اۆتونوميالى وبلىسىمزدا مەملەكەتتىڭ 4 – رەتكى ەكونوميكانى جاپپاي تەكسەرۋ ۇگىت ايى قيمىلى باستالدى

  • كەلۋ قاينارى: ىلە گازەتى
  • 08:06:44 15/12/2018

   

    ءتىلشىمىز ليۋ ليجۇن حابارلايدى. اۆتونوميالى وبلىسىمىزدا مەملەكەتتىڭ 4 – رەتكى ەكونوميكانى جاپپاي تەكسەرۋ ۇگىت ايى قيمىلىن باستاۋ سالتى 12 – ايدىڭ 10 – كۇنى وتكىزىلدى، مەملەكەتتىك 4 – رەتكى ەكونوميكانى جاپپاي تەكسەرۋ، ناق مايداندا تىزىمدەۋ قيمىلى 2019 – جىلى 1 – ايدىڭ 1 – كۇنى رەسمي ورىستەتىلمەكشى.

    ەكونوميكانى جاپپاي تەكسەرۋ جونىندەگى ۇگىت قىزمەتىن اناعۇرلىم ويداعىداي ىستەۋ، ۇگىت ورلەۋىن بىرتە – بىرتە قالىپتاستىرۋ ءۇشىن، «مەملەكەتتىڭ 4 – رەتكى ەكونوميكانى جاپپاي تەكسەرۋ جونىندەگى ۇگىت قىزمەتى جوباسىنا» ساي، اۆتونوميالى وبلىس 12 – ايدى ەكونوميكانى جاپپاي تەكسەرۋ جونىندەگى ۇگىت ايى ەتىپ بەلگىلەدى ءارى جەلىلەس قيمىلدار وتكىزىپ، ناق مايداندا تىزىمدەۋ قيمىلى ءۇشىن جاماعات پىكىرىندىك قولداۋمەن قامداماقشى. مۇنداعى ماقسات − ۇگىت قيمىلىن ىشكەرىلەي، جاپپاي ورىستەتۋ، ۇگىت ونىمدىلىگىن بەلسەنە قولعا كەلتىرۋ ارقىلى بارشا جاپپاي تەكسەرۋگە قاتىناسقان قىزمەتكەرلەردىڭ جاۋاپكەرلىك تانىمى مەن بورىشتىلىق تانىمىن اناعۇرلىم جوعارىلاتىپ، بۇكىل قوعامنىڭ، اسىرەسە، جاپپاي تەكسەرىلەتىن وبيەكتىلەردىڭ تانىمىن، قولداۋىن جانە سايكەسۋىن كۇشەيتىپ، جاپپاي تەكسەرۋ بويىنشا رەسمي تىزىمدەۋ قىزمەتىنىڭ ءساتتى اتقارىلۋىنا كەپىلدىك ەتۋ.

    ۇعىسۋىمىزشا، مەملەكەتتىڭ 4 – رەتكى ەكونوميكانى جاپپاي تەكسەرۋ قىزمەتى _ مەملەكەت جاعدايى، مەملەكەت قۋاتى جونىنەن اسا ماڭىزدى تەكسەرۋ ءارى جۇڭگو ەكونوميكاسىنىڭ دامۋ ورەسىن جاپپاي انىقتاۋ بولىپ تابىلادى. ەلىمىز ءار 3 جىلدا جانە 8 جىلدا ءبىر رەت ەكونوميكانى جاپپاي تەكسەرۋ قيمىلىن ورىستەتەدى. ەكونوميكانى جاپپاي تەكسەرۋ قىزمەتىن ويداعىداي ىستەپ، جاڭا داۋىردەگى ەكونوميكالىق، قوعامدىق دامۋ ەرەكشەلىكتەرىن دۇرىس مەڭگەرۋ ماكرولىق ەكونوميكا مەن كاسىپتەردىڭ ينفورماتسياسىن جاپپاي جيناقتاۋ، ءار دارەجەلى پارتكوم، ۇكىمەتتىڭ عىلمي شەشىم جاساۋىنا، كاسىپورىنداردىڭ كاسىپتى دامىتۋ جانە بازار باعىتى جونىندە دۇرىس كەسىم جاساۋىنا ءارى ءاربىر ادامنىڭ كاسىپتەنۋ، تۇتىنۋ، قارجى قوسۋ تالعامىنا ءتيىمدى.

    باستالۋ سالتىندا اۆتونوميالى وبلىستىڭ ەكونوميكانى جاپپاي تەكسەرۋ بويىنشا رەسمي تىزىمدەۋ قىزمەتى جونىندە ناقتى تالاپتار العا قويىلدى. ءارقايسى اۋدان – قالالار، تاراۋلار تەرەڭ، جان – جاقتى، بەلسەندى دە ءونىمدى ۇگىت قيمىلى ارقىلى بارشا جاپپاي تەكسەرۋشى قىزمەتكەرلەردىڭ جاۋاپكەرلىك تانىمى مەن بورىشتىلىق تانىمىن اناعۇرلىم جوعارىلاتىپ، تۇتاس قوعامنىڭ اسىرەسە، بارشا جاپپاي تەكسەرىلۋشى وبيەكتىلەردىڭ تانىمىن، قولداۋىن جانە سايكەسۋىن اناعۇرلىم كۇشەيتۋ كەرەك. ءار دارەجەلى جاپپاي تەكسەرۋ قۇرىلىمدارىنىڭ جاۋاپتىلارى باسشىلىق جاۋاپكەرلىكتى شىنايى ارقالاپ، جاپپاي تەكسەرۋ جونىندەگى ۇگىت قىزمەتىنە باسشىلىقتى جانە باسقارۋدى كۇشەيتۋ كەرەك. جاپپاي تەكسەرىلۋشى وبيەكتىلەردىڭ قىزمەتتى قولداۋى مەن سايكەسۋى _ جاپپاي تەكسەرۋ قىزمەتىنىڭ ءساتتى ورىستەتىلۋىندەگى تەتىك ءارى جاپپاي تەكسەرۋ جونىندەگى ۇگىت قىزمەتىنىڭ كۇش سالۋ ءتۇيىنى، سوندىقتان نازاردى جاپپاي تەكسەرىلۋشى وبيەكتىلەرگە شوعىرلاندىرىپ، دالمە – ءدال ۇگىت جۇرگىزۋ كەرەك.

جاۋاپتى رەداكتور: گۇلدەن ماقسات قىزى