نەكەدەن اجىراسۋ ارىز - شاعىمىن بەرگەن مەزگىلدە ءبىر جاق قارىز الىپ بالاسىنا ءۇي الىپ بەرسە، ەرلى - زايىپتىلاردىڭ ورتاق قارىزى ەسەپتەلە مە

  • كەلۋ قاينارى: شينجياڭ زاڭ جانە تۇرمىس گازەتى
  • 03:49:45 10/12/2018

    جياڭ ×× نەكەدەن اجىراسۋ ارىزىن بەرگەن مەزگىلدە، ايەلى فىڭ حانىم دوسى چىن ×× تەن 300 مىڭ يۋان قارىز الىپ، جيىنى 1 ميلليون 700 مىڭ يۋانعا ازامات جاسىنا تولعان ۇلىنا ءۇي ساتىپ الىپ بەرەدى. ارتىنان فىڭ حانىم ۋادەلى ۋاعىندا قارىزدى قايتارا المايدى، چىن ×× فىڭ حانىم مەن جياڭ ×× تىڭ ۇستىنەن سوتقا ارىز بەرەدى.

    جۋىردا، جياڭسۋ ولكەسى نانتۇڭ قالاسى چۇڭچۋان رايوندىق حالىق سوتى مەكەمەسى وسى قارىز الىم - بەرىم داۋ - شارى دەلوسىنا 1 - سوت ۇكىمىن شىعارىپ، جاۋاپكەر فىڭ حانىمدى تالاپكەر چىن ×× تەن العان 300 مىڭ يۋان قارىزدى وسىمىمەن قايتارۋعا ۇكىم ەتىپ، تالاپكەردىڭ جاۋاپكەر جياڭ ×× كە قويعان ارىز - شاعىم تالابىن تويتارادى.

    دەلو جاعدايى

    فىڭ حانىم مەن جياڭ×× ەرلى - زايىپتى بولىپ، 1993 - جىلى 5 - ايدا نەكەلەنۋدى تىزىمگە الدىرادى، كەلەسى جىلى 5 - ايدا ۇل پەرزەنىتتى بولادى. ەرلى - زايىپتىلار وتاسا الماعاندىقتان، جياڭ ×× 2016 - جىلى 2 - ايدا چۇڭچۋان رايوندىق حالىق سوتى مەكەمەسىنە نەكەدەن اجىراسۋ ارىزىن بەرەدى، حالىق سوتى مەكەمەسى سوتتا قاراپ شىعىپ، سول جىلى 3 - ايدا ۇكىم ارقىلى جياڭ ×× تىڭ نەكەدەن اجىراسۋ تالابىن تويتارادى. ارىزى تويتارىلعانىمەن ەكەۋىنىڭ قاتىناسى جاقسارا قويمايدى. 2016 - جىلى 11 - ايدىڭ 17 - كۇنى، جياڭ ×× قايتادان حالىق سوتى مەكەمەسىنە نەكەدەن اجىراسۋ ارىزىن بەرەدى. ۇلىنىڭ ۇيلەنۋ جاسىنا تولعانىن، باستارىندا ءبىر عانا ءۇيدىڭ بار ەكەنىن ويلاعان فىڭ حانىم كۇيەۋىنە نەكەدەن اجىراسۋدان بۇرىن ۇلدارىنا ءۇي الىپ بەرۋدى تالاپ ەتەدى، كۇيەۋى قوسىلمايدى. بەس كۇننەن كەيىن، فىڭ حانىم ءۇي ساتىپ الماقشى بولعانىن ايتىپ دوسى چىن ×× تەن 300 مىڭ يۋان قارىز الىپ، جىلدىق ءوسىمىن اۋىزشا ‰ 6 بويىنشا كەلىسىپ، سول كۇنى چىن ××كە قارىز قولحاتىن جازىپ بەرەدى، چىن ×× بانكە ارقىلى فىڭ حانىمعا 300 مىڭ يۋان اقشا جوتكەپ بەرەدى. ەرتەڭىندە، فىڭ حانىم جيىنى 1 ميلليون 700 مىڭ يۋان شىعارىپ ۇلىنا ۇيلەنگەندە ىستەتكەنگە ءبىر ءۇي الىپ بەرەدى. قارىزدىڭ مەرزىمى تولعاننان كەيىن چىن ×× فىڭ حانىمنان كوپ رەت قارىزىن قۋزاستىرعاندا فىڭ حانىم كۇيەۋىم ىلگەرىندى - كەيىندى ۇيدەن 1 ميلليون يۋان اقشا الىپ كەتتى، قازىر قايتارۋعا امالسىزبىن دەيدى. تاقاتى تاۋسىلعان چىن ×× فىڭ حانىم مەن جياڭ ×× تىڭ ۇستىنەن چۇڭچۋان رايوندىق حالىق سوتى مەكەمەسىنە ارىز بەرىپ، ەكەۋىنىڭ بىرلىكتە قارىز بەن ءوسىمىن قايتارۋىن تالاپ ەتەدى.

    حالىق سوتى مەكەمەسى سوتتا قاراپ شىعادى

    سوتتا جاۋاپكەر جياڭ ××: «مەن تالاپكەرمەن دوس ەمەسپىن، اۋەلى تالاپكەردى تانىمايمىن، ايەلىمنىڭ تالاپكەردەن قارىز العانى شىن بولعانىمەن، مەن ايەلىممەن نەكەدەن اجىراسامىن دەپ سوتقا ارىز بەرىپ قويىپ، ايىرىم تۇرعاننان كەيىن العان قارىزى، سوندىقتان، ول قارىز ايەلىمنىڭ جەكە ماقساتى، ەرلى - زايىپتىلاردىڭ ورتاق قارىزىنا جاتپايدى» دەپ ءوزىن اقتاپ، سوت مەكەمەسىنەن تالاپكەردىڭ وزىنە قويعان تالابىن تويتارۋىن تالاپ ەتەدى.

جاۋاپتى رەداكتور: جازيرا بولاتباي قىزى