اتقارىلۋشى تەلەفوندا سۋديانى ياناتتاپ، ءادىليالىق جاقتان 15 كۇن قاماققا الىندى

  • كەلۋ قاينارى: شينجياڭ زاڭ جانە تۇرمىس گازەتى
  • 03:50:49 10/12/2018

    جۋىردا شايار اۋداندىق حالىق سوتى مەكەمەسى تەلەفوندا اتقارۋشى سۋديانى ياناتتاعان اتقارىلۋشى جيا×× تى زاڭ بويىنشا ءادىليالىق جاقتان 15 كۇن قاماققا الدى.

    2018 - جىلى 7 - ايدىڭ 10 - كۇنى شايار اۋداندىق حالىق سوتى مەكەمەسى اتقارۋدى ءوتىنىش ەتۋشى لي ×× تىڭ اتقارىلۋشى جيا ×× پەن بولعان ساۋدا توقتامى داۋ - شارى دەلوسىنداعى اتقارتىپ بەرۋدى ءوتىنىش ەتۋ دەلوسىن قابىلدايدى. حالىق سوتى مەكەمەسى قابىلداعاننان كەيىن، زاڭ بويىنشا اتقارىلۋشى جيا×× كە اتقارۋ ۇقتىرۋى، مال - مۇلكىنەن دوكلات بەرۋ بۇيرىعىن جىبەرسەدە، اتقارىلۋشى زاڭدىق قۇجاتتاردا تۇراقتاندىرىلعان بورىشتارىن اتقارمايدى. حالىق سوتى مەكەمەسى توراپتا تەكسەرۋ - مەڭگەرۋ جۇيەسىنەن اتقارىلۋشىنىڭ اقسۋ قالاسىنداعى ءبىر ساۋدا بانكەسىنە قويعان امانات اقشاسىنىڭ بارلىعىن بايقاپ، توراپتا ۇستاپ قالادى.

    2018 - جىلى 11 - ايدىڭ 1 - كۇنى تۇستەن كەيىن ساعات 6 مولشەرىندە، اتقارۋشى سۋديا تەلەفوندا حابارلاسقاندا، اتقارىلۋشى جيا×× سوت مەكەمەسىنىڭ كۇشتەپ اتقارۋ شاراسىنا ريزا بولماي، تەلەفوندا اۋزىنا كەلگەنىن ايتىپ، سۋديانى ياناتتايدى. ارتىنان قاتەلىگىن تانۋ بىلاي تۇرسىن، زاڭدى كوزىنە ىلمەي ءادىليا قىزمەتىن سايقى ەتەدى. زاڭنىڭ بەدەلى مەن ءادىليالىق ۇقىقتى قورعاۋ، سۋديانىڭ زاڭ بويىنشا قىزمەت مىندەتىن وتەۋ ارەكەتىن قورعاۋ ءۇشىن شايار اۋداندىق حالىق سوتى مەكەمەسى «جۇڭحۋا حالىق رەسپۋبليكاسى ازاماتتىق ىستەر ارىز - شاعىم زاڭىنىڭ» قاتىستى بەلگىلەمەلەرىنە ساي، زاڭ بويىنشا جيا×× كە ءادىليالىق جاقتان 15 كۇن قاماققا الۋ جازاسىن بەرۋ قارارىن شىعارادى.

    شايار اۋداندىق حالىق سوتى مەكەمەسى اتقارۋ كوللەگياسىنىڭ ورىنباسار باستىعى ۋاڭ گاڭ بىلاي دەدى: «سۋديا ءادىليانىڭ ادىلدىگىن جۇرگىزۋشىسى، قورعاۋشىسى، قوعامنىڭ قۇرمەتىنە بولەنۋگە ءتيىس، سۋدياعا سەس كورسەتۋ، سۋديانى ياناتتاۋ زاڭنىڭ بەدەلى مەن ءادىليانىڭ قوعامدىق يلاندىرۋ كۇشىن بۇلدىرگەندىك، وسى تەكتەس سەس كورسەتۋشىلەر، ياناتتاۋشىلار زاڭنىڭ قاتاڭ جازاسىنا تارتىلۋعا ءتيىس».

    «ازاماتتىق ىستەر ارىز - شاعىم زاڭىنىڭ 111 - تارماعى داۋگەرلەردە نەمەسە باسقالاردا مىناداي جاعدايلاردىڭ ءبىرى بولعاندا، حالىق سوتى مەكەمەسى سالماعىنىڭ اۋىر - جەڭىلدىگىنە قاراي وتىرىپ ايىپ سالسا، قاماققا السا بولادى؛ قىلمىس قالىپتاستىرعاندارىنىڭ زاڭ بويىنشا قىلمىستىق ىستەر جاۋاپكەرلىگى قۋزاستىرىلادى:

    (1) ماڭىزدى دالەل - ىسپاتتاردى جالعاننان جاساپ، جوعالتىپ جىبەرىپ، حالىق سوتى مەكەمەسىنىڭ دەلونى قاراپ شىعۋىنا كەسە - كولدەنەڭدىك ىستەسە؛

    (2) ايعاقتاردىڭ كۋالىك بەرۋىنە زورەكەرلىك جۇرگىزۋ، سەس كورسەتۋ، پارا بەرىپ ساتىپ الۋ جولىمەن كەسە - كولدەنەڭدىك جاساعاندار نەمەسە جول كورسەتىپ، پارا بەرىپ ساتىپ الىپ، زورلاپ باسقالارعا جالعان دالەل - ىسپات بەرگىزگەندەر؛

    (3) پەشەتتەلگەن، ۇستاپ قالىنعان مال - مۇلىكتى نەمەسە اداقتالىپ سول ادامنىڭ ساقتاپ بەرۋىنە بەرىلگەن مال - مۇلىكتى جاسىرعان، جوتكەپ جىبەرگەن، ساتىپ جىبەرگەن، كەرەكتەن شىعارعاندار، مۇزداتىلعان مال - مۇلىكتى جوتكەپ جىبەرگەندەر؛

    (4) ءادىليالىق زاڭ اتقارۋشىلار، داۋگەرلەر، ايعاقتار، اۋدارماشىلار، ساراپتاۋشىلار، انىقتاۋشىلار، اتقارۋعا سەلبەسۋشىلەردى ياناتتاعان، جالا جاپقان، جالا جاۋىپ قاس سايلاعان، ولاردى ۇرعان نەمەسە ولاردان ءوش العاندار؛

    (5) ءادىليالىق زاڭ اتقارۋشىلاردىڭ مىندەت وتەۋىنە زورەكەرلىك ىستەۋ، سەس كورسەتۋ جولى نەمەسە باسقاداي تاسىلدەرمەن كەسە - كولدەنەڭدىك جاساعاندار؛

    (6) حالىق سوتى مەكەمەسىنىڭ زاڭدىق كۇشكە يە ۇكىم - كەسىمىن اتقارماعاندار.

    حالىق سوتى مەكەمەسى جوعارىداعى تارماقتاردا بەلگىلەنگەن ارەكەتتەردىڭ ءبىر كورىلگەن ورىننىڭ نەگىزگى جاۋاپتىسى نەمەسە تىكە جاۋاپكەرلەرىنە ايىپ سالسا، ولاردى ءادىليالىق جاقتان قاماققا السا بولادى؛ قىلمىس قالىپتاستىرعاندارىنىڭ زاڭ بويىنشا قىلمىستىق ىستەر جاۋاپكەرلىگىن قۋزاستىرادى.

    «شينجياڭ جوعارى حالىق سوتى مەكەمەسى ءۇنحات تەكشەسىنەن» اۋدارعان گۇلبانيا باعدات قىزى

جاۋاپتى رەداكتور: جازيرا بولاتباي قىزى