مەملەكەتتىك ەڭ جوعارى عىلىم -تەحنيكا سيلىعىنا بەرىلەتىن سيلىق اقشا ولشەمى 8 ميلليون يۋانعا جوعارىلاتىلدى

  • كەلۋ قاينارى: ىلە گازەتى
  • 05:57:06 18/01/2019

   

     مەملەكەتتىك ەڭ جوعارى عىلىم – تەحنيكا سيلىعىنىڭ سيلىق اقشا ولشەمى ادام باسىنا بەرىلەتىن 5 ميلليون يۋاننان 8 ميلليون يۋانعا جوعارىلاتىلىپ، سيلىق يەگەرىنە تولىعىمەن تابىس ەتىلەتىن بولدى. ءتىلشىنىڭ 1 – ايدىڭ 8 – كۇنى ۇعىسۋىنشا، عىلىم – تەحنيكا مينيستىرلىگى، قازىنا مينستيرلىگى «مەملەكەتتىك عىلىم – تەحنيكا سيلىعىنىڭ سيلىق اقشا ولشەمىن رەتتەۋ جونىندەگى حابارلاندىرۋىن» باسىپ تاراتىپ، سيلىق ولشەمىن رەتتەگەن.

    بۇل رەتكى سيلىق اقشا ولشەمىنىڭ رەتتەلۋى مەملەكەتتىك ەڭ جوعارى عىلىم – تەحنيكا سيلىعى بەكىتىلگەن 20 جىلدان بەرگى سيلىق اقشا مولشەرى مەن قۇرىلىمىنداعى تۇڭعىش رەتكى رەتتەلۋ بولدى.

    مۇنىڭ ىشىندە مەملەكەتتىك ەڭ جوعارى عىلىم – تەحنيكا سيلىعىنىڭ سيلىق اقشاسىن رەتتەۋ پرينسىبىندە، سيلىق مولشەرى %60 جوعارىلاۋدان تىس، سيلىقتىڭ بولىسكە سالىنۋ قۇرىلىمىنا دا رەتتەۋ جۇرگىزىلدى. جٶبادا سيلىق اقشاسى تۇگەلىمەن سيلىق يەگەرىنە ءتان ەكەندىگى ورتاعا قويىلىپ، بۇل جەكەنىڭ ەنشىسىندەگى شارۋا بولدى.

    مەملەكەتتىك ەڭ جٶعارى عىلىم – تەحنيكا سيلىعىنىڭ سيلىق اقشا ولشەمىن رەتتەۋمەن بىرگە، مەملەكەتتىك جاراتىلىستىق عىلىمدار سيلىعى، مەملەكەتتىك تەحنيكالىق تاپقىرلىق سيلىعى، مەملەكەتتىك عىلىم – تەحنيكا العاباسارلىعى سيلىعى سىندى «ءۇش ۇلكەن سيلىقتىڭ» سيلىق سوما ولشەمى بىردەي ۇيلەسىمدى رەتتەلىپ، رەتتەۋ پرينسىبى بويىنشا سيلىق مولشەرى %50 جوعارىلادى. مۇندا ەرەكشە سيلىقتىڭ ءاربىر نىسانىنا بەرىلەتىن سيلىق اقشانى ءبىر ميلليون يۋاننان ءبىر ميلليون 500 مىڭ يۋانعا؛ 1 – دارەجەلى سيلىقتىڭ ءاربىر عىلمي نىسانىنا بەرىلەتىن سيلىق اقشانى 200 مىڭ يۋاننان 300 مىڭ يۋانعا؛ 2 – دارەجەلى سيلىقتىڭ ءاربىر عىلمي نىسانىنا بەرىلەتىن سيلىق سوما ولشەمىن 100 مىڭ يۋاننان 150 مىڭ يۋانعا رەتتەدى.

    ماقالانى «حالىق گازەتىنەن» اۋدارعان جارقىن نۇرابىلدا ۇلى

جاۋاپتى رەداكتور: گۇلدەن ماقسات قىزى