اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى ج ك پ ورتالىق كوميتەتى ساياسي بيۋروسى ءماجىلىسىنىڭ جانە باس شۋجي شي جينپيڭنىڭ ج ك پ ورتالىق كوميتەتى ساياسي بيۋروسىنىڭ 11 - رەتكى توپتىق ۇيرەنۋىندەگى، پارتيا سىرتىنداعى قايراتكەرلەردىڭ اڭگىمە ماجىلىسىندەگى ماڭىزدى سوزدەرىنىڭ رۋحىن جەتكىزدى، ۇيرەندى

  • كەلۋ قاينارى: ىلە گازەتى
  • 08:41:05 18/12/2018

ءماجىلىس بىلاي دەپ اتاپ كورسەتتى: ءار دارەجەلى پارتيا ۇيىمدارى پارتيا ىستەرىن جاريا ۇستاۋدىڭ نەگىزگى پرينسيبىن مىقتاپ يگەرىپ، دۇرىس بەتالىستان جازباي، دەموكراتيانى ساۋلەلەندىرۋدەن جازباي، بەلسەندى، ورنىقتى بولۋدان جازباي، زاڭعا، ەرەجەگە نەگىزدەلۋدەن جازباي، پارتيا ىستەرىن جاريا ۇستاۋدى جاڭا داۋىردەگى جۇڭگوشا سوتسياليزمنىڭ ۇلى امالياتى بارىسىندا جوبالاپ جانە ىلگەرىلەتىپ، پارتيانىڭ باسشىلىعىنا تاباندى بولۋ جانە كەمەلدەندىرۋ تالابىن پارتيا ىستەرىن جاريا ۇستاۋدىڭ جالپى بارىسىندا جانە ءار جاعىندا دايەكتىلەندىرىپ، بۇكىل رايونىمىزدىڭ پارتيا ىستەرىن جاريا ۇستاۋ قىزمەتىنىڭ تۇزىمدەنۋ، ارناعا ءتۇسۋ دەڭگەيىن ۇزدىكسىز ءوسىرىپ، قوعام ورنىقتىلىعى مەن باياندى تىنىشتىق باس نىساناسىنا شىن مانىندە ويداعىداي قىزمەت وتەۋ كەرەك.

    ءماجىلىس «اۆتونوميالى رايوننىڭ 2018 – جىلدان 2022 – جىلعا دەيىنگى كادرلاردى تاربيەلەۋ – باۋلۋ جوباسىن» قارادى.

    ءماجىلىس بىلاي دەپ اتاپ كورسەتتى: كادرلاردى تاربيەلەۋ – باۋلۋ جوباسىن ويداعىداي جاساۋدى، اتقارۋدى ءىرى ءىس رەتىندە يگەرىپ، جاڭا داۋىردەگى پارتيا قۇرىلىسىنىڭ باس تالابىن مۇقيات تياناقتاندىرىپ، جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، تياناقتاندىرىپ، مۇرات – سەنىم تاربيەسىن ماڭداي الدى مىندەت ەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ تاربيەسىن كۇش سالا ورىستەتىپ، ءار دارەجەلى كادرلاردى «ءتورت تانىمدى» كۇشەيتۋگە، «ءتورت سەنىمدى» بەكەمدەۋگە، «ەكىنى قورعاۋدى» ورىنداۋعا تاربيەلەۋ، جەتەكتەۋ كەرەك. كادرلاردىڭ ءوسىپ – جەتىلۋ زاڭدىلىعىن جانە كادرلاردى تاربيەلەۋ – باۋلۋ زاڭدىلىعىن يگەرىپ، تاربيەلەۋ – باۋلۋدىڭ باعىتتامالىلىعى مەن ونىمدىلىگىن ۇزدىكسىز جوعارىلاتىپ، باسشى كادرلاردىڭ كاسىپتىك قابىلەتى مەن كاسىپتىك رۋحىن قۇلشىنا جوعارىلاتىپ، بيلىك جۇرگىزۋ قابىلەتىن جاپپاي كۇشەيتىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان كادرلار قوسىنىن باۋلىپ جەتىلدىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋگە، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى تىرەك جانە كەپىلدىك ازىرلەۋ كەرەك.

    ءماجىلىس باسقا دا ىستەردى اقىلداستى.

    شوكىرات زاكىر، شاۋكەت يمىن، نۇرلان ءابىلماجىن ۇلى، جۋ حايلۇن، لي پىڭشين، ەركىن تۇنياز، تيان ۋىن، جي جىڭ، سارقىت اقان ۇلى، ياڭ شين، جاڭ چۇنلين ماجىلىسكە قاتىناستى.

جاۋاپتى رەداكتور: جازيرا بولاتباي قىزى