ەكونوميكالىق قىزمەت جونىندە پىكىرجانە ۇسىنىس قابىلداۋ ءۇشىن ج ك پ ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى

  • كەلۋ قاينارى: ىلە گازەتى
  • 04:32:35 15/12/2018

  

    شي جينپيڭ ءماجىلىستى باسقاردى

    ءارى ماڭىزدى ءسوز سويلەدى

    لي كىچياڭ قاتىستى جاعدايلاردى حابارلاندىردى، ۋاڭ حۋنيڭ، حان جىڭ ماجىلىسكە قاتىناستى

 

    شينحۋا اگەنتتىگىنىڭ 12 – ايدىڭ 13 – كۇنى بەيجيڭنەن بەرگەن حابارى. 12 – ايدىڭ 11 – كۇنى ج ك پ ورتالىق كوميتەتى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، بيىلعى ەكونوميكالىق جاعداي جانە كەلەر جىلعى ەكونوميكالىق قىزمەت جونىندە دەموكراتيالىق پارتيا – توپتار ورتالىق كوميتەتتەرىنىڭ، مەملەكەتتىك ساۋدا – ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرى مەن ۇسىنىسىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: دەموكراتيالىق پارتيا – توپتار، ساۋدا – ونەركاسىپشىلەر بىرلەستىگى، پارتيادا، توپتا جوق قايراتكەرلەر يدەيا مەن ارەكەتتى ج ك پ ورتالىق كوميتەتىنىڭ ەكونوميكالىق جاعداي جونىندەگى تالداۋىمەن، تۇجىرىمىمەن جانە ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، ورتاق تانىم ۇيىستىرىپ، جاۋاپكەرشىلىكتى ىرىقتىلىقپەن ارقالاپ، قالىڭ مۇشەلەر مەن وزدەرى بايلانىس ورناتقان بۇقارانى قيىندىقتاردى جەڭۋ، سايىستارعا توتەپ بەرۋ ەركى مەن جىگەرىن بەكەمدەپ، ەلىمىز ەكونوميكاسىنىڭ ءۇرتىس، اقاۋسىز دامۋىن ساقتاۋعا تىڭ دا اناعۇرلىم زور ۇلەس قوسۋعا جەتەكتەۋ كەرەك. ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى. لي كىچياڭ بيىلعى ەكونوميكالىق قىزمەتكە قاتىستى جاعدايدى حابارلاندىرىپ، ج ك پ ورتالىق كوميتەتىنىڭ كەلەر جىلعى ەكونوميكالىق قىزمەتتى جاقسى ىستەۋ جونىندەگى ويلارىن تانىستىردى.

    اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ۇنەمىلىك ىستەرگە جاۋاپتى ورىنباسار ءتوراعاسى گۋ شىڭزۋ، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا – جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، «3 – قىركۇيەك» عىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا – ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى لي داۋكۇي ىلگەرىندى – كەيىندى لەبىز ءبىلدىردى.

جاۋاپتى رەداكتور: گۇلدەن ماقسات قىزى