ازيا فۋتبول سالاسىنىڭ جاڭا جاعدايىنداعى قولامتالى تۇيىندەر

  • كەلۋ قاينارى: ىلە گازەتى
  • 04:06:18 14/01/2019

   

    17 - كەزەكتى ازيا فۋتبول جارىسى 1 - ايدىڭ 6 -كۇنى بەيجيڭ ۋاقىتى ساعات 00:00 دە اراب بىرىككەن امىرلىگىنىڭ ءابۋدابي قالاسىنداعى زايەد دەنە تاربيە سارايىندا رەسىمي شىمىلدىعىن اشتى. وسى رەتكى ازيا فۋتبول باسەكەسى 2 - ايدىڭ 1 -كۇنىنە دەيىن جالعاسىپ، 24 فۋتبول كومانداسى اراب بىرىككەن امىرلىگىندەگى 4 قالانىڭ 8 فۋتبول الاڭىندا 48 مايدان بەلدەسەدى. بۇل 2019 - جىلى حالىقارالىق دەنە تاربيە سالاسى مەن جۇڭگو فۋتبولىنىڭ جىل باستاۋ ويىنى بولماق،مۇندا ءسىرا نازار اۋدارۋعا تاتىرلىق قانداي قىزىقتار بولار ەكەن؟

    جاڭا ساياسات جاعىندا كوماندا سانىنىڭ تۇڭعىش رەت ارتتىرىلۋى ولاردىڭ باسەكەلىك قۋاتىن تومەندەتە مە؟

    ازيا فۋتبول بىرلەستىگى 2014 -جىلدان باستاپ ازيا فۋتبول جارىسى تۇزىمىنە رەسىمي وزگەرىس ەنگىزىپ، 2019 -جىلى 17 - كەزەكتى فۋتبول جارىسىنان باستاپ قۇرامانى 24 كومانداعا كوبەيتتى، ونىڭ ۇستىنە ازيا فۋتبول جارىسىنىڭ سارالاۋ جارىسى مەن دۇنيە جۇزىلىك فۋتبول جارىسىنىڭ سارالاۋ جارىسىن ءوزارا سايكەستىردى. سوندىقتان وسى رەتكى ازيا فۋتبول جارىسىنىڭ شەشۋشى اينالىمىندا جارىسقا قاتىناساتىن 24 كوماندانىڭ ىشىندە وتاعاسى ەل اراب بىرىككەن امىرلىگىنەن سىرت، قالعان 11 كوماندا 2018 -جىلعى دۇنيە جۇزىلىك فۋتبول جارىسىنىڭ ازيا رايونىنداعى 12 مىقتىنىڭ قاتارىنا كىرۋى ارقىلى جارىسقا قاتىناسۋ تولىمدىلىعىنا، قالعان 13 كوماندا ازيا فۋتبول جارىسىنىڭ سارالاۋ جارىسى ارقىلى جارىسقا قاتىناسۋ تولىمدىلىعىنا يە بولعان. مۇنىڭ ىشىندە فيليپپين، قىرعىزستان، يەمەن كوماندالارى سىندى ءۇش كوماندا تاريحتا تۇڭعىش رەت ازيا فۋتبول جارىسىنىڭ شەشۋشى اينالىمىنا كىرگەندەر.

    كوماندا سانى كوبەيتىلگەننەن كەيىن وسى كەزەكتى ازيا فۋتبول جارىسىنىڭ شەشۋشى اينالىمى 6 شاعىن گرۋپپادان قۇرالادى، ءاربىر شاعىن گرۋپپادان شىققان الدىڭعى ەكەۋىنە ءۇشىنشى بولعانداردان ناتيجەسى ەڭ كورنەكتى تورتەۋىن قوسىپ 16 مىقتىنى سارالاۋ جارىسىنا قاتىناستىرادى. جارىسقا قاتىناسقان فۋتبول كوماندالارى مەن گرۋپپالار جاعدايىنان الىپ ايتقاندا، كوماندالار سانى كوبەيگەننەن كەيىن دە ازيا فۋتبول سالاسى قۇرىلىمىندا تىم زور وزگەرىس بولا قويمايدى. ءار مىقتى كوماندالاردىڭ شاعىن گرۋپپا جارىسىندا قات -قابات توسقاۋىلداردى بۇزۋى زور ىقتيمالدىق. سونىمەن قاتار ازيا فۋتبول بىرلەستىگىنىڭ كەزەكتەگى جارىس كۇن تارتىبىنە ساي، 2019 -جىلى 9 -ايدان باستاپ 2022 -جىلعى دۇنيە جۇزىلىك فۋتبول جارىسىنىڭ ازيا رايونىنداعى 40 مىقتى گرۋپپالار بويىنشا بەلدەسەدى، ويتكەنى بۇل رەتكى ازيا فۋتبول جارىسى ناتيجەسىنىڭ جاقسى - جامان بولۋى بەلگىلى دارەجەدەن العاندا كەزىندە وتكىزىلەتىن جەرەبە تارتىپ گرۋپپالارعا بولگەن 40 مىقتىنىڭ «اتويشىلدارىن» سارالاپ شىعۋدى بەلگىلەيدى. كەزەكتەگى ەڭ جاڭا حالىقارالىق رەتكە تۇرعىزۋ جاعدايىنان قاراعاندا وسى رەتكى ازيا فۋتبول جارىسىنداعى 24 كوماندا تىزىمدىگىنىڭ ەڭ جوعارعى جاعىنداعى يران 29 - ورىندى، تىزىمدىكتىڭ ەڭ سوڭعىسى يەمەن 135 - ورىندى يەلەپ تۇر. بۇل جولعى ازيا فۋتبول جارىسىنىڭ تۇتاس تۇلعالىق جاعىنان الىپ قاراعاندا، باسەكەلىك ورەسى تومەندەي قويمايدى، قايسى كوماندا بولسىن، ازيا فۋتبول جارىسىن «ماشىق الاڭى» ەتەتىندەي تاۋەكەلشىلىككە دە بارا قويمايدى.

جاۋاپتى رەداكتور: گۇلدەن ماقسات قىزى