قالامشانى قايتكەندە ۇسىكتەن ساقتاۋعا بولادى

  • كەلۋ قاينارى: ىلە گازەتى
  • 11:08:08 20/01/2019

    

    قالامشانىڭ قىستا ۇسىككە ۇشىراماۋىنا كەپىلدىك ەتۋ ءۇشىن، اسىرەسە، ايازعا قارسىلىق قۋاتى ءالسىز جانە ءوسۋى ءبىرشاما ناشار قالامشالار جونىنەن ۇتىمدى ءادىس – شارالار قولدانىپ، ولاردى ۇسىكتەن ساقتاۋ توتەنشە قاجەتتى.

    1. جەلدەن قورعانۋ قالتقىسىن ورناتۋ. توڭ جۇرۋدەن ىلگەرى كوشەتحانانىڭ جەل كىرەتىن ىرگەسىن قوناق سابانىمەن جاۋىپ، ۇسىكتەن، جەلدەن ساقتاۋ كەرەك. جەلدەن قورعاۋ قالتقىسىنىڭ بيىكتىگى ادەتتە 2 مەتر، ال قالتقى ارالىعى ونىڭ بيىكتىگىنىڭ 10 – 15 ەسەسىندەي بولادى. قالتقىنى كەلەسى جىلى كوكتەمدە اياز قايتقاننان كەيىن الىپ تاستايمىز. جەلدەن قورعانۋ قالتقىسى سۋىقتان قورعاۋ، جەل كۇشىن تومەندەتۋ رولىن اتقارىپ، قالامشانىڭ ۇسىكتەن زياندالۋىن جەڭىلدەتەدى. بيىك ورمان باقشاسىنداعى اعاشتاردىڭ ءدىڭى مەن ۇلكەن بۇتاقتارىن ءشوپ ارقانمەن سىرتىنان استىنان ۇستىنە قاراي ساعات سترەلكاسى باعىتى بويىنشا 10 – 20 سانتيمەتر كەڭدىكتە شىرماپ وراپ، جۇقا قورعانۋ قاباتىن قالىپتاستىرامىز، وسىلاي ىستەگەندە اعاشتاردىڭ نەگىزگى ءدىڭى مەن ۇلكەن بۇتاقتارىن ۇسىكتەن ساقتاۋعا بولادى.

    2. قالىڭداپ بۇركەۋ كەرەك. توڭ جۇرۋدەن ىلگەرى جاس كوشەت وركەنىن كۇرىش، ءبيداي ساباندارىمەن بۇركەپ جابۋ ارقىلى ۇسىكتەن قورعاۋ كەرەك. ءىشىنارا سۋىققا ءتوزىمسىز، باعالى اعاش تۇرلەرىن توپىراقپەن كومۋ ارقىلى ۇسىكتەن ساقتاۋعا بولادى، مۇندا كوشەت ۇشى كورىنبەيتىندەي كومىلسە بولعانى. تۇندە نەمەسە قىراۋلى كۇندەرى الاسا گۇل – بۇتالارعا كۇن قاعار تور بۇركەپ جابۋ كەرەك، وسىلاي بولعاندا كوشەت بۇتاقتارىنىڭ قىراۋمەن تىكەلەي جاناسۋىنان بارىپ ۇسىنۋىنەن ساقتاۋعا، ونىڭ ۇستىنە، تەمپەراتۋراسىن l℃ – 2℃ جوعارىلاتۋعا بولادى. بۇركەمەلەگەن كەزدە اينالاسىن كەرپىش، تاس سياقتىلارمەن مىقتاپ باستىرىپ قويىپ، بۇركەنىشتى كۇندىز الىپ تاستاۋ كەرەك. بيىك وسىمدىك جامىلعىلارى جونىنەن ايتقاندا اينالاسىنا 3 تە 4 قادا قاعىپ، وسىمدىكتى كۇن قاعار تورىمەن قورشاپ، ودان كەيىن وعان جىڭىشكە ءجىپ وتكىزىپ، تۇتىك ءتارىزدى فورماعا كەلتىرەمىز ءارى توبە ءبولىمىن كۇن قاعار تورىمەن بۇركەيمىز. كۇن اشىقتا كۇنقاعار توردى استىنان ۇستىنە قاراي ءتۇرىپ قويساق، وسىمدىك كۇن نۇرىن قابىلدايدى. كەلەر جىلى كوكتەمدە توڭ جىبىگەننەن كەيىن بۇركەنىشتى الىپ تاستاعان ءجون.

    3. ورگانيكالى تىڭايتقىش بەرۋ. اعاش ءدىڭىنىڭ سىرتىن اينالدىرا 50 – 100 سانتيمەترلىك 3 – 4 شۇڭقىر قازىپ، وعان جىلقى تەزەگى، ءشوپ – شالاڭ سياقتى تەز اشيتىن جىلۋلىعى جوعارى تىڭايتقىشتاردى سالساق، جەردىڭ جىلۋلىعىن جوعارىلاتۋعا بولادى. ورگانيكالى تىڭايتقىش جىلۋ شىعارادى ءارى توپىراقتى قۇنارلاندىرادى. تىڭايتقىش بەرۋمەن بىرگە، كوشەت ءتۇبىن توپىراقپەن قومداساق، اعاش تامىرىنىڭ ۇسىككە وڭاي شالدىعۋىنان ساقتانىپ، قىستان حاۋىپسىز وتۋىنە كەپىلدىك ەتۋگە بولادى.

    4. بۇتاپ تازالاۋ. قۋراعان، ءالسىز، قۇرت تۇسكەن جانە بوران سىندىرىپ كەتكەن بۇتاقتاردى بۇتاپ تازالاپ، دەرت – دەربەزگە شالدىعىپ قۋراعان، قۇرت تۇسكەن اعاشتاردى شوعىرلى ءبىرجاقتى ەتسەك، دەرت – دەربەزدەر مەن قۇرت – قۇمىرىسقالاردىڭ جالعاستى زيانداۋىنان ساقتاۋعا بولادى. مۇندا بۇتاۋ جۇمىسىن تالاپ بويىنشا جۇرگىزۋ كەرەك.

جاۋاپتى رەداكتور: گۇلدەن ماقسات قىزى