جىلىجايداعى كوكونىستى ۇسىكتەن قورعاۋدىڭ سەگىز ءادىسى

  • كەلۋ قاينارى: ىلە گازەتى
  • 11:09:55 20/01/2019

    

    ىستىق رايلى تىڭايتقىش ازىرلەۋ كەرەك.

    شىرىتىلگەن تاۋىق ساڭعىرىعى مەن سيىردىڭ قيى تۇگەلدەي اۋا وتكىزگىشتىگى جاقسى، ىستىق رايلى ورگانيكالىق تىڭايتقىش ەسەپتەلەدى. جىلىجايداعى كوكونىس قالامشاسىن جوتكەپ ەگۋدەن بۇرىن تاۋىق ساڭعىرىعى مەن سيىر قيىنىڭ توپىراقپەن بولعان قاتىناسىن 2:2:6 سالىستىرماسى بويىنشا بەرۋ كەرەك. ويتكەنى بۇل تۇردەگى ارالاسپا توپىراق قاباتىنىڭ جىلۋ ءسىمىرۋ، جىلۋ تاراتۋ قۋاتى ءبىرشاما جاقسى بولادى. بۇل كوكونىس قالامشاسى تامىرىنىڭ جەتىلۋى مەن ءوسىپ – ونۋىنە توتەنشە ءتيىمدى كەلەدى.

    قورعانۋ قاباتى رەتىندە بويرا جابۋ كەرەك.

    بويرانىڭ جىلۋ وتكىزگىشتىگى، سۋىقتان قورعاۋى جاقسى بولادى. ءوندىرىس بارىسىندا كۇرىش سابانى سياقتىلاردان بويرا توقىپ جاۋىپ، اۋا رايى ۇيلەسىمدى بولعاندا بويرانى اشىپ تاستاۋ كەرەك. بويرانى ءبىر ساعات اشقاننان كەيىن جىلىجايدىڭ تەمپەراتۋراسى 18℃ بولسا ۇيلەسىمدى ەسەپتەلەدى، 18℃ تان جوعارى بولسا، جالعاستى اشىپ قويىپ، 18℃ تان تومەندەگەندە جابۋ كەرەك، بۇلتتى، قارلى اۋا رايىنداعى تۇندەردە بويرانىڭ سىرتىنان تاعى ءبىر قابات ۇسىكتەن ساقتايتىن سۋلياۋ جارعاق جاۋىپ، جىلىجاي تەمپەراتۋراسىن 2 دە 3 سەلتسي گرادۋس ارتتىرۋ كەرەك. ەگەر جىلىجاي ىشىنە قالامشا جەتىلدىرۋ قاجەت بولعاندا قالامشا وتىرعىزىلعان تاقتانىڭ ۇستىنە تاعى كۇمبەزشە لاپاس جاساپ، ونى كوپ قاباتتاپ بۇركەپ جابۋ ارقىلى جىلۋلىقتى، ىلعالدىقتى ساقتاۋعا بولادى. تەمپەراتۋرا تومەندەپ، ۇسىك جۇرۋدەن ىلگەرى قاتار ارالىعىنا كۇل شاشىپ، كۇرىش سابانى سياقتىلاردى توسەسە، قالامشانى سۋىقتان، ۇسىكتەن ساقتايدى.

    تەمپەراتۋرانى جاساندى جولمەن جوعارىلاتىپ، كۇن نۇرىن تولىقتاۋ كەرەك.

    جىلىجايدىڭ ارتقى قابىرعاسىنا جارىق شاعىلىستىرعىش جارعاق ورناتىپ، جىلىجايدىڭ جارىقتانۋ دارەجەسى جوعارىلاتۋعا بولادى. ال جىلىجايعا ەلەكتر لامپاسىن ورناتىپ، بۇلتتى، قارلى كۇنگى كۇن نۇرى ءالسىز جاعدايدا تاڭەرتەڭ – كەش 3 ساعات اينالاسىندا جارىقتاندىرۋ كەرەك (مۇندا تۇندە 8 ساعات اينالاسىندا بولۋعا كەپىلدىك ەتۋ كەرەك). جىلىجاي تەمپەراتۋراسى كوكونىس قاجەت ەتەتىن ەڭ تومەنگى تەمپەراتۋراعا تۇسكەندە وت جاعۋ كەرەك (مۇندا اۋا جىلىتقىش پەش نەمەسە ادەتتەگى پەشپەن تەمپەراتۋرانى جوعارىلاتۋ كەرەك). دەسە دە، جىلىجاي تەمپەراتۋراسىنىڭ كۇرت جوعارىلاۋىنان، ارتىقشا جوعارىلاۋىنان ساقتانۋ كەرەك. بۇدان تىس مورجانى ىركىلىسسىزدەندىرىپ، جىلىجايدى ىس - تۇتەك قاپتاپ، كوكونىستەردى ءبۇلدىرۋدىڭ الدىن الۋ كەرەك.

جاۋاپتى رەداكتور: گۇلدەن ماقسات قىزى