ءبيداي مايساسىنىڭ قىس تۇسۋدەن بۇرىن قاۋىرت كوتەرىلۋىنەن ساقتانۋ كەرەك

  • كەلۋ قاينارى: ىلە گازەتى
  • 11:11:38 20/01/2019

    

    ءبيداي مايساسىنىڭ قىس تۇسۋدەن بۇرىن قاۋىرت كوتەرىلۋى قىستان حاۋىپسىز وتۋىنە ءتيىمسىز، ۇسىككە وڭاي شالدىعادى، سوندىقتان دەركەزىندە الدىن الۋ شاراسىن قولدانعان ءجون.

    مايسانىڭ ەرتە تۇقىم سىڭىرۋدەن قاۋىرت كوتەرىلۋى

    جاس مايسانىڭ جاپىراقتارى جىڭىشكە، تۇپتەنۋى جەتكىلىكسىز بولىپ، نەگىزگى ساباعى مەن ءىشىنارا ۇلكەن مايسا تۇپتەرى قىس تۇسۋدەن بۇرىنعى ەكىنشى ءوسۋ مەزگىلىنە وتەدى. مۇنداي مايسا وركەنى ەكىنىڭ بىرىندە الدىمەن قاۋىرت ءوسىپ، كەيىن السىرەيدى دە، قىس ماۋسىمىندا ءۇرتىس 5 ساعات نولدەن تومەن 10℃ تىق تەمپەراتۋرادا وڭاي ۇسىككە شالدىعادى. سوندىقتان ءبيداي مايساسىن دەر كەزىندە تۇپتەۋ ارقىلى نەگىزگى ساباق پەن ۇلكەن مايسانىڭ قاۋلاپ ءوسۋىن تەجەۋ كەرەك. تۇپتەۋ جۇمىسىن كۇن اشىقتا ەرتە ىستەگەن ءجون. قىراۋ نەمەسە شىق قۇرعاماي تۇرىپ تۇپتەۋگە بولمايدى. بۇلاي ىستەگەندە مايسانى ءبۇلدىرىپ الامىز. تۇپتەۋ جۇمىسى بىتكەننەن كەيىن دەركەزىندە توپىراعىن اۋدارۋ، قىس تۇسۋدەن بۇرىن سۋارۋ كەرەك. سونىمەن بىرگە، ءار 667 شارشى مەتر جەرگە 15 كيلوگرام كومرتەكتى امموني بەرۋ كەرەك. قاجەتتى كەزدە %0.3%~0.2 تىك حلور مەكۋات ەرتىندىسىن بۇرىكسە، مايسانىڭ قاۋىرت ءوسۋىن تەجەپ، ۇسىككە كەتۋدىڭ الدىن الادى.

    مولشەردەن ارتىق تۇقىم سىڭىرۋدەن بولاتىن مايسا وركەنىنىڭ قاۋىرت كوتەرىلۋى

    ءبيداي مايساسى تىم تىعىز بولىپ كەتسە، جەتىلۋى ءالسىز، تۇپتەنۋى كوپ بولادى. مۇندايدا مايسانى دەر كەزىندە سيرەتىپ، سۋ جانە تىڭايتقىشتارىن تولىقتاپ بەرۋ كەرەك. مايسانى ۇيلەسىمدى سيرەتۋ ارقىلى دەربەس ءوسىپ - جەتىلۋىن جەدەلدەتۋگە بولادى. مايسانى سيرەتۋمەن بىرگە، سۋارۋ بارىسىندا لايىقتى مولشەردە ءونىمدى ازوتتى تىڭايتقىش نەمەسە فوسفورلى تىڭايتقىش بەرۋ كەرەك.

    مايسانىڭ تىڭايتقىشتى شەكتەن تىس بەرۋدەن قاۋىرت كوتەرىلۋى

    مۇندا ءبيداي مايساسى شوعىرلى تۇپتەنىپ، جاپىراق الاقانى كەڭەيىپ، ارالىعى تىم ءجيى بولىپ كەتەدى. جەردى 5 – 7 سانتيمەتر اينالاسىندا تەرەڭ اۋدارىپ تامىرىن ءۇزۋ كەرەك. ءىشىنارا قوسالقى تامىرلاردى ءۇزىپ، قورەكتىكتىڭ ءبولىنۋىن، ءتۇپ – ءتۇپ بولىپ ءوسۋىن تەجەپ، تولىمدى مايسا جەتىلدىرۋ كەرەك.

جاۋاپتى رەداكتور: گۇلدەن ماقسات قىزى