بۇكىل شينجياڭدا مەملەكەتتىك اۋىل شارۋاشىلىق عىلىم - تەحنيكا باقشا رايونى 10عا جەتتى

  • كەلۋ قاينارى: شينجياڭ گازەتى تورابى
  • 04:41:27 17/12/2018

    وسى زامانعى اۋىل شارۋاشىلىعىندا جاڭالىق اشۋدى بيىك دەڭگەيگە كوتەردى

 

    ءتىلشىمىز شيە حۇيبيان 12 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق عىلىم - تەحنيكا مەڭگەرمەسىنەن ۇعىسۋىمىزشا، تاياۋدا عىلىم - تەحنيكا مينيسترلىگى 2018 - جىلعى مەملەكەتتىك اۋىل شارۋاشىلىق عىلىم - تەحنيكا باقشا رايوندارىن تەكسەرىپ وتكىزىپ الۋ ناتيجەسىن جانە 8 - توپتاعى مەملەكەتتىك اۋىل شارۋاشىلىق عىلىم - تەحنيكا باقشا رايوندارى قۇرىلىسىنىڭ تىزىمدىگىن جاريالاعان، شينجياڭ تارباعاتاي مەملەكەتتىك اۋىل شارۋاشىلىق عىلىم - تەحنيكا باقشا رايونى مەن شينجياڭ قارامايلى مەملەكەتتىك اۋىل شارۋاشىلىق عىلىم - تەحنيكا باقشا رايونى تەكسەرۋدەن وتكەن، شينجياڭ بۇراتالا مەملەكەتتىك اۋىل شارۋاشىلىق عىلىم - تەحنيكا باقشا رايونىن قۇرۋدى عىلىم - تەحنيكا مينيسترلىگى رەسمي بەكىتكەن. قازىرگە دەيىن بۇكىل رايونىمىزدا مەملەكەتتىك اۋىل شارۋاشىلىق عىلىم - تەحنيكا باقشا رايونى 10عا جەتكەن.

    شينجياڭ بۇراتالا مەملەكەتتىك اۋىل شارۋاشىلىق عىلىم - تەحنيكا باقشا رايونىن 3 جىلدا قۇرىپ شىعۋ ارقىلى الاقاتتى جەتەكشى كاسىپ ەتىپ، الاقات ەرەكشە شاعىن قالاشىعى قۇرىلىسىمەن ۇشتاستىرىپ، الاقاتتى ولشەمدەستىرىپ ەگۋ، جاسىل ازىقتىق ءوندىرۋ جانە وسىزاماندانعان ساۋدا - زات اينالىمى ءبىر تۇلعالانعان الاقات كاسىپ تىزبەگىن قۇرۋ جوسپارعا الىندى. بۇل «ساياحات +»، «سالاماتتىق +» سياقتى ۇلگىلەردەن پايدالانىپ، الاقات ەرەكشە كاسىبىنىڭ جوعارى مەن تومەنگە بىردەي كەڭەيە دامۋىن ىلگەرىلەتىپ، جاڭا كاسىپ جاعدايىن، جاڭا ۇلگىنى جەدەل جەتىلدىرىپ، اۋىل - قىستاقتى كوركەيتۋدى دەمەيدى.

    ۇعىسۋعا قاراعاندا، تەكسەرۋدەن وتكەن شينجياڭ قارامايلى اۋىل شارۋاشىلىق عىلىم - تەحنيكا باقشا رايونى 2015 - جىلى مەملەكەتتىك اۋىل شارۋاشىلىق عىلىم - تەحنيكا باقشا رايونى ەتىپ قۇرۋعا تاڭدالىپ، جيىنى 2 ميلليارد يۋاننان ارتىق قارجى قوسىلعان. قازىر باقشا رايونىنا 50 كاسىپورىن ىرگە تەپكەن، بۇلاردىڭ ىشىندە اۋىل شارۋاشىلىق جوعارى، جاڭا تەحنيكاسىنا قاتىستى 5 كاسىپورىن بار، قارامايلى لۇيچىڭ اۋىل شارۋاشىلىق اشۋ شەكتى جاۋاپكەرشىلىك سەرىكتەستىگى، شينجياڭ جياشۋان شاراپ شەكتى سەرىكتەستىگى، شينجياڭ جۇڭتاي ەت شارۋاشىلىعى شەكتى جاۋاپكەرشىلىك سەرىكتەستىگى سياقتى اۆتونوميالى رايون دارەجەلى اۋىل شارۋاشىلىعىن كاسىپ سالالاندىرۋداعى ءتۇيىندى جەتەكشى كاسىپورىننان ۇشەۋىن، اۆتونوميالى رايوننىڭ اۋىل شارۋاشىلىعىنا، اۋىل - قىستاققا، شارۋالارعا قىزمەت وتەۋىندەگى ەڭ تاڭداۋلى اۋىل - قالاشىق كاسىپورنىنان بىرەۋىن، قارامايلى قالاسىنداعى ءتۇيىندى كاسىپورىننان ەكەۋىن سۇيەمەلدەپ جەتىلدىردى. بۇدان سىرت، عىلىم - تەحنيكا ارناۋلى ۋاكىلىنىڭ شارۋاشىلىق قۇرۋ بازاسىن قۇرىپ، اۋىل شارۋاشىلىق تەحنيكتەرىن باۋلۋ سەرپىنىن كۇشەيتىپ، نەگىزگى ساتى اۋىل شارۋاشىلىق عىلىم - تەحنيكا قىزمەتكەرلەرىنىڭ جەتىسپەۋ كەمىستىگىن تولىقتادى. 2015 - جىلى مەملەكەتتىك اۋىل شارۋاشىلىق عىلىم - تەحنيكا باقشا رايونى ەتىپ قۇرۋعا تاڭدالعان شينجياڭ تارباعاتاي اۋىل شارۋاشىلىق عىلىم - تەحنيكا باقشا رايونىندا عىلىم - تەحنيكا زەرتتەۋ - اشۋ، جەتىلدىرۋ - تۇرلەندىرۋ، تەحنيكا ساۋداسى سياقتى يقۋاتتار مەن اۋىل شارۋاشىلىق ونىمدەرىن مانەرلەۋ، زەردەلى ساۋدا - زات اينالىمى سياقتىلار ءبىر تۇلعالانعان، قازىر وسى زامانعى جوعارى ءونىمدى قۇرىلعىلى اۋىل شارۋاشىلىعى، ساپالى جوعارى ءتۇسىمدى استىق ەگىمشىلىگى، ولشەمدەندىرىلگەن جاسىل مال شارۋاشىلىعى، ەرەكشە جەمىس ورمان شارۋاشىلىعى، قالا مەن اۋىلدى ءبىر تۇلعالاندىرۋ سياقتى 5 ۇلكەن ۇلگى رايونى قۇرىلدى.

جاۋاپتى رەداكتور: جازيرا بولاتباي قىزى