ۋاڭ رۇيلين جولداس قايتىس بولدى

  • كەلۋ قاينارى: شينجياڭ گازەتى تورابى
  • 07:49:57 14/12/2018

    ۋاڭ رۇيلين جولداستىڭ ناۋقاسى اۋىرلاعان كەزدە جانە قايتىس بولعاننان كەيىن شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن ۋاڭ رۇيلين جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋس - تۋعاندارىنا شىنايى كوڭىل ايتتى.

    12 - ايدىڭ 12 - كۇنى تۇستەن بۇرىن، باباۋشان توڭكەرىستىك قۇرباندار قابىرىستانىنىڭ زالى قايعىلى ۇنسىزدىككە شومىپ، ازالى مۋزيكا باياۋ مامىرلاپ تۇردى. زالدىڭ ءتورىنىڭ جوعارعى جاعىنا «ۋاڭ رۇيلين جولداسقا قايعىلى ازا بىلدىرەمىز» دەگەن اق ءتۇستى جازۋ جازىلعان قارالى كەرمە تۋ ءىلىندى، كەرمە تۋدىڭ استىڭعى جاعىنا ۋاڭ رۇيلين جولداستىڭ سۋرەتى قويىلعان. گۇلدەر مەن جاسىل ارشامەن كومكەرىلگەن ۋاڭ رۇيلين جولداستىڭ سۇيەگىنىڭ ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلعان.

    تۇستەن بۇرىن مولشەرمەن ساعات 9دان 30 مينۋت وتكەندە، شي جينپيڭ، لي كىچياڭ، لي جانشۋ قاتارلىلار ازالى مۋزيكا ءۇنى ىشىندە ۋاڭ رۇيلين جولداستىڭ سۇيەگىنىڭ الدىنا باياۋ كەلىپ، ءۇنسىز تۇرىپ ازا ءبىلدىرىپ، ۋاڭ رۇيلين جولداستىڭ سۇيەگىنە 3 رەت تاعزىم ەتتى، سونداي - اق ۋاڭ رۇيلين جولداستىڭ تۋىس - تۋعاندارىمەن ءبىر - بىرلەپ قول الىسىپ، كوڭىل ايتتى.

    پارتيانىڭ، مەملەكەتتىڭ، ارميانىڭ قاتىستى باسشى جولداستارى سۇيەكپەن قوشتاستى نەمەسە ءتۇرلى فورمالارمەن ازا ءبىلدىردى. ورتالىقتىڭ جانە مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ۋاڭ رۇيلين جولداستىڭ كوزىنىڭ تىرىسىندەگى دوس - جاراندارى مەن اۋىلداستارىنىڭ ۋاكىلدەرى دە سۇيەكپەن قوشتاستى.

جاۋاپتى رەداكتور: جازيرا بولاتباي قىزى