وبلىستىق ءان – ءبي تەاترحاناسى ماڭدايشالىق اسىپ قۇرىلدى

  • كەلۋ قاينارى: ىلە گازەتى
  • 04:57:11 15/12/2018

    

    ءتىلشىمىز ما چىڭلۋ حابارلايدى. ىلە وبلىستىق مادەنيەت – دەنەتاربيە، راديو – كينو - تەلەۆيزيا مەكەمەسى 12 – ايدىڭ 12 – كۇنى كادرلار ءماجىلىسىن اشىپ، وبلىستىق ءان – ءبي تەاترحاناسى مەن وبلىستىق ءان – ءبي تەاترحاناسى پارتكومىنىڭ رەسمي قۇرىلعاندىعىن جاريالادى. وبلىستىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى گاۋ تيانشان ماجىلىسكە قاتىناستى ءارى ءسوز سويلەدى.

    وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى جۇمان بارشابەك ۇلى، وبلىستىڭ ورىنباسار باستىعى ەلشات تۇرسىنباي ۇلى ماجىلىسكە قاتىناستى.

    ماجىلىستە «ىلە وبلىستىق ءان – ءبي تەاترحاناسىن قۇرۋ جونىندەگى ۇقتىرۋ» وقىلدى؛ «ىلە وبلىستىق ءان – ءبي تەاترحاناسى پارتكومىن قۇرۋ جونىندەگى ۇقتىرۋ» جانە وبلىستىق پارتكوم مەن وبلىستىق حالىق ۇكىمەتىنىڭ كادرلاردى مىندەتكە تاعايىنداۋ، مىندەتىنەن بوساتۋ ۇيعارىمى وقىلدى. وبلىستىق ءان – ءبي تەاترحاناسىنىڭ جاڭادان مىندەتكە تاعايىندالعان پارتكوم شۋجيى لي چيڭمەي جاڭادان قۇرىلعان وبلىستىق ءان – ءبي تەاترحاناسى پارتكومى مەن جاڭا مىندەتكە تاعايىندالعان كادرلار اتىنان پوزيتسيا ءبىلدىرۋ ءسوزىن سويلەدى.

    وبلىستىق ءان – ءبي تەاترحاناسى وبلىستىق ءان – ءبي ۇيىرمەسى، ءان – ءبي دراما ۇيىرمەسى، دراما ۇيىرمەسى سىندى «ءۇش ۇيىرمەنىڭ» بىرىكتىرىلۋىنەن قۇرىلعان. كوپ جىلداردان بەرى «ءۇش ۇيىرمە» تاريحي وزگەرىس بارىسىندا وزىندىك كوركەمونەرلىك ستيل مەن ويىن قويۋ ەرەكشەلىگىن نەگىزىنەن قالىپتاستىردى. «ءۇش ۇيىرمە» كولەمدى قيمىلداردى ۇستىنە الىپ وتكىزۋ نەمەسە ويىن قويۋ، الەۋمەتتىك يگىلىك جاراتۋ، حالىققا تيىمدىلىك جەتكىزۋ قيمىلدارىنان ءار جىلى ورتا ەسەپپەن رەت سانى بويىنشا 290 مايدان وتكىزىپ، تابىستى ناتيجەگە قول جەتكىزىپ، اۆتونوميالى وبلىستىڭ مادەنيەت ىستەرىنىڭ گۇلدەنىپ – كوركەيۋى مەن دامۋىنا بەلسەنە ۇلەس قوستى.

    ماجىلىستە مىناۋ تالاپ ەتىلدى: وبلىستىق ءان – ءبي تەاترحاناسى پارتكومى مەن بارشا كادرلار، جۇمىسشى – قىزمەتشىلەر ساياسي دەڭگەيدى جوعارىلاتىپ، ۇيىمدىق باسشىلىقتى كۇشەيتىپ، وسكەلەڭ ساياسي جاۋاپكەرلىكپەن، كۇشتى تاريحي بورىشتىلىقپەن قىزمەتتەن، تارتىپتەن شاشاۋ شىعارماۋعا، يدەيادا ورنىقتى بولۋعا كەپىلدىك ەتىپ، رەفورمانىڭ ءساتتى، ورنىقتى اتقارىلۋىن جەبەۋدى پارمەندى يدەيالىق نەگىزبەن قامتاماسىزداندىرۋ كەرەك. رەفورمانى بەلسەنە، نىق قاداممەن ىلگەرىلەتىپ، بارشا كادرلار مەن جۇمىسشى – قىزمەتشىلەر ءبىر نيەت، ءبىر تىلەكتە بولا وتىرىپ، ءوز ابزالدىقتارىن بارىنشا ساۋلەلەندىرىپ، پارتكومنىڭ باسشىلىعى مەن ۇيىمنىڭ ورنالاستىرۋىنا بەلسەنە بويسۇنىپ، قىزمەتكە رەتتەۋ جۇرگىزۋگە بويسۇنىپ، ءوزارا ىنتىماقتى بولىپ، اۋىس – كۇيىستى كۇشەيتىپ، تىعىز سايكەسىپ، وبلىستىق ءان – ءبي تەاترحاناسىنىڭ ءتۇرلى قىزمەتىن بىرگە جەبەۋى كەرەك.

جاۋاپتى رەداكتور: گۇلدەن ماقسات قىزى