شي جينپيڭ ج ك پ ورتالىق كوميتەتى ساياسي بيۋروسىنىڭ 11 - رەتكى توپتىق ۇيرەنۋىندە مىنانى باسا دارىپتەدى:مەملەكەتتىڭ باقىلاۋ - تەكسەرۋ ءتۇزىلىسى رەفورماسىن ۇزدىكسىز تەرەڭدەتىپ، شىرىكتەسۋگە قارسى تۇرۋ قىزمەتىنىڭ زاڭمەن جونگە سالىنۋى مەن ارناعا ءتۇسۋىن ىلگەرىلەتۋ كەرەك

  • كەلۋ قاينارى: شينجياڭ گازەتى تورابى
  • 04:43:49 17/12/2018

    شينحۋا اگەنتتىگىنىڭ 12 - ايدىڭ 14 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 12 - ايدىڭ 13 - كۇنى تۇستەن كەيىن مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ جونىندە 11 - رەتكى توپتىق ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا مىنالاردى باسا دارىپتەدى: جاڭا باستامادا پارتيانىڭ ءتارتىپ تەكسەرۋ ءتۇزىلىسى مەن مەملەكەتتىڭ باقىلاۋ - تەكسەرۋ ءتۇزىلىسى رەفورماسىن ۇزدىكسىز تەرەڭدەتىپ، ءتارتىپ اتقارۋ مەن زاڭ اتقارۋدىڭ تۇتاسۋىن جەبەپ، ادىليامەن ءونىمدى تۇردە ۇشتاستىرىپ، شىرىكتەسۋگە قارسى تۇرۋ قىزمەتىنىڭ زاڭمەن جونگە سالىنۋىن جانە ارناعا ءتۇسۋىن العا ىلگەرىلەتىپ، جاڭا داۋىردە جۇڭگوشا سوتسياليزم ءتۇزىمىن كەمەلدەندىرۋگە جانە دامىتۋعا، پارتيانى جاپپاي قاتاڭ جونگە سالۋدى ىلگەرىلەتۋگە ماڭىزدى تۇزىمدىك كەپىلدىك ازىرلەۋ كەرەك.

    ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى زاڭدىق ەرەجەلەر كەڭسەسىنىڭ مەڭگەرۋشىسى ما سىنشۋ وسى ماسەلە جونىندە تۇسىندىرمە جاسادى جانە ۇسىنىس - پىكىرلەرىن ورتاعا قويدى.

    ج ك پ ورتالىق كوميتەتى ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى قاتىستى ماسەلەلەر جونىندە تالقى جۇرگىزدى.

    شي جينپيڭ ۇيرەنۋدى باسقارعاندا ءسوز سويلەدى. ول مىنالاردى باسا دارىپتەدى: پارتيا 18 - قۇرىلتايىنان بەرى، پارتيا ورتالىق كوميتەتى قايتكەندە پارتيانى جاپپاي قاتاڭ جونگە سالۋدىڭ جاڭا جاعدايىنا ۇيلەسىپ، پارتيا ىشىندەگى جان - جاقتىلى باقىلاۋدى كۇشەيتۋمەن بىرگە، باقىلاۋ - تەكسەرۋ ورگاندارىنىڭ فۋنكتسيالىق رولىن اناعۇرلىم ويداعىداي ساۋلەلەندىرىپ، مەملەكەتتىك باقىلاۋ - تەكسەرۋدى كۇشەيتىپ، الەۋمەتتىك بيلىكتى ءتۇزىمنىڭ قاپاسىنا سالۋعا بولاتىندىعى جونىندە ۇنەمى وي جۇگىرتىپ، جوبا جاساپ كەلەدى. پارتيا 19 - قۇرىلتايىندا شوعىرلى بىرلىككە كەلگەن، بەدەلدى دە جوعارى ءونىمدى مەملەكەتتىك باقىلاۋ - تەكسەرۋ ءتۇزىلىسىن ورناتۋ العا قويىلىپ، مەملەكەتتىك باقىلاۋ - تەكسەرۋ كوميتەتىن قۇرۋ پارتيا ورتالىق كوميتەتىنىڭ قۇرىلىم رەفورماسى جوباسىندا 1 - تارماققا ەنگىزىلدى، مۇندا پارتيا ءبىر تۇتاس باسشىلىق ەتەتىن، جاپپاي قامتىعان، بەدەلدى دە جوعارى ءونىمدى باقىلاۋ - تەكسەرۋ جۇيەسىن ورناتىپ، پارتيا ىشىندەگى باقىلاۋ نەگىز، باسقا باقىلاۋلار ءوزارا تۇتاستىرىلعان باقىلاۋ - تەكسەرۋ بىرىككەن كۇشىن قالىپتاستىرۋ كوزدەۋ ءتۇيىنى ەتىلگەن. مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ − پارتيا 19 - قۇرىلتايىنىڭ رۋحىن دايەكتىلەندىرىپ، پارتيا مەن مەملەكەتتىڭ باقىلاۋ - تەكسەرۋ جۇيەسىن اقاۋسىزداندىرۋداعى كەلەلى ورنالاستىرۋ، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدەگى كەلەلى رەفورمالاردىڭ ءبىرى، رەفورمادا ماڭىزدى كەزەڭدىك جەتىستىكتەرگە قول جەتتى.

جاۋاپتى رەداكتور: جازيرا بولاتباي قىزى