«ۇرىمجىدە ءۇيىمىز بار»

  • كەلۋ قاينارى: شينجياڭ گازەتى تورابى
  • 03:58:29 17/12/2018

    

    ءتىلشىمىز لي چۇنشيا

    

    ليفتپەن كوتەرىلىپ، ءۇيىنىڭ ەسىگىن اشتى... 12 - ايدىڭ 6 - كۇنى شينجياڭ جۇڭتاي حيميا فۋكاڭ ەنەرگيا شەكتى جارنا سەرىكتەستىگىنىڭ قىزمەتكەرى امەتجان مامۇت پەن ايەلى زۇلحۇمار ابدۇۋالي دەمالىسىن الدى، ەرلى - زايىپتى ەكەۋى ءۇرىمجى قالاسى شارباق كوشەسىندەگى جۇڭتاي ياجۇي تۇرعىندار شاعىن اۋماعىنداعى 13 - عيمارات 2 - ەسىك 1903 - ۇيگە قۋانا كىردى، «اكەسى - اۋ! ءبىزدىڭ دە ۇرىمجىدە ءۇيىمىز بار بولدى». زۇلحۇمار تەبىرەنگەنىنەن كوزىنە جاس الدى.

    امەتجاننىڭ ءۇيى قاشقار كونەشار اۋدانى بۇلاقسۋ اۋىلى تۇناباح قىستاعىندا بولاتىن. 2017 - جىلى قاشقار، حوتان ايماعىنىڭ قالا، اۋىلداعى ارتىق ەڭبەككۇشتەردى باسقا كاسىپ سالاسىنا ويىستىرىپ جۇمىسقا ورنالاستىرۋ سىندى ابزال ساياساتىنان يگىلىكتەنگەن 47 مىڭنان ارتىق ەڭبەككۇش سولتۇستىك شينجياڭداعى، شىعىس شينجياڭداعى قالالارعا بارىپ جۇمىسقا ورنالاستى، امەتجان مەن ايەلى دە وسىلاردىڭ قاتارىندا. كوزدى اشىپ - جۇمعانشا 2 جىلعا تاياۋ ۋاقىت وتە شىقتى، ەرلى - زايىپتى ەكەۋى كاسىپورىننىڭ رەسمي قىزمەتشىسىنە اينالدى، ولار جيعان - تەرگەن اقشالارىنا قامتاماسىز ەتۋ سيپاتىنداعى 40 نەشە شارشى مەترلىك تۇرعىن ءۇي ساتىپ الدى. امەتجان كەزىككەندەرگە: ۇرىمجىدەن ءۇي ساتىپ الۋ ءۇش ۇيىقتاسام دا تۇسىمە كىرمەگەن ەدى، - دەدى.

    بىلتىر 4 - ايدا ايەلى ەكەۋى سەرىكتەستىككە العاش كەلگەندە ىشتەي قاتتى الاڭداعانى امەتجاننىڭ ءالى ەسىندە ەدى. ولار سەرىكتەستىكتىڭ وزدەرىنە تەلەۆيزور، كورپە، جۋىنىپ - شايىنۋ بۇيىمدارى تۇگەلدەي تولىق ەرلى - زايىپتىلار ۇيىنە ورنالاستىرۋمەن قاتار، كونە قىزمەتكەرلەردى وزدەرىمەن «جۇپ قۇراۋعا» ورنالاستىرىپ، ەكەۋىنىڭ قىزمەت، تۇرمىس بارىسىنداعى قيىنشىلىقتارىن شەشۋىنە كومەكتەسەتىندىگىن مۇلدە ويلاماعان ەدى.

    ەرلى - زايىپتى ەكەۋى العىس ايتۋ سەزىمىمەن قىزمەتتى ايرىقشا قۇلشىنا ىستەدى. پۋتۇڭحۋانى جاقسى سويلەي الماعاندىقتان، ولار تۇستە دەمالماي، وقىتۋشىنى ىرىقتىلىقپەن ىزدەپ بارىپ ساباق تولىقتادى. سەحقا كىرىپ، ناقتى جاتتىعۋ جاساعاننان باستاپ، ولار تەحنيكانى دەن قويا ۇيرەندى، امەتجان جۇمىستان سىرتقى ۋاقىتىنان پايدالانىپ ەرەكشە كولىك جۇرگىزۋ كۋالىگىن ەمتيحان بەرىپ الدى. «جۇمىستان تۇسكەننەن كەيىن باسقالار دەمالىپ كەتكەندە، زۇلحۇمار جۇمىس ەرەجەسىن جاتتايدى، ونىڭ قۇلشىنعاندىعىنا ءبارىمىز كۋا بولدىق»، - دەدى سەرىكتەستىكتىڭ تاربيەلەۋشى وقىتۋشىسى ءالي رايىم ونى ماقتاپ.

    جاقسى ساياساتقا، قىزمەت ورتاسىنا ءوز قۇلشىنىستارى قوسىلىپ، امەتجان مەن ايەلى ەكەۋى تەز العا باستى. سەرىكتەستىككە كىرىپ جارىم جىلدان كەيىن، ەكەۋى ءساتتى تۇردە رەسمي قىزمەتكەر بولدى. زۇلحۇمار تىلشىگە قۋانا بىلاي دەدى: سەرىكتەستىككە العاش كىرگەندە ايلىق ەڭبەكاقىمىز 2000 يۋان مولشەرىندە ەدى، وتكەن ايدىڭ سوڭىندا ەڭبەكاقى تاراتقاندا، مەن 4200 يۋان، كۇيەۋىم 5700 يۋان الدى، ەكەۋىمىزدىكىن قوسساق 10 مىڭ يۋانعا جۋىق. قازىر ەرلى - زايىپتى ەكەۋىمىزدىڭ ايلىق كىرىسىمىز اۋىلىمىزداعى بۇرىنعى ءبىر جىلدىق كىرىسىمىزدەن دە كوپ.

جاۋاپتى رەداكتور: گۇلدەن ماقسات قىزى