شي جينپيڭ ج ك پ ورتالىق كوميتەتى ساياسي بيۋروسىنىڭ 11 - رەتكى توپتىق ۇيرەنۋىندە مىنانى باسا دارىپتەدى:مەملەكەتتىڭ باقىلاۋ - تەكسەرۋ ءتۇزىلىسى رەفورماسىن ۇزدىكسىز تەرەڭدەتىپ، شىرىكتەسۋگە قارسى تۇرۋ قىزمەتىنىڭ زاڭمەن جونگە سالىنۋى مەن ارناعا ءتۇسۋىن ىلگەرىلەتۋ كەرەك

  • كەلۋ قاينارى: شينجياڭ گازەتى تورابى
  • 04:43:49 17/12/2018

ءتارتىپ تەكسەرۋ، باقىلاۋ - تەكسەرۋ قۇرىلىمدارى بىرگە جۇمىس جۇرگىزۋ ارتىقشىلىعىن ساۋلەلەندىرىپ، ءتارتىپ باقىلاۋىنىڭ، باقىلاۋ - تەكسەرۋ باقىلاۋىنىڭ، وكىلەتتىك باقىلاۋدىڭ، شارلاۋ باقىلاۋىنىڭ سايكەسۋى مەن ۇشتاسۋىن ىلگەرىلەتىپ، پارتيا ىشىندەگى باقىلاۋدىڭ مەملەكەتتىك ورگانداردىڭ باقىلاۋىمەن، دەموكراتيالىق باقىلاۋمەن، ءادىليالىق باقىلاۋمەن، بۇقارالىق باقىلاۋمەن، قوعامدىق پىكىر باقىلاۋىمەن ءونىمدى تۇردە تۇتاسۋىن ىلگەرىلەتىپ، بيلىكتى قاتاڭ باقىلاۋعا الۋ كەرەك.

    شي جينپيڭ مىنالاردى اتاپ كورسەتتى: مەملەكەتتىڭ باقىلاۋ - تەكسەرۋ بيلىگىن ارناعا ءتۇسىرۋ جانە دۇرىس جۇرگىزۋ كەرەك. ءتارتىپ تەكسەرۋ، باقىلاۋ - تەكسەرۋ ورگاندارى پارتيا مەن حالىقتىڭ كەلەلى تاپسىرماسىن ارقالاپ وتىر، ءسوز جوق، تەمىر سوقساڭ قۇرىش بول دەگەن ساياسي تالاپتى ەستە بەرىك ساقتاپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، يدەيادا، ساياسيدا، ارەكەتتە پارتيا ورتالىق كوميتەتىمەن قاي - قاشان دا وسكەلەڭ ءبىر اۋىزدىلىقتى سانالى تۇردە ساقتاپ، پارتيا مەن حالىقتىڭ باقىلاۋىن سانالى تۇردە قابىلداپ، قاتاڭ تۇردە تارتىپكە، زاڭعا نەگىزدەلىپ، دەر كەزىندە اۋلانى تازالاپ، ەسىك - تەرەزەنى تازارتىپ، پارتيا ورتالىق كوميتەتى الاڭسىز، حالىق بۇقاراسى رازى بولاتىن ۇلگىلى ورگان قۇرۋعا قۇلشىنۋ كەرەك. قالىڭ ءتارتىپ تەكسەرۋ، باقىلاۋ - تەكسەرۋ كادرلارى ۇستامدى، ىجداعاتتى بولىپ، تومەنگى شەكتى ساقتاپ، مۇرات - سەنىمدى بەكەمدەپ، ساياسي قابىلەتتى جوعارىلاتىپ، ءوزىن تەجەۋدى كۇشەيتىپ، كاسىپتىك قابىلەتتى نىعايتىپ، ءتارتىپ، زاڭ وي تولعامىن، اسىرەسە، ءىس ءتارتىبى تانىمىن قاتايتىپ، ۇيىمنىڭ باقىلاۋىن ىرىقتىلىقپەن قابىلداپ، تارتىپكە، زاڭعا بويسۇنۋ، وزىنە ءتارتىپ ارقىلى قاتاڭ تالاپ قويۋ جاعىندا ونەگە كورسەتىپ، پارتيا مەن حالىقتىڭ ادال قورعاۋشىلارى بولۋ كەرەك.

جاۋاپتى رەداكتور: جازيرا بولاتباي قىزى