اۆتونوميالى رايون ەرەكشە جەمىس ورمانى شارۋاشىلىعىن قىس، كوكتەم ماۋسىمىندا باسقارۋ بويىنشا جۇمىس باسىندا ىلگەرىلەتۋ ءماجىلىسىن اشتى

  • كەلۋ قاينارى: شينجياڭ گازەتى تورابى
  • 04:28:54 17/12/2018

    ەرەكشە جەمىس ورمانى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرايىق

 

    ءتىلشىمىز ليۋ دۇڭلاي 12 - ايدىڭ 14 - كۇنى قاراقاشتان حابارلايدى. 12 - ايدىڭ 14 - كۇنى تۇستەن كەيىن اۆتونوميالى رايوننىڭ ەرەكشە جەمىس ورمانى شارۋاشىلىعىن قىس، كوكتەم ماۋسىمىندا باسقارۋ بويىنشا جۇمىس باسىندا ىلگەرىلەتۋ ءماجىلىسى قاراقاشتا اشىلدى. ءماجىلىس بيىلعى جەمىس ورمانى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ قيمىلىنىڭ جەتىستىكتەرىن جان - جاقتىلى قورىتىندىلاپ، بيىلعى قىس پەن كەلەر جىلعى كوكتەم ماۋسىمىنداعى جەمىس ورمانى شارۋاشىلىعىن باسقارۋ قىزمەتىن ورنالاستىردى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

    ءماجىلىس مىنانى اتاپ كورسەتتى: ءبىر جىلدان بەرى، تۇتاس رايونداعى جەر - جەر، قاتىستى تاراۋلار «1 - كاسىپتىڭ ورەسىن كوتەرۋ» سىندى اۋىل شارۋاشىلىعىنىڭ قىزمەت وي جەلىسىن ىشكەرىلەي دايەكتىلەندىرىپ، ەرەكشە جەمىس ورمانى شارۋاشىلىعىنىڭ قامداۋ جاعىنداعى قۇرىلىمدىق رەفورماسىن كۇش سالا تەرەڭدەتىپ، بازامەن قامداۋ، عىلىم - تەحنيكانى تىرەك ەتۋ، وڭدەۋگە بۇرىلىس جاساۋ، بازاردى كەڭەيتۋ سىندى ءتورت ۇلكەن قۋات قۇرىلىسىن وزەك ەتىپ، ەرەكشە ورمان شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋدىڭ ءبىرسىپىرا شارالارىن شىعاردى، جەمىس ورمانىنىڭ ساپاسى كورنەكتى جوعارىلاپ، ساتىلىم باعاسى جۋىق جىلداردان بەرگى ەڭ جوعارى ورەگە جەتىپ، جان - جاقتىلى ونىمدىلىگى ورنىقتى جوعارىلاپ، كەزەڭدىك كورنەكتى ناتيجەلەرگە قول جەتكىزدى.

    ءماجىلىس مىنالاردى تالاپ ەتتى: بيىل قىس پەن كەلەر جىلعى كوكتەمدە جەر - جەر اۆتونوميالى رايوننىڭ اۋىل - قىستاقتاردى گۇلدەندىرۋ ستراتەگياسىن ىلگەرىلەتۋ قىزمەت ورنالاستىرۋلارىن باتىل دايەكتىلەندىرىپ، تياناقتاندىرىپ، ساياسي دەڭگەيدى جوعارىلاتىپ، دامۋ بەتالىسىن ايقىنداپ، عىلىم - تەحنيكانى تىرەك ەتۋدى كۇشەيتىپ، جەمىستىڭ ساپاسىن جاقسارتۋ جولىمەن باتىل ءجۇرىپ، ىشكەرىلەي، جىنتىكتەي مانەرلەۋدى ىلگەرىلەتىپ، ۇگىتتى، ساتىلىمدى ارتتىرىپ، ەرەكشە جەمىس ورمانى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى جانە بۇرىلىس جاساپ، ورەسىن ءوسىرۋدى كۇش سالا ىلگەرىلەتۋ كەرەك.

    ۇعىسۋعا قاراعاندا، بيىل جىل باسىنان قازىرگە دەيىن رايونىمىز جەمىس ورمانى تەحنيكاسى بويىنشا 14 مىڭ 365 مايدان ناقتىلى پراكتيكا وتكىزىپ، ءبىر ميلليون 301 مىڭ 500 ادام تاربيەلەگەن؛ شىلان جانە جاڭعاق ءجيى ەگىلگەن باقشادا سيرەتىلگەن جانە جاڭالاعان اۋماق ءبىر ميلليون 180 مىڭ مۋعا، تۇزەلگەن، بۇتالعان اۋماق 6 ميلليون 248 مىڭ 700 مۋعا جەتكەن. تۇتاس رايوندا جەمىس تۇرلەرىنىڭ باعاسى بىلتىرعىداي دەرلىكتەي جوعارى بولعان، اسىرەسە، الما، المۇرت، ورىك باعاسىنىڭ ارتۋ مولشەرى ەڭ كورنەكتى بولىپ، شينجياڭنىڭ جەمىس ورمانى شارۋاشىلىعىنىڭ ساپاسى مەن باسقارۋ ورەسى ۇزدىكسىز جوعارىلاعان.

جاۋاپتى رەداكتور: جازيرا بولاتباي قىزى