىريبەلى وكىل اكەمىز قاسىمىزدا دايار. قىزىعارلىعى ءوزىمىز تاڭىرقاي قارايتىن، قۇسبەگىلىك، تەمىرشىلىك، اعاششىلىق سياقتى جۇمىستارمەن دە تانىستىرىپ، وزگە ۇلت مادەنيەتىنە بولعان تانىمىمىزدى تەرەڭدەتتى. قازىر اعا – باۋىرداي سيلاسىپ، ىزدەسىپ تۇرامىز»، – دەپ اعىنان جارىلدى.

    دوستىق حيكاياسىن جالعاستىرعىسى كەلگەن كاريا:« 1958 – جىلى توعىز جاس كەزىم. ۇيىمىزدە توقتاقىن ەسىمدى 70 جاس مولشەرىندەگى ۇيعۇر قاريا بار ەدى. ول ەسەك – قاشىر سىندى كولىكتەرمەن كۇشار ايماعىنان ىلە كولەمىنە جۇك تاسيتىن. كۇندەردىڭ بىرىندە ساۋدا توعاناعى توناۋشىلارعا جولىعىپ، توقتاقىن تاقىر جەرگە وتىرادى. ول تەنتىرەي ءجۇرىپ، اكەمدى تاۋىپ، 80 – جىلدارعا دەيىن اكەمدى پانالاعان. اكەم ونىڭ استىنا ات مىنگىزىپ، ۇستىنە كيىم اپەرىپ، ءوز بالاسىنداي قارايلاستى. كەيىن ەركىنبەك اتتى اعامىزعا توقتاقۇن وتباسىنىڭ قاتىستى جاعدايىن جازىپ بەرىپ كۇشارعا اتتاندىرعان. ەركىنبەك اعامىز كۇشار بازارىندا توقتاقىننىڭ تۋىس – تۋعاندارىن ىزدەپ تاۋىپ، اقىرى وتباسىنداعىلارعا ونىڭ جاعدايىنان حابار تاپقىزادى. 1981 – جىلى 1 – ايدا توقتاقىننىڭ وتباسىنداعىلار ارنايى كەلىپ، ونى الىپ قايتتى. بۇل بارىستا توقتاقىننىڭ ۇيىنەن شىعىپ كەتكەنىنە جيىرما ءۇش جىل بولىپتى. ءتىپتى، بالا – شاعاسى دا ونى ومىردەن كەتتىگە جورىپ، ارتقى جۇمىستارىن ورنالاستىرىپ بولعان ەكەن. جىلاپ كورىسكەن ءبىر ءۇيلى جان اكەممەن ارت – ارتىنان قۇشاقتاسقان بولاتىن. اكەمىزدىڭ وعان سيلاعان اتى كوممۋناعا قوسىلىپ، توقتاقىن جيرەن اتالعانى ءالى ەسىمدە»، – دەدى.

    مۇقامەتجان اقساقالدىڭ «بەرەكەنىڭ ۇيتقىسى سەندەي بولسىن» دەگەن اق تىلەگىنە اتامىز بىلايشا جاۋاپ بەردى: كەزىندە تۇرگەن اۋىلىندا اسكەري ورىن قۇرىلىپ ارنايى شيپاحانا اشىلعان بولاتىن. 1983 – جىلى 1 – ايدا نىلقى اۋدانى لاستاي اۋىلىنىڭ بايىنعول قىستاعىنان سەكا اتتى موڭعۇل جىگىت سول شيپاحاناعا اۋرۋ اتاسىن كورسەتۋگە اكەلگەندە قونالقى ورىن تابا الماي ءبىزدىڭ ۇيگە كەلدى. ول كىسىلەردى ءوز تۋىسىمداي كۇتىپ، ەرتەسى اسكەري ءبولىمنىڭ شيپاحاناسىنا جاتقىزدىق. سەكا ۇيىمىزدە ءبىر اي جاتىپ اكەسىنە قارايلاستى. ايدان اسا اكەسى تاۋىرلەنگەن سوڭ ولار دا ءبىزدى ءوز تۋىسىنداي كورىپ، قازىرگە دەيىن ىزدەسىپ – سۇراسىپ تۇرادى. سەكانىڭ ايەلى بيمبا، كەلىنى پاتىگۇل دە ءبىزدى ءوز تۋىستارىنداي سيلاپ، مەرەكە – مەيرامداردا تارتۋ – تارالعىلارىن الىپ جەتەتىنە كورشىلەر قىزىعا قارايدى.

    قازاق، ۇيعۇر، حانزۋ، موڭعۇل ۇلتى ازاماتتارىنىڭ ورتاق شاڭىراعىنا اينالعان ۇلى وتباسىنا قىزىعا قاراپ، قيال جانارىمەن وتكەن كۇندەرىنە كوز سالىپ وتىرعانىمىزدا اتامىزدىڭ تاعى ءبىر حانزۋ باۋىرلاسى جەتىپ كەلدى. ۇعىسساق بۇل ياۋ زى – جياڭ اتتى ازامات ەكەنىن، ونىڭ 1996 – جىلدان باستاپ اكىماش اعامەن تانىسقانىنان حاباردار بولدىق. بەرەكەلى داستارقانعا ۋاعىندا كەلە الماعانىنا عاپۋ وتىنگەن ياۋ زى – جياڭ: «اكىماش اعامەن تۋىستاسىپ كەتكەنىمە جيىرما جىلدان استى، ءبىرىمىزدىڭ جوعىمىزدى ءبىرىمىز بۇتىندەپ وسى ۋاقىتقا دەيىن كەلدىك. 2010 – جىلى ايەلىم لي جۇڭليڭ قايتىس بولعاندا قايعىمدى وسى اعام عانا كوتەرىپ، اسقار تاۋداي جاناشىرىمنىڭ بار ەكەنىن ۇعىندىرعان.

جاۋاپتى رەداكتور: گۇلدەن ماقسات قىزى