تۇڭعىش كەزەكتى شينجياڭ نان شارۋاشىلىعىن تانىستىرۋ ءماجىلىسى كۇشاردا وتكىزىلدى

  • كەلۋ قاينارى: شينجياڭ گازەتى تورابى
  • 04:12:06 17/12/2018

 

 نان شارۋاشىلىعىنىڭ ولشەمدەنە، كولەمدەنە دامۋىن جەبەيىك

 

    ءتىلشىمىز ليۋ - ي 12 - ايدىڭ 13 - كۇنى كۇشاردان حابارلايدى. تۇڭعىش كەزەكتى شينجياڭ نان شارۋاشىلىعىن تانىستىرۋ ءماجىلىسى 12 - ايدىڭ 13 - كۇنى كۇشاردا وتكىزىلدى، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز تانىستىرۋ ماجىلىسىنە قاتىناستى.

    «ءداستۇردى ساۋلەلەندىرۋدى، مادەنيەتتى جەتەكشى ەتۋدى، جاڭالىق اشا دامۋدى، شارۋاشىلىقتى گۇلدەندىرۋدى» ماقسات ەتكەن وسى كەزەكتى شينجياڭ نان شارۋاشىلىعىن تانىستىرۋ ءماجىلىسى اۆتونوميالى رايوننىڭ اۋىل - قىستاقتاردى گۇلدەندىرۋ ستراتەگياسىن ىلگەرىلەتۋ قىزمەت ورنالاستىرۋلارىن دايەكتىلەندىرىپ، تياناقتاندىرىپ، كورمە ارقىلى تانىستىرۋ، زەرتتەۋ - تالقىلاۋ، اۋىس - ءتۇيىس جاساۋ سياقتى تاسىلدەر ارقىلى بۇكىل رايوننىڭ نان شارۋاشىلىعىنىڭ دامۋى ءۇشىن سەلبەسىپ اۋىس - ءتۇيىس جاساۋ تۇعىرىن ورناتىپ، بۇكىل رايوننىڭ نان شارۋاشىلىعىنىڭ دامۋ ورەسىن ۇزدىكسىز جوعارىلاتتى.

    ءماجىلىس مىنانى اتاپ كورسەتتى: شينجياڭدا نان شارۋاشىلىعىن دامىتۋدىڭ تاماشا نەگىزى بار. كەزەكتە، بۇكىل رايون بويىنشا كۇنىنە كۇنجۇت نانى، روزاگۇلى نانى سياقتى كوپ ءتۇرلى ناندى نەگىز ەتكەن 550 توننا (مولشەرمەن 2 ميلليون 750 مىڭ) نان جابىلادى. جاقىنعى جىلداردان بەرى، رايونىمىزدىڭ نان شارۋاشىلىعىنىڭ دامۋى شيكىزات ءوندىرۋ، ءوندىرىس تەحنولوگياسى، ماركا، قوراپتاۋ سياقتى جاقتاردا ۇزدىكسىز جاقساردى، ءداستۇرلى كومىر جاعىپ نان پىسىرۋ ورتانى قورعايتىن، ەنەرگيا ۇنەمدەيتىن تابيعي گازبەن نەمەسە ەلەكترمەن نان پىسىرۋعا قاراي بىرتىندەپ وزگەرىپ، نان شارۋاشىلىعىنىڭ دامۋ ومىرشەڭدىك كۇشى تاسقىنداي ءتۇستى.

    ءماجىلىس مىنالاردى تالاپ ەتتى: تۇتاس رايوننىڭ نان شارۋاشىلىعىنىڭ دامۋى قوعامنىڭ ءار سالاسىنداعىلاردىڭ بار كۇشپەن قولداۋىنان ايرىلا المايدى، قاتىستى كاسىپورىنداردىڭ، عىلمي زەرتتەۋ ورىندارىنىڭ كۇش بىرىكتىرە سەلبەسۋىنەن ايرىلا المايدى. تۇتاس قوعامدى نان شارۋاشىلىعىنا ءمان بەرۋگە باستاپ، نان شارۋاشىلىعىنىڭ اقاۋسىز دامۋىن ىلگەرىلەتۋدىڭ بىرىككەن كۇشىن قالىپتاستىرۋ كەرەك. سونىمەن بىرگە، نان شارۋاشىلىعىنىڭ دامۋىنا ۇيلەسەتىن ءبيداي سورتىن جەتىلدىرىپ، ەگۋ، وڭدەۋ، ونىمدەردى زەرتتەۋ، قوراپتاۋ، ماركا الۋ، تاسىمالداۋ، ساقتاۋ سياقتى جاقتاردا نان شارۋاشىلىعىنىڭ ولشەمدەنە، كولەمدەنە دامۋىن جەبەپ، ناننىڭ اتاعىن اسپانداتىپ، ىقپال كۇشىن ۇزدىكسىز جوعارىلاتىپ، اۋىل شارۋاشىلىعىنىڭ ساپاسىن كوتەرىپ، ونىمدىلىگىن ارتتىرۋعا، كەدەيلىكتەن ارىلتۋدان قامال الۋعا جانە شارۋالاردىڭ جۇمىسقا ورنالاسىپ، كىرىسىن ارتتىرۋىنا اناعۇرلىم زور ۇلەس قوسۋ كەرەك.

جاۋاپتى رەداكتور: گۇلدەن ماقسات قىزى