بەرەكەنىڭ قۇلاگەرى، سان ونەردىڭ مۇراگەرى

  • كەلۋ قاينارى: ىلە گازەتى
  • 03:55:25 10/12/2018

كەي كەزدە قۇلازىعان كوڭىل كۇيىمدى دە قازاق اعاما توگىپ – توگىپ جىبەرىپ جەڭىلدەپ قالام. ءارى رۋحاني تىرەگىم، ءارى تۋىسىم بولدى» دەپ رياسىز پيعىل تانىتتى. اڭگىمە تيەگى ارت – ارتىنان اعىتىلعاسىن كاريامىزدىڭ ونەرىنە دە وراي شىقتى. كوپشىلىكتىڭ ۇسىنىسىمەن ارحۋ اسپابىن قولىنا العان اعامىز حالىقتىق اۋەندەردى ارت – ارتىنان اۋەلەتتى. ارحۋدىڭ بوزداعان ءۇنى دۋمان ءبازىلجان اعامىزدىڭ «ارحۋىڭ قوبىزبەن تۋىس دەپ، قايتايىن قۇلاعىن ءبىر يىسكەپ...» دەگەن ولەڭ جولدارىن ەرىكسىز ەسكە تۇسىرگەندەي. مۇنان سىرت، اكورديان، دومبىرا، گيتارا، سكريپكا سياقتى مۋزىكا اسپاپتارىن بەبەۋلەتكەندە، وسىنشا جاسقا كەلسە دە ونەرگە دەگەن قۇشتارلىعىنىڭ كۇشتى ەكەنىنە تاڭداي قاعىستى وندا وتىرعاندار. تاڭ اتا سالىسىمەن شەبەرحاناسىن كورۋگە اسىققانىمىزدى سەزگەن كەيىپكەرىمىز ءبىزدى سولاي باستادى. ءوز قولىمەن جاسالعان ويۋلى كەلى – كەلساپ، ات ابزەلدەرى، تۇرمىستىق بۇيىمدار، جاسالۋ ۇستىندەگى كوركەمونەرلىك بۇيىمدار، ەلەكتروندى جاساۋ جابدىقتارىنا كوپشىلىك تاڭىرقاي دا، تاڭدانا دا قارادى. اۋىلداسى نۇرشات جامالبەك ۇلى: «بۇرىن بۇل كىسىنى حالىق ەمشىسى رەتىندە عانا باعالاۋشى ەدىك. كەيىندەپ ونەردىڭ دە، بەرەكەنىڭ دە كەنىشى ەكەنىنە كوز جەتكىزدىم. قاتىستى ۇكىمەت ورىندارى دا اكىماش اعانىڭ ءداستۇرلى ونەرى مەن ۇلتتار ىنتىماعى سالاسىنا قوسقان ۇلەسىن جوعارى باعالايدى. ءبارىمىزدىڭ دە مەيىربان اكەمىز بولىپ جۇرە بەرۋىن شىن جۇرەكتەن ءۇمىت ەتەمىز» دەپ، كارياعا بولعان شەكسىز العىسىن ءبىلدىردى.

    ۇلتتار ىنتىماعىنىڭ بەرەكەلى شاڭىراعىنا اينالعان وتباسى مۇشەلەرى پارتيا مەن ۇكىمەتتىڭ ۇلتتار ىنتىماعى تۋىن بيىك كوتەرگەن دۇرىس جەتەكشىلىگىنە ريزاشىلىقتارىن ءبىلدىرىپ، وتان اياسىنداعى بارلىق ۇلتتىڭ تۋىسقان ەكەنىن ىشكەرىلەي دالەلدەپ بەردى. اقساقالدار اڭگىمەسى، ۇلتتار دوستاستىعى، ونەرگە بولعان قۇرمەت، ونەگەلى كەشىرمە، ءداستۇرلى مادەنيەت ت . ب كوپ سالالى سۇبەلى تاقىرىپتار سانامىزعا «التىن كەزدىك قاپ تۇبىندە جاتپايدى» دەيتىن اتالى ءسوزىمىزدى شەگەلەپ ۇلگىرگەندەي. وتباسىنىڭ عانا ەمەس ورتاق ەلدىڭ جاناشىرىنا اينالىپ، ءوز تابيعاتىمەن كوپتىڭ ۇلگىسى بولا بىلگەن كاريامىزعا عاسىردىڭ جاسىن تىلەي وتىرىپ، «ۇرپاقتارىڭىزدىڭ يگىلىگىن كورىڭىز» دەگەن اقجارما تىلەگىمىزدى جاۋدىرىپ قانا قويماي، «ءوز ەلىنىڭ عانا ەمەس، وزگە ەلدىڭ دە قازىناسى بولا بىلگەن سىزدەي اتالارىمىز كوبەيە بەرسىن» دەگەن تىلەكپەن قوشتاسۋ تىلەكتەرىمىزدى بىلدىردىك.

جاۋاپتى رەداكتور: گۇلدەن ماقسات قىزى