شي جينپيڭ ج ك پ ورتالىق كوميتەتى ساياسي بيۋروسىنىڭ 11 - رەتكى توپتىق ۇيرەنۋىندە مىنانى باسا دارىپتەدى:مەملەكەتتىڭ باقىلاۋ - تەكسەرۋ ءتۇزىلىسى رەفورماسىن ۇزدىكسىز تەرەڭدەتىپ، شىرىكتەسۋگە قارسى تۇرۋ قىزمەتىنىڭ زاڭمەن جونگە سالىنۋى مەن ارناعا ءتۇسۋىن ىلگەرىلەتۋ كەرەك

  • كەلۋ قاينارى: شينجياڭ گازەتى تورابى
  • 04:43:49 17/12/2018

    شي جينپيڭ مىنالاردى اتاپ كورسەتتى: بيلىكتى باقىلاۋدىڭ ماقساتى الەۋمەتتىك بيلىكتىڭ دۇرىس جۇرگىزىلۋىنە كەپىلدىك ەتىپ، كادرلاردىڭ قىزمەت جاۋاپكەرشىلىگىن تولىق وتەپ، ءىس تىندىرىپ، ناتيجە شىعارۋىن اناعۇرلىم ويداعىداي جەبەۋ بولىپ تابىلادى. بيلىكتى بەتالدى پايدالاناتىن، اسىرا پايدالاناتىن جاۋاپكەرسىزدىك ىستەۋ ارەكەتتەرىن شاۋجايلاۋمەن بىرگە، بيلىكتى پايدالانبايتىن، پايدالانۋدان باس تارتاتىن قىزمەت اتقارماۋ ارەكەتتەرىن دە اۋىزدىقتاۋ، جاۋاپكەرشىلىك ارقالاماۋدى، ءىس تىندىرماۋدى، سوزبۇيدالىققا سالىنۋدى، كوز بوياۋشىلىقتى جونگە سالۋ، باتىلدىقپەن جاۋاپتى بولىپ، جۇرەكتىلىكپەن جاۋاپكەرلىك ارقالاعان كادرلاردى قورعاۋعا ءمان بەرۋ، جالا جابىلعان، قاستىق سايلانعان كادرلاردى دەر كەزىندە اقتاپ، لاستىقتى سىرىپ تاستاپ، پاكتىكتى دارىپتەيتىن، ءىس تىندىرىپ، ناتيجە شىعاراتىن تاماشا ساياسي ەكولوگيا قالىپتاستىرۋ كەرەك.

    شي جينپيڭ مىنالاردى باسا دارىپتەدى: نىسانانى باعدار ەتۋگە، ماسەلەنى باعدار ەتۋگە تاباندى بولىپ، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن ۇزدىكسىز العا ىلگەرىلەتىپ، ۇستىنەن وڭاۋ مەن تۇبىرىنەن وڭاۋدى ۇشتاستىرۋ سىندى رەفورما نىساناسىن بۇلجىتپاي يگەرۋ كەرەك. شىرىكتەسۋگە باتىلدىق ەتە المايتىن ايباردى ۇزدىكسىز كۇشەيتىپ، شىرىكتەسۋدى جازالاۋدىڭ، جونگە سالۋدىڭ تەگەۋرىندى كۇيىن ساقتاپ، جاپپاي قاتاڭ جونگە سالۋدىڭ كۇشتى سيگنالىن ۇزدىكسىز تاراتۋ كەرەك. شىرىكتەسۋگە مۇمكىندىك بولماۋ تورىن تىعىزداپ، بيلىكتى، ءىستى، ادامدى تۇزىمگە سۇيەنىپ باسقارۋدىڭ باياندى مەحانيزمىن قالىپتاستىرۋ كەرەك. شىرىكتەسۋدى ويىنا الماۋ سانالىلىعىن كۇشەيتىپ، پارتيالى كادرلاردى مۇرات - سەنىمدى بەكەمدەپ، باستى ماقسات تانىمىن كۇشەيتىپ، دۇرىس دۇنيەگە كوزقاراس، ومىرگە كوزقاراس، قۇنعا كوزقاراس ورناتۋعا جەتەكتەپ، ستيلى پاك، سالتى دۇرىس اكىمشىلىك جۇرگىزۋ ورتاسى مەن قوعامدىق راي قالىپتاستىرۋ كەرەك. قىزمەت فۋنكتسياسىن مىقتاپ يگەرىپ، ساياسي باقىلاۋدى كۇشەيتۋ؛ ءتۇرلى قىزمەت قاعيدالارىن كەمەلدەندىرىپ، ءتارتىپ تەكسەرۋ، باقىلاۋ - تەكسەرۋ قىزمەت بارىستارىن بىرىكتىرىپ جانە ارناعا ءتۇسىرىپ، ىشكى بيلىك اينالىمىنا باقىلاۋ - تەجەۋدى كۇشەيتىپ، ءبىر تۇتاس شەشىم قابىلداپ، ءبىر تۇلعالى اينالىم جاسايتىن ءتارتىپ اتقارۋ، زاڭ اتقارۋ قىزمەت مەحانيزمىن اقاۋسىزداندىرۋ كەرەك. سايكەستى زاڭدىق ەرەجەلەردى اقاۋسىزداندىرىپ جانە كەمەلدەندىرىپ، باقىلاۋ - تەكسەرۋ زاڭىمەن سايكەسەتىن زاڭدار، زاڭدىق ەرەجەلەر بەلگىلەپ، جۇيەسى كەمەلدى، عىلمي ارناعا تۇسكەن، ءونىمدى اينالىم جاسايتىن زاڭدىق ەرەجەلەر جۇيەسىن قالىپتاستىرۋ كەرەك. سايكەستىرۋ مەحانيزمىن كەمەلدەندىرىپ، ءار دارەجەلى پارتكومداردىڭ ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىنا باسشىلىعىن كۇشەيتىپ، ءتارتىپ تەكسەرۋ كوميتەتتەرىنىڭ، باقىلاۋ - تەكسەرۋ كوميتەتتەرىنىڭ قىزمەت بيلىگىن جۇرگىزۋىنە تۋ ايقىن تۇردە قولداۋ كورسەتۋ كەرەك، پارتكوم شۋجيلەرى ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىندا جولىققان ماسەلەلەردى دەر كەزىندە اقىلداسىپ شەشىپ، شىرىكتەسۋگە قارسى تۇرۋ قىزمەتىنىڭ شەشىم قابىلداۋ، ورنالاستىرۋ جاساۋ، جەتەكشىلىك ەتۋ، بايلىق پەن كۇشتى بىرىكتىرۋ، ءادىس - شارالار قولدانۋ جاعىندا اناعۇرلىم سايكەستى، جوعارى ءونىمدى بولۋىنا مۇمكىندىك جاساۋ كەرەك.

جاۋاپتى رەداكتور: جازيرا بولاتباي قىزى