دۇنيە جۇزىندەگى كەرنەۋ دارەجەسى ەڭ جوعارى ەلەكتر جەتكىزۋ ينجەنەرياسى ۇمتىلىس كەزەڭىنە ءوتتى

  • كەلۋ قاينارى: شينجياڭ گازەتى تورابى
  • 04:27:29 17/12/2018

  

 وزەكتى جابدىقتار تۇگەلدەي جۇڭگودا جاسالعان

 

    ءتىلشىمىز چىن چياڭۋي 12 - ايدىڭ 13 - كۇنى سانجىدان حابارلايدى. 12 - ايدىڭ 13 - كۇنى نولدەن تومەن 20 سەلتسي گرادۋسقا جۋىق تەمپەراتۋرادا جۇندۇڭ ەكونوميكالىق - تەحنيكالىق اشۋ رايونى 1100± كيلوۆولتتىق سانجى تۇرلەندىرگىش ستانسياسىنداعى جۇمىسشىلار ستانسياداعى ەڭ وزەكتى 1100± كيلوۆولتتىق تۇرلەندىرگىش ترانسفورماتوردى ورناتۋمەن ابىگەر بولىپ جاتىر، بۇل وسى ينجەنەرياداعى قۇراستىرىلاتىن ەڭ سوڭعى شەشۋشى جابدىق. بۇل سانجى - گۋچۋان 1100± كيلوۆولتتىق اسقىن كەرنەۋلى تۇراقتى توك ينجەنەرياسى قۇرىلىسىنىڭ ۇمتىلىس كەزەڭىنە وتكەندىگىن بىلدىرەدى.

    سانجى - گۋچۋان 1100± كيلوۆولتتىق اسقىن كەرنەۋلى تۇراقتى توك جەتكىزۋ ينجەنەرياسى − مەملەكەتتىڭ «شينجياڭ ەلەكترىن سىرتقا شىعارۋدى» اتقارۋداعى ەكىنشى اسقىن كەرنەۋلى ەلەكتر جەتكىزۋ ينجەنەرياسى، سونداي - اق قازىر دۇنيە جۇزىندەگى كەرنەۋ دارەجەسى ەڭ جوعارى، جەتكىزۋ سيىمدىلىعى ەڭ ۇلكەن، جەتكىزۋ ارالىعى ەڭ الىس، تەحنيكالىق دەڭگەيى ەڭ وزىق اسقىن كەرنەۋلى ەلەكتر جەتكىزۋ ينجەنەرياسى. ينجەنەرياعا جالپى 40 ميلليارد 700 ميلليون يۋان قارجى سالىنعان، ول سانجى تۇرلەندىرگىش ستانسياسىنان باستالىپ، انحۇيداعى گۋچۋان تۇرلەندىرگىش ستانسياسىنان اياقتايدى، شينجياڭ، گانسۋ، نيڭشيا، شانشي، حىنان، انحۇي 6 ولكە، اۆتونوميالى رايوندى باسىپ وتەدى، جەلىنىڭ جالپى ۇزىندىعى 3293 كيلومەتر. بۇندا شينجياڭ بولىگىندەگى جەلىنىڭ جالپى ۇزىندىعى 599 كيلومەتر، بيىل 3 - ايدىڭ 29 - كۇنى بۇكىل جەلى تۇتاستىرىلدى.

    12 - ايدىڭ 13 - كۇنى 1100± كيلوۆولتتىق سانجى اعىن تۇرلەندىرۋ ستانسياسى ەلەكتر c پاكەتى ينجەنەريالىق نىسان ءبولىمىنىڭ ارناۋلى نىسان جاۋاپتىسى ۋاڭ چاۋدى 1100± كيلوۆولتتىق تۇرلەندىرگىش ترانسفورماتورىن قۇراستىرۋ ورنىندا جۇمىستىڭ اياق الىسىمەن تانىستى. 10 - ايدا جوعارى دەڭگەيلى تۇرلەندىرگىش ترانسفورماتوردى قۇراستىرۋ كەزەڭىنە وتكەننەن بەرى، قۇرىلىس اترەتى ءبىر ساتكە دەمالعان ەمەس، ۇنەمى دەرلىك تاڭ الدىنا دەيىن ۇستەمەلەپ جۇمىس ىستەپ كەلەدى.

    «ءبىر دانا جوعارى دەڭگەيلى اعىن تۇرلەندىرگىش ترانسفورماتوردى قۇراستىرۋ 10 ءىرى تەحنولوگيالىق ءتارتىپ پەن بۋىننان وتەدى، وعان شامامەن 28 كۇن كەتەدى، - دەدى ۋاڭ چاۋدى، − بىزدە جوعارى دەڭگەيلى تۇرلەندىرگىش ترانسفورماتور قۇراستىرۋ تاجىريبەسى جوق، تەك ىزدەنە ءجۇرىپ قۇراستىرۋعا تۋرا كەلدى، قۇراستىرۋ بارىسىندا جولىققان قيىنشىلىقتاردى دەرەۋ ءاربىر ورىنداعى مامانداردىڭ باسىن قوسىپ ۇستىندە شەشىپ وتىردىق». قازىر دۇنيە جۇزىندەگى كەرنەۋ دارەجەسى ەڭ جوعارى، سيىمدىلىعى ەڭ ۇلكەن 12 دانا جوعارى دەڭگەيلى تۇرلەندىرگىش ترانسفورماتوردىڭ 10 داناسى سايما - ساي قۇراستىرىلدى.

جاۋاپتى رەداكتور: گۇلدەن ماقسات قىزى